ଚଳଚ୍ଚିତ୍ର ହେଉ କି ମଞ୍ଚ କଳାକାର ହେଉ ସବୁଠି ନିଜ ଅଭିନୟର ଜାଦୁ ସେ ଦେଖାଇଛନ୍ତି । ସେ ରେଡିଓ ଜକି ଭାବେ କାମ କରିଛନ୍ତି ଓ ଏହାସହ ସେ ଜଣେ ଦକ୍ଷ ଓଡିଶୀ ଏବଂ ଛଉ ନୃତ୍ୟଶିଳ୍ପୀ ମଧ୍ୟ । ତାଙ୍କ ଅଭିନୟ ଆପଣଙ୍କ ମନରେ ନିହାତି ଭାବେ ଏକ ସ୍ଵତନ୍ତ୍ର ଛାପଟିଏ ତିଆରି କରିଥିବ । ତେବେ ଏହାସହ ଜଣେ ଖୁବ ଭଲ ଡ଼ବିଙ୍ଗ ଆର୍ଟିଷ୍ଟ ମଧ୍ୟ । ପରଦା ପଛରେ ରହି ମଧ୍ୟ ତାଙ୍କ ସ୍ଵର ଆପଣଙ୍କ ମନକୁ ନିଶ୍ଚୟ ଛୁଇଁଥିବ । ତେବେ ସେ ହେଉଛନ୍ତି ଓଲିଉଡର ଦିଗଜ ଅଭିନେତ୍ରୀ ରାକ୍ଷୀ ଦାଶ ।
ସେ ଦୂରଦର୍ଶନରେ ପ୍ରସାରିତ ‘ଆହୁତି’ ନାମକ ଏକ ମେଗା ଧାରାବାହିକରୁ ଶିଶୁ କଳାକାର ଭାବେ ଅଭିନୟ ଦୁନିଆରେ ପାଦ ଦେଇଥିଲେ । ତାଙ୍କର ପ୍ରତିଭା ପଛରେ ତାଙ୍କ ବାପାଙ୍କର ବେଶୀ ପ୍ରୋତ୍ସାହନ ଥିଲା ବୋଲି କହିଛନ୍ତି ରାକ୍ଷୀ । ସେ ତାଙ୍କୁ ସବୁଆଡେ କାର୍ଯ୍ୟକ୍ରମ ଗୁଡିକରେ ଯୋଗ ଦେବା ପାଇଁ ନେଇ ଯାଉଥିଲେ । ତାଙ୍କ ଚେଷ୍ଟା ଓ ବାପାମା’ଙ୍କ ଆଶୀର୍ବାଦ ଯୋଗୁଁ ସେ ଅନେକ ସୁଯୋଗ ପାଇଛନ୍ତି ଓ ଅନେକ କାର୍ଯ୍ୟ କରିଛନ୍ତି । ରେଡିଓ ଜଳି ଭାବେ କାର୍ଯ୍ୟ କରିବା ତାଙ୍କ ପାଇଁ ଏକ ନିଆରା ଅନୁଭୂତି ବୋଲି ସେ କୁହନ୍ତି ।
ତାଙ୍କର ତିନୋଟି ପୁଅ-ବୋହୂ ଓ ଗୋଟିଏ ଝିଅ ଯିଏକି ବମ୍ବେରେ ରହି ପାଠ ପଢୁଛନ୍ତି । ଆଉ ଘରେ ଦୁଇଟି କୁକୁର ଅଛନ୍ତି ଏବଂ ତାଙ୍କ ଘର ଭାରେ ଥିବା ବୁଲା କୁକୁର ମାନଙ୍କୁ ମଧ୍ୟ ସେ ବହୁତ ଭଲପାନ୍ତି । ଘରକୁ ଦୁଇଜଣ କାମରେ ସାହାଯ୍ୟ କରିବା ପାଇଁ ଆସନ୍ତି ସେମାନଙ୍କୁ ମଧ୍ୟ ନିଜ ପରିବାର ଭଳି ସେ କୁହନ୍ତି । ଏହି ସମସ୍ତଙ୍କୁ ନେଇ ରାକ୍ଷୀଙ୍କ ସଂସାର । ସେ ଅନେକ ସିନେମା ଓ ଫିଲ୍ମରେ କମ କରିଛନ୍ତି ।
ସେ ଘରୋଇ ମନୋଭାବର ହୋଇଥିବାରୁ ତାଙ୍କୁ ଘରେ ଅଧିକ ସମୟ ଦେବା, ପିଲାଙ୍କ ଯତ୍ନ ନେବା ଓ ରୋଷେଇ କରିବା ଅଧିକ ପସନ୍ଦ । ତେଣୁ ସେ ଧାରାବାହିକ ଓ ସିନେମା ଏସବୁ ପ୍ରତି ଅଧିକ ସମୟ ଦେଇପାରନ୍ତି ନାହିଁ । ତେବେ ଆପଣ ଜାଣିଲେ ଆଶ୍ଚର୍ଯ୍ୟ ହେବେ କି, ଲୋକପ୍ରିୟ ଓଲିଉଡ ଅଭିନେତ୍ରୀ ରଚନା ବାନାର୍ଜୀଙ୍କ ପାଇଁ ରାକ୍ଷୀ ଅନେକ ଫିଲ୍ମରେ ଭଏସ ଦେଇଛନ୍ତି । ଏକଥା ନେଇ ସେ କୁହନ୍ତି କି ରଚନା ଓ ବୀଣାପାଣି ମହାପାତ୍ରଙ୍କ ଭଳି ବଡ ବଡ ଅଭିନେତ୍ରୀଙ୍କ ପାଇଁ ସ୍ଵର ଦେବେ ବୋଲି ସେ କେବେ ଭାବି ନଥିଲେ ।
କିନ୍ତୁ ତାଙ୍କ ମନରେ ଅଭିନୟ ପ୍ରତି ରୁଚି, ଭଲପାଇବା ତାଙ୍କ ଡ଼ବିଙ୍ଗରେ ଦେଖା ଯାଇଥିଲା । ସେଥିପାଇଁ ତାଙ୍କୁ ରଚନାଙ୍କ ସ୍ଵର ଭାବେ ପରିଚୟ ମିଳିଥିଲା ଓ ସେ ଏହାକୁ ନେଇ ବହୁତ ଖୁସି ଏବଂ ଗର୍ବିତ ମଧ୍ୟ ।