ସମଗ୍ର ଭାରତରେ ସବୁଠୁ ଅଧିକ ଚାହିଦା ଥିବା ଟ୍ରେନ୍ ହୋଇପାରିଛି ବନ୍ଦେ ଭାରତ ଏକ୍ସପ୍ରେସ୍ – Utkal Mail
ନୂଆଦିଲ୍ଲୀ: ଭାରତୀୟ ରେଳବାଇର ବନ୍ଦେ ଭାରତ ଟ୍ରେନ୍ ଯୁବବର୍ଗଙ୍କ ଆକାଂକ୍ଷାକୁ ପୂର୍ଣ୍ଣକରିବା ପାଇଁ ସର୍ବୋତ୍ତମ ଯାତ୍ରା ବିକଳ୍ପ ହୋଇପାରିଛି।
ପୂର୍ବତଟ ଅଞ୍ଚଳର ବନ୍ଦେ ଭାରତ ଟ୍ରେନରେ ଯାତ୍ରା କରୁଥିବା ଯାତ୍ରୀଙ୍କ ତଥ୍ୟ ଅନୁଯାୟୀ, ୨୫ରୁ ୫୦ ବର୍ଷ ବୟସରେ ଯୁବକ ଏବଂ ବିଭିନ୍ନ ସଂସ୍ଥାରେ କାର୍ଯ୍ୟ କରୁଥିବା କିମ୍ବା ରୋଜଗାର ଶ୍ରେଣୀ ହାରାହାରି ୪୭.୬ ପ୍ରତିଶତ ଯାତ୍ରୀ ଏହି ବୟସ ବର୍ଗର ଅଟନ୍ତି ଯେଉଁମାନେ ବନ୍ଦେ ଭାରତ ଏକ୍ସପ୍ରେସକୁ ଅନ୍ୟ ଗମନା ଗମନ ମାଧ୍ୟମ ଅପେକ୍ଷା ଅଧିକ ପସନ୍ଦ କରୁଛନ୍ତି ।
ପୁରୀ-ହାଓଡ଼ା ଏବଂ ପୁରୀ-ରାଉରକେଲା ମଧ୍ୟରେ ବନ୍ଦେ ଭାରତ ଏକ୍ସପ୍ରେସ ଟ୍ରେନରେ ଯାତ୍ରା କରୁଥିବା ସମସ୍ତ ବୟସ ବର୍ଗର ଯାତ୍ରୀଙ୍କ ମଧ୍ୟରେ ଏହି ବୟସ ବର୍ଗ ଶ୍ରେଣୀ ସର୍ବାଧିକ ରହିଛନ୍ତି।
ପୂର୍ବତଟ ଅଞ୍ଚଳର ମହିଳା ଯାତ୍ରୀମାନେ ମଧ୍ୟ ଆରାମ, , ସୁରକ୍ଷା ଏବଂ ନିରାପତ୍ତା ଯାତ୍ରା ପାଇଁ ବନ୍ଦେ ଭାରତ ଏକ୍ସପ୍ରେସ ଟ୍ରେନରେ ଯାତ୍ରା କରିବା ପାଇଁ ନିଜର ସମାନତା ପ୍ରଦର୍ଶନ କରୁଛନ୍ତି।
ଏକ ତଥ୍ୟ ଅନୁଯାୟୀ, ପୂର୍ବତଟ ଅଞ୍ଚଳରେ ଚଳାଚଳ କରୁଥିବା ବନ୍ଦେ ଭାରତ ଟ୍ରେନମାନଙ୍କର ସମସ୍ତ ଯାତ୍ରୀଙ୍କ ମଧ୍ୟରେ ପାଖାପାଖି ୪୦% ମହିଳା ଯାତ୍ରୀ ଅଟନ୍ତି।
ପରିବହନ ଉଦ୍ୟୋଗ ଆକଳନ ଅନୁଯାୟୀ, ଚେନ୍ନାଇ- ବେଙ୍ଗାଲୁରୁ, ଥିରୁଅନନ୍ତପୁରମ-କାସରଗୋଡ୍, ମୁମ୍ବାଇ-ପୁଣେ, ଜାମନଗର- ଅହମ୍ମଦାବାଦ ଏବଂ ଦିଲ୍ଲୀ-ଜୟପୁର ମାର୍ଗରେ ବନ୍ଦେ ଭାରତର ଶୁଭାରମ୍ଭ ସହିତ ଏପ୍ରିଲ୍ ମାସ ସ୍ତରରୁ ଏହି କ୍ଷେତ୍ରର ବିମାନ ପରିବହନ ୨୦-୩୦% ହ୍ରାସ ପାଇଛି ।
ଏହି ମାର୍ଗରେ ବନ୍ଦେ ଭାରତର ଶୁଭାରମ୍ଭ ବିମାନ ସେବା ଗ୍ରାହକଙ୍କ ୧୦-୨୦ ପ୍ରତିଶତ ଉପରେ ବିଶେଷ ପ୍ରଭାବ ପକାଇଛି । ଏହାର ପ୍ରଭାବ ଏହି କ୍ଷେତ୍ରଗୁଡିକରେବନ୍ଦେ ଭାରତ ଏକ୍ସପ୍ରେସ ଆରମ୍ଭ ହେବା ପୂର୍ବରୁ ବିମାନ ତୁଳନାରେ ଏହି ମାର୍ଗରେ ବିମାନ ଚଳାଚଳ ହ୍ରାସ ପାଇଛି ।
ଆହୁରି ମଧ୍ୟ ଲୋକମାନେ ନିଜ ଗାଡିରେ ଯାତ୍ରା କରିବା ଅପେକ୍ଷା ବନ୍ଦେ ଭାରତକୁ ପସନ୍ଦ କରୁଛନ୍ତି । ଉଦାହରଣ ସ୍ୱରୂପ, ପୁରୀରୁ ରାଉରକେଲା ପର୍ଯ୍ୟନ୍ତ ବନ୍ଦେ ଭାରତ ଟ୍ରେନ୍ ୦୭ ଘଣ୍ଟା ୪୫ ମିନିଟ୍ ସମୟ ନେଇଥାଏ ଯାହାକି ତପସ୍ୱିନୀ ଏକ୍ସପ୍ରେସ୍ ( ଯାହା ଏହି ମାର୍ଗର ଦ୍ରୁତତମ ଟ୍ରେନ) ଦ୍ୱାରା ୧୦ଘଣ୍ଟା ୪୫ ମିନିଟ୍ ଏବଂ ସଡ଼କ ଯାତ୍ରା ପ୍ରାୟ ୧୨ ଘଣ୍ଟା ସମୟ ନେଇଥାଏ ।ବନ୍ଦେ ଭାରତ ଆଜି ସମଗ୍ର ଭାରତରେ ସବୁଠୁ ଅଧିକ ଚାହିଦାଯୁକ୍ତ ଟ୍ରେନ୍ ଭାବେ ନିଜକୁ ପରିଗଣିତ କରିପାରିଛି।
