Thursday, October 22 2026

Breaking News

କାନାଡାର ଆଲବର୍ଟା ପ୍ରଦେଶରେ ଥିବା ଏକ ସାମରିକ ଘାଟିରେ ଭୟଙ୍କର ଅଗ୍ନିକାଣ୍ଡ ଘଟିଛି । ଏହି ଘଟଣାରେ ଅନେକ ସୈନିକ ଏବଂ ସାଧାରଣ ଲୋକଙ୍କ ମୃତ୍ୟୁ ହୋଇଥିବା ବେଳେ ଅନେକ ଆହତ ହୋଇଛନ୍ତି । ତେବେ ମୃତାହତଙ୍କ ସଠିକ୍ ସଂଖ୍ୟା ଏଯାଏଁ ସ୍ପଷ୍ଟ ହୋଇନାହିଁ । ଅଗ୍ନିକାଣ୍ଡର କାରଣ ଏପର୍ଯ୍ୟନ୍ତ ସୁଦ୍ଧା ଜଣାପଡ଼ିନାହିଁ । ଘଟଣାକୁ ନେଇ ତଦନ୍ତ ଆରମ୍ଭ ହୋଇଥିବା ବେଳେ ଉଦ୍ଧାର କାର୍ଯ୍ୟ ଜାରି ରହିଛି । କାନାଡାର ଆଲବର୍ଟା ପ୍ରଦେଶର ଏକ ସାମରିକ ଘାଟିରେ ଅଗ୍ନିକାଣ୍ଡକୁ ନେଇ ହଇଚଇ ସୃଷ୍ଟି ହୋଇଛି । କାନାଡାର ପ୍ରତିରକ୍ଷା ମନ୍ତ୍ରୀ ଡେଭିଡ୍ ମ୍ୟାକଗୁଣ୍ଟିଙ୍କ ସୂଚନା ଅନୁଯାୟୀ, ଏହି ଦୁର୍ଘଟଣାରେ ଅନେକ ସୈନିକ ଏବଂ ସାଧାରଣ ନାଗରିକଙ୍କ ଜୀବନ ଯାଇଛି । ଏଥିସହ ଅନେକ ଲୋକ ଆହତ ହୋଇଛନ୍ତି । ତେବେ କେତେ ଜଣଙ୍କ ମୃତ୍ୟୁ ହୋଇଛି ଏବଂ କେତେ ଜଣ ଆହତ ହୋଇଛନ୍ତି, ସେନେଇ ସରକାରୀ ଭାବେ ସଠିକ୍ ତଥ୍ୟ ଦିଆଯାଇନାହିଁ । ଘଟଣାର କାରଣ ଜାଣିବା ପାଇଁ ରୟାଲ କାନାଡିଆନ୍ ମାଉଣ୍ଟେଡ୍ ପୁଲିସ ତଦନ୍ତ ଆରମ୍ଭ କରିଛି । ଅନ୍ୟପଟେ, ଅଗ୍ନିକାଣ୍ଡ ପରେ ପରିସ୍ଥିତି ଗମ୍ଭୀର ରହିଥିବାରୁ ଉଦ୍ଧାର କାର୍ଯ୍ୟକୁ ଜୋରଦାର କରାଯାଇଛି । କାନାଡାର ସାମରିକ ବାହିନୀ ସହ ସଂଘୀୟ ସରକାର, ପ୍ରାଦେଶିକ ପ୍ରଶାସନ ଏବଂ ସ୍ଥାନୀୟ କର୍ତ୍ତୃପକ୍ଷ ମିଳିତ ଭାବେ ଉଦ୍ଧାର କାର୍ଯ୍ୟରେ ଲାଗିଛନ୍ତି । ନିକଟସ୍ଥ ୱେନରାଇଟ୍ ଅଞ୍ଚଳର ହସ୍ପିଟାଲ ଏବଂ ଅଗ୍ନିଶମ କର୍ମଚାରୀମାନେ ମଧ୍ୟ ସହଯୋଗ କରୁଛନ୍ତି। ଏଥିସହ ସ୍ଥାନୀୟ ପ୍ରଶାସନର ସୂଚନା ଅନୁଯାୟୀ, ନିଆଁ ସାମରିକ ଘାଟିର ସୀମା ବାହାରକୁ ମଧ୍ୟ ବ୍ୟାପିଯାଇଥିଲା । ପ୍ରବଳ ପବନ ଯୋଗୁଁ ନିଆଁ ଦ୍ରୁତ ଗତିରେ ବ୍ୟାପିଥିଲା । ତେବେ ଅଗ୍ନିଶମ କର୍ମଚାରୀଙ୍କ ଉଦ୍ୟମରେ ନିଆଁକୁ ନିୟନ୍ତ୍ରଣକୁ ଅଣାଯାଇଥିବା ସୂଚନା ମିଳିଛି । ଏହି ଦୁଃଖଦ ଘଟଣାକୁ ନେଇ କାନାଡାର ପ୍ରଧାନମନ୍ତ୍ରୀ ମାର୍କ କାର୍ନି ସୋସିଆଲ ମିଡିଆରେ ପ୍ରଭାବିତ ପରିବାର ଏବଂ ଲୋକଙ୍କ ପ୍ରତି ସମବେଦନା ଜଣାଇଛନ୍ତି । ସେହିପରି ଆଲବର୍ଟାର ମୁଖ୍ୟମନ୍ତ୍ରୀ ଡାନିଏଲ୍ ସ୍ମିଥ୍ ଏହି ଅଗ୍ନିକାଣ୍ଡକୁ ଗମ୍ଭୀର ଏବଂ ଦୁଃଖଦ ଘଟଣା ବୋଲି କହିଛନ୍ତି । ଏଥିରେ ଅନେକ ସାମରିକ କର୍ମଚାରୀ ପ୍ରଭାବିତ ହୋଇଥିବା ସେ ଉଲ୍ଲେଖ କରିଛନ୍ତି । ସାମରିକ ଘାଟିରେ ଏଭଳି ଭୟଙ୍କର ଅଗ୍ନିକାଣ୍ଡ ପରେ ଘଟଣାର ପ୍ରକୃତ କାରଣ ଏବଂ ମୃତାହତଙ୍କ ସଠିକ୍ ସଂଖ୍ୟା ଜାଣିବାକୁ ତଦନ୍ତ ରିପୋର୍ଟକୁ ଅପେକ୍ଷା କରାଯାଇଛି ।
Fire In Alberta: ଆଲବର୍ଟାର ସାମରିକ ଘାଟିରେ ଅଗ୍ନିକାଣ୍ଡ ଆତଙ୍କ, ଶୋକ ପ୍ରକାଶ କଲେ ପ୍ରଧାନମନ୍ତ୍ରୀ
Shivaji Satam: ନାନା ପାଟେକରଙ୍କୁ ମନେ ପକାଇ ଭାବବିହ୍ୱଳ ହେଲେ ACP ପ୍ରଦ୍ୟୁମ୍ନ, କହିଲେ ୪୦ ବର୍ଷର ବନ୍ଧୁତାର କାହାଣୀ
Sonth Water: ଔଷଧୀୟ ଗୁଣରେ ଭରପୁର ସୁଣ୍ଠି ପାଣି, ଶୋଇବା ପୂର୍ବରୁ ପିଅନ୍ତୁ ଏହି ପାଣି ଅନେକ ସମସ୍ୟା କରିବ ଦୂର
Horoscope: ଆଜିର ଦିନ କେଉଁ ରାଶି ଲୋକଙ୍କ ପାଇଁ ଅତ୍ୟନ୍ତ ଖୁସି ଆଣିବ, ଜାଣନ୍ତୁ ଆପଣଙ୍କ ରାଶିଫଳ
Ind vs WI T20 Series : ଭାରତ-ୱେଷ୍ଟଇଣ୍ଡିଜ୍ ଟି-୨୦ ସିରିଜରେ ଛକା ବର୍ଷା, ୧୦୫ ଛକା ମାରି ଭାଙ୍ଗିଲା ରେକର୍ଡ
Achar Dangerous: ଆଚାର ଖାଇଲେ ହେବ ଏହି ମାରାତ୍ମକ ରୋଗ, ରୁହନ୍ତୁ ସତର୍କ
Ranbir Kapoor in Durga Puja : ଦୁର୍ଗାପୂଜା ପେଣ୍ଡାଲରେ ପହଞ୍ଚିଲେ ରଣବୀର କପୁର, ମା’ଙ୍କ ଆଶୀର୍ବାଦ ନେଇ ଗାଇଲେ ଗୀତ
Arrest By Vigilance : ୬୬ ଲକ୍ଷ ଟଙ୍କାର ହେରଫେର ଅଭିଯୋଗ, ବରିଷ୍ଠ କିରାଣୀ ଏବଂ ଦୁଇ ସହଯୋଗୀ ଗିରଫ
Maharashtra Accident: କାର୍ ଓ ST ବସ୍ ମଧ୍ୟରେ ଭୟଙ୍କର ଧକ୍କା, ଚାଲିଗଲା ୫ ଜଣଙ୍କ ଜୀବନ

No items found.