ସମାଜ ଡିଜିଟାଲ ଡେସ୍କ: ଇସ୍ରାଏଲ ଏବଂ ଆତଙ୍କବାଦୀ ସଂଗଠନ ହେଜବୋଲ୍ଲା ମଧ୍ୟରେ ଚାଲିଥିବା ଯୁଦ୍ଧରେ ବର୍ତ୍ତମାନ ସୁଦ୍ଧା ଇସ୍ରାଏଲକୁ ବଡ଼ ସଫଳତା ହାସଲ ହୋଇଛି। ଗତ ଏକ ସପ୍ତାହ ମଧ୍ୟରେ ଇସ୍ରାଏଲ ହେଜବୋଲ୍ଲାର ୭ ବରିଷ୍ଠ କମାଣ୍ଡରଙ୍କୁ ନିପାତ କରିବାରେ ସକ୍ଷମ ହୋଇଛି। ସେମାନଙ୍କ ମଧ୍ୟରେ ହେଜବୋଲ୍ଲା ମୁଖ୍ୟ ହସନ ନସରଲ୍ଲା ବି ସାମିଲ ରହିଛି।
ଇସ୍ରାଏଲ ଏବଂ ହମାସ ମଧ୍ୟରେ ଗାଜାରେ ଯୁଦ୍ଧ ଚାଲିଥିବାବେଳେ ହମାସ ସମର୍ଥରେ ହେଜବୋଲ୍ଲା ଏଥିରେ ସାମିଲ ହୋଇଥିଲା। ଯାହାଫଳରେ ଇସ୍ରାଏଲ ହମାସକୁ ନିପାତ କରିବା ସହିତ ହେଜବୋଲ୍ଲା ପଛରେ ପଡ଼ିଯାଇଥିଲା। ତା’ ପରଠାରୁ ଇସ୍ରାଏଲ ଲଗାତର ଆକ୍ରମଣ ଜାରି ରଖି ହେଜବୋଲ୍ଲାର ଅଧିକାଂଶ ଠିକଣାକୁ ଧ୍ବଂସ କରିବାରେ ସଫଳ ହୋଇଛି। ନିହତ ହୋଇଥିବା କମାଣ୍ଡରଙ୍କ ମଧ୍ୟରେ ନାବିଲ କାଉକ ବି ସାମିଲ ରହିଛି। ସେ ୧୯୮୦ ମସିହାରେ ହେଜବୋଲ୍ଲାରେ ସାମିଲ ହୋଇଥିଲା। ନସରଲ୍ଲା ପରେ ସେ ସଂଗଠନର ମଙ୍ଗ ଧରିବ ବୋଲି ଯୋଜନା ରହିଥିଲା। ହେଲେ ଇସ୍ରାଏଲ ଏବେ ହେଜବୋଲ୍ଲା ସହିତ ଟପ କମାଣ୍ଡରମାନଙ୍କୁ ନିପାତ କରି ଆତଙ୍କୀ କାର୍ଯ୍ୟକଳାପ ଉପରେ ରୋକ ଲଗାଇବାରେ ସମର୍ଥ ହୋଇଛି।
