ସହିଦ ପୁଅକୁ ନ ଦେଖି ମା’ ଦେଲେ ଅନ୍ତିମ ବିଦାୟ, ହାତ ଯୋଡି ଏମିତି କଲେ ନମନ, ତାପରେ କଲେ ସ୍ୟାଲୁଟ

ଯେଉଁ ମା ଜନ୍ମ ଦେଇଛି, ଯେଉଁ ପିତା ନିଜ କୋଳରେ ଖେଳାଇଛି, ଯଦି ସେମାନେ ହିଁ ନିଜ ପୁଅର ଅନ୍ତିମ ବିଦାୟ ସମୟରେ ତାହାର ଚେହେରା ନ ଦେଖିବେ, ଏହି ଦୁଃଖ କେବଳ ଗୋଟିଏ ମାତା – ପିତାର ହୃଦୟ ହିଁ ଜାଣିଛି । ଦେଶ ପାଇଁ ନିଜର ଜୀବନ ଦେଉଥିବା ଏହି ଯୁବକର ମା’କୁ ଏହିଭଳି କରିବାର ଦେଖି ଆପଣଙ୍କର ହୃଦୟ ବି ତରଳି ଯିବ । କହିବାକୁ ଗଲେ ଜାମ୍ମୁ କାଶ୍ମୀର ର ରାଜୌରୀ ସେକ୍ଟର ର ସୀମାରେ ପାକିସ୍ତାନର ଗୋଲାବାରୀରେ ସହିଦ ହୋଇଥିବା ସୁଖବିନ୍ଦର ସିଂହଙ୍କର ଅନ୍ତିମ ସଂସ୍କାର ହୋଇ ଯାଇଛି ।

ପାର୍ଥିବ ଶରୀରକୁ ବୁଧବାର ଦିନ ତ୍ରିରଙ୍ଗାରେ ଘୋଡାଇ ତାହାର ପୈତୃକ ଗ୍ରାମ ଫତେହପୁରରେ ପହଞ୍ଚାଇ ଦିଆଗଲା ଓ ସେହି ସମୟରେ ସେଠାରେ ଉପସ୍ଥିତ ଥିବା ଲୋକମାନେ ଭାରତ ମାତାଙ୍କର ଜୟ ସହିତ ସୁଖବିନ୍ଦର ସିଂହ ଅମର ରହେ ର ନାରା ବି ଲଗାଇଲେ । କାହାକୁ ବି ସହିଦ ସୁଖବିନ୍ଦର ସିଂହଙ୍କର ଚେହେରା ଦେଖିବାକୁ ଦିଆଗଲା ନାହିଁ । କିନ୍ତୁ ତାଙ୍କର ମା’ ରାନୀ ଦେବୀ ଓ ଭାଇ ଗୁରପାଲ ସିଂହ ସହିଦ ଯବାନର ଚେହେରା ଦେଖାଇବା ପାଇଁ କହୁଥିଲେ କିନ୍ତୁ ଅଧିକାରୀମାନେ ଏଥିପାଇଁ ମନା କରିଲେ ।

ଅଧିକାରୀମାନେ କହିଲେ କି ପାକିସ୍ତାନୀ ଗୋଲାବାରୀରେ ସୁଖବିନ୍ଦରଙ୍କର ଚେହେରା ପୂରାପୂରି କ୍ଷତିଗ୍ରସ୍ତ ହୋଇ ଯାଇଛି । ସେଥିପାଇଁ ସେମାନେ ସୁଖବିନ୍ଦରର ଚେହେରାକୁ ଦେଖାଇ ପାରିବେ ନାହିଁ । ଏହା ଶୁଣି ତାହାର ମା କାନ୍ଦିବାକୁ ଲାଗିଲେ, ତଥାପି ସେ ପୁଅକୁ ସ୍ୟାଲୁଟ କରିଲେ ଓ ଅନ୍ତିମ ବିଦାୟ ଦେଲେ । ମା’ଙ୍କୁ ତାଙ୍କର ପୁଅ ସହିଦ ହୋଇ ଯାଇଛି ବୋଲି ବୁଧବାର ଦିନ ସକାଳେ କୁହାଗଲା ଓ ଦ୍ଵିପହର ର ପାଖାପାଖି ୩ ଟା ସମୟରେ ସୁଖବିନ୍ଦର ସିଂହଙ୍କର ଅନ୍ତିମ ସଂସ୍କାର ଗ୍ରାମର ଶ୍ମଶାନ ଘାଟରେ ପୁରା ସୈନିକ ସମ୍ମାନ ସହିତ କରାଗଲା ।

ସେନା ର ଅଧିକାରୀମାନେ ସହିଦଙ୍କୁ ଗାର୍ଡ ଅଫ ଅନର ଦେଲେ । ଯୁବକମାନେ ହାତରେ ତ୍ରିରଙ୍ଗା ଧରି ସହିଦ ସୁଖବିନ୍ଦର ସିଂହଙ୍କ ଫଟୋର ପୋଷ୍ଟର ଧରି ଅନ୍ତିମ ବିଦାୟ ଦେଲେ । ସହିଦର ଚିତାକୁ ମୁଖାଗ୍ନି ତାଙ୍କର ବଡ ଭାଇ ଗୁରପାଲ ସିଂହଙ୍କ ଦ୍ଵାରା ଦିଆଗଲା । ୨୧ ବର୍ଷର ରାଇଫଲମ୍ୟାନ ସୁଖବିନ୍ଦରଙ୍କର ପିତା ଅବିନାଶ ସିଂହ ପଞ୍ଜାବ ରାଜ୍ୟ ବିଜୁଳି ବୋର୍ଡରେ ଏଏଲଏଲ ପଦରେ ଥିଲେ ଓ ତାଙ୍କର ମୃତ୍ୟୁ ବର୍ଷ ୨୦୦୭ରେ ହୋଇ ଯାଇଥିଲା ।

ସୁଖବିନ୍ଦର ସିଂହ ବର୍ଷ ୨୦୧୭ରେ ସେନାରେ ଭର୍ତ୍ତି ହୋଇଥିଲେ ଓ ନିଜର ସମ୍ପର୍କୀୟଙ୍କ ବିବାହରେ ସାମିଲ ହେବା ପରେ ୨୨ ନଭେମ୍ବର ରେ ୧୫ ଦିନର ଛୁଟି କାଟି ଡ୍ୟୁଟିକୁ ଫେରିଥିଲେ । କିନ୍ତୁ ଘର ଲୋକମାନଙ୍କୁ ଜଣା ହିଁ ନ ଥିଲା କି ସେ ଆଉ କେବେ ବି ଫେରିବେ ନାହିଁ ।