ଆପଣମାନେ କେବଳ ଖାଦ୍ୟରେ ଭୃସଙ୍ଗପତ୍ରର ବ୍ୟବହାର କରୁଥିବେ। ଏହି ପତ୍ରର ବାସ୍ନା ଖାଦ୍ୟର ଟେଷ୍ଟକୁ ବଢାଇଦିଏ। ଏଥିରେ ଥିବା ତତ୍ତ୍ୱ ଡାଇବେଟିଜ, ଏନିମିୟା ଏବଂ ଡାଇରିଆ ଭଳିସମସ୍ୟାରୁ ମୁକ୍ତି ଦେଇଥାଏ। କିନ୍ତୁ କ’ଣ ଆପଣ ଜାଣିଛନ୍ତି କି, ଭୃସଙ୍ଗପତ୍ର ମଧ୍ୟ ଆପଣଙ୍କ ଶୁଷ୍କ ତ୍ୱଚା ସମସ୍ୟାରୁ ମୁକ୍ତି ଦେବ। ଏହା ସହ ଆପଣଙ୍କ ତ୍ୱଚାର ସୁନ୍ଦରତା ବଢାଇଥାଏ। ଆସନ୍ତୁ ଜାଣିବା କିପରି ପ୍ରସ୍ତୁତ କରିବେ ଭୃସଙ୍ଗ ପତ୍ର ପ୍ୟାକ୍। ଯାହା ଆପଣଙ୍କ ଶୁଷ୍କ ତ୍ୱଚା ସମସ୍ୟାରୁ ମୁକ୍ତି ଦେବ।
ହଳଦୀ-ଭୃସଙ୍ଗ ପତ୍ର ଫେସ୍ପ୍ୟାକ୍ :
ହଳଦୀ ଏବଂ ଭୃସଙ୍ଗ ପତ୍ର ଫେସପ୍ୟାକ୍ କେବଳ ଚେହେରା ନୁହେଁ ବରଂ କେଶ ପାଇଁ ମଧ୍ୟ ଫାଇଦାଯୁକ୍ତ। ଏଥିରେ ଥିବା ଆଣ୍ଟି ବ୍ୟାକ୍ଟେରିଆଲ ଗୁଣ ରହିଛି, ଯାହା ଶୁଷ୍କ ତ୍ୱଚା ସମସ୍ୟାରୁ ରକ୍ଷା କରେ। ଏହାକୁ ଲଗାଇବା ଦ୍ୱାରା ମଧ୍ୟ ବ୍ରଣ ହୁଏନାହିଁ।
କିପରି କରିବେ ପ୍ୟାକ୍ :
ଭୃସଙ୍ଗ ପତ୍ର ପ୍ୟାକ୍ କରିବା ପାଇଁ ୭ଟି ଭୃସଙ୍ଗ ପତ୍ର ଏବଂ ୫ ଚାମଚ ହଳଦୀରେ ଅଳ୍ପ ପାଣି ମିଶାଇ ଭଲଭାବେ ପେଷ୍ଟ କରିଦିଅନ୍ତୁ। ଏବେ ଏଥିରେ ୧ ଚାମଚ ଲେମ୍ବୁ ରସ ମିଶାଇ ମୁହଁରେ ୧୦-୧୫ ମିନିଟ୍ ପର୍ଯ୍ୟନ୍ତ ଲଗାଇ ରଖନ୍ତୁ। ଏହା ପରେ ତାଜା ପାଣିରେ ମୁହଁ ଭଲ ଭାବେ ଧୋଇଦିଅନ୍ତୁ। ଏହା ପରେ ମୁହଁରେ ମଶ୍ଚରାଇଜର ଲଗାନ୍ତୁ।
