Prabhas Health Concern: ପ୍ରଭାସଙ୍କ ସ୍ୱାସ୍ଥ୍ୟକୁ ନେଇ ଚର୍ଚ୍ଚା! ବଢିଲା ଫ୍ୟାନ୍ସଙ୍କ ଚିନ୍ତା

ନିକଟରେ ହାଇଦ୍ରାବାଦ ହସ୍ପିଟାଲର ଜଣେ ଅର୍ଥୋପେଡିକ୍ ସର୍ଜନ୍ ସାଉଥ ସୁପରଷ୍ଟାର ପ୍ରଭାସଙ୍କ ସହ ଏକ ପୋଷ୍ଟ ସେୟାର କରିଛନ୍ତି । ଯେଉଁଥିରେ ସର୍ଜନ ପ୍ରଭାସଙ୍କ ପାଖରେ ଠିଆ ହୋଇଥିବାର ଦେଖିବାକୁ ମିଳିଛି ।  ଏଥିସହ ପ୍ରଭାସଙ୍କ ବ୍ୟକ୍ତିଗତ ତ୍ୟାଗ ବିଷୟରେ ନୋଟ୍ କରିବା ସହ ସ୍ବାସ୍ଥ୍ୟ ସମ୍ବନ୍ଧୀୟ ଅପଡେଟ୍ ମଧ୍ୟ ଦେଇଛନ୍ତି । ଯାହା ଏବେ ସୋସିଆଲ ମିଡିଆରେ ଖୁବ୍ ଜୋରରେ ଭାଇରାଲ ହେବାରେ ଲାଗିଛି । ଯାହାକୁ ଦେଖିବା ପରେ ଅଭିନେତା ପ୍ରଭାସଙ୍କ ଫ୍ୟାନ୍ସ ଚିନ୍ତାରେ ପଡ଼ିଯାଇଛନ୍ତି ।

ପାନ-ଇଣ୍ଡିଆ ସୁପରଷ୍ଟାର ପ୍ରଭାସ ସୁଟିଂ ଆଘାତ ପାଇଁ ଅପରିଚିତ ନୁହଁନ୍ତି । “ବାହୁବଳୀ”, “ସାହୋ”, “ସାଲାର” ଏବଂ ଅନ୍ୟାନ୍ୟ ଫିଲ୍ମର ସୁଟିଂ ସମୟରେ ସେ ଅନେକ ଆଘାତ ପାଇଛନ୍ତି, କିନ୍ତୁ ସେ କେବେ ହାର ମାନି ନାହାଁନ୍ତି । ଏହାରି ମଧ୍ୟରେ ୩୫ ବର୍ଷରୁ ଅଧିକ ଅଭିଜ୍ଞ ହାଇଦ୍ରାବାଦ ଆପୋଲା ହସ୍ପିଟାଲର ଅର୍ଥୋପେଡିକ୍ ସର୍ଜନ କେ.ଜି.ରେଡ୍ଡୀ ପ୍ରଭାସଙ୍କ ସହ ଏକ ଫଟୋ ଇନଷ୍ଟାଗ୍ରାମରେ ପୋଷ୍ଟ କରି ଲେଖିଛନ୍ତି ଯେ, କିଛି ଲୋକ ଆପଣଙ୍କୁ ସେମାନଙ୍କର ସଫଳତା ସହିତ ପ୍ରେରଣା ଦିଅନ୍ତି । ଯେତେବେଳେ ଅନ୍ୟମାନେ ସେମାନଙ୍କର ନମ୍ର ସ୍ୱଭାବ ସହିତ ଏକ ସ୍ଥାୟୀ ଛାପ ଛାଡିଯାଆନ୍ତି । ଏଥିସହ ସର୍ଜନ ଫଟୋର କ୍ୟାପସନରେ ସେ ଲେଖିଛନ୍ତି ଯେ, ସଫଳତାଠାରୁ ଅଧିକ ପ୍ରେରଣା । ଯେତେବେଳେ ଜଣେ ସଫଳ ବ୍ୟକ୍ତିଙ୍କୁ ଆପଣ ଦେଖନ୍ତି ସେତେବେଳେ ଆପଣ କେବଳ ତାଙ୍କର ସାର୍ବଜନୀନ ସଫଳତା ଦେଖନ୍ତି କିନ୍ତୁ ସେମାନେ ସେଠାରେ ପହଞ୍ଚିବା ପାଇଁ କରିଥିବା ବ୍ୟକ୍ତିଗତ ତ୍ୟାଗକୁ ଦେଖନ୍ତି ନାହିଁ ।

ସେ ଆହୁରି କହିଛନ୍ତି ଯେ, ପ୍ରଭାସଙ୍କୁ ଜାଣିବା ଏବଂ ତାଙ୍କ ସ୍ୱାସ୍ଥ୍ୟସେବା ପାଇଁ ଦାୟିତ୍ବ ନେବା ଖୁବ୍ ଆନନ୍ଦର କଥା । ତାଙ୍କର ବଡ଼ ସଫଳତା ସତ୍ତ୍ବେ ସେ ଜଣେ ସରଳ, ନମ୍ର ଏବଂ ବନ୍ଧୁତ୍ବପୂର୍ଣ୍ଣ ସ୍ବଭାବର ବ୍ୟକ୍ତି । ତାଙ୍କର ସକରାତ୍ମକ ମନୋଭାବ ଏବଂ ଭଲ ସ୍ବଭାବ ଯୋଗୁଁ ସେ ଖୁବ୍ ଖାସ୍ ବ୍ୟକ୍ତିତ୍ବର ବ୍ୟକ୍ତି । ସେ ସବୁବେଳେ ତାଙ୍କର ଭଲ ସ୍ବାସ୍ଥ୍ୟ ଏବଂ ଖୁସି କାମନା କରିଛନ୍ତି । ଏହି ପୋଷ୍ଟ ଭାଇରାଲ ହେବା ପରେ ପ୍ରଭାସଙ୍କ ସ୍ବାସ୍ଥ୍ୟାବସ୍ଥାକୁ ନେଇ ଫ୍ୟାନ୍ସ ପ୍ରତିକ୍ରିୟା ଦେଉଛନ୍ତି ।

ଯଦି ପ୍ରଭାସଙ୍କ କର୍ମକ୍ଷେତ୍ର କଥା କୁହାଯାଏ ତେବେ ସେ ବର୍ତ୍ତମାନ ସନ୍ଦୀପ ରେଡ୍ଡୀ ଭଙ୍ଗାଙ୍କ “ଆତ୍ମା” ଏବଂ ହନୁ ରାଘବପୁଡିଙ୍କ “ଫାଉଜି” ସୁଟିଂରେ ବ୍ୟସ୍ତ ରହିଛନ୍ତି ।