ନୂଆଦିଲ୍ଳୀ: ଗୁରୁବାର ଦିନ ଦିଲ୍ଲୀର ବାସିନ୍ଦାମାନେ ପ୍ରବଳ ଗରମ ସହ୍ୟ କରିବେ ବୋଲି ଭାରତ ପାଣିପାଗ ବିଭାଗ (ଆଇଏମ୍ଡି) ପୂର୍ବାନୁମାନ କରିଛି। କାରଣ ଭାରତ ପାଣିପାଗ ବିଭାଗ ଆଜି ସହରରେ ଗ୍ରୀଷ୍ମ ପ୍ରବାହ ପାଇଁ ରେଡ୍ ଆଲର୍ଟ ଜାରି କରିଛି। ସହରର ତାପମାତ୍ରା ୪୩ ଡିଗ୍ରିରୁ ୪୫ ଡିଗ୍ରୀ ସେଲସିୟସ୍ ମଧ୍ୟରେ ରହିବ।
ଦିଲ୍ଲୀର ବିଭିନ୍ନ ପାଣିପାଗ କେନ୍ଦ୍ରରୁ ବୁଧବାର ଦିନ ଲୋକମାନେ ତୀବ୍ର ଗ୍ରୀଷ୍ମ ପ୍ରବାହରେ କଷ୍ଟ ପାଉଥିବା ମଧ୍ୟରେ ତଥ୍ୟ ଏହା ଆସିଛି। ସର୍ବାଧିକ ତାପମାତ୍ରା ୪୦.୯ ରୁ ୪୫.୦ ଡିଗ୍ରୀ ସେଲସିୟସ୍ ମଧ୍ୟରେ ରହିଛି।
ଗ୍ରୀଷ୍ମ ପ୍ରବାହ ପାଇଁ ରେଡ୍ ଆଲର୍ଟ ମଧ୍ୟରେ ବାସିନ୍ଦାମାନଙ୍କୁ ସୂର୍ଯ୍ୟ କିରଣକୁ ଏଡାଇବା ଏବଂ ଅନାବଶ୍ୟକ ବାହାରକୁ ଯିବାକୁ ବାରଣ କରାଯିବା ପରି ଆବଶ୍ୟକୀୟ ସଚେତନ ବାର୍ତ୍ତା ଦିଆଯାଇଛି। ବିଶେଷକରି ଅପରାହ୍ନରେ ଯେତେବେଳେ ଗ୍ରୀଷ୍ମ ତାପ ଏହାର ଶୀର୍ଷରେ ଥାଏ; ସେହି ସମୟରେ ବାହାରକୁ ନବାହାରିବାକୁ କୁହାଯାଇଛି।
ଗୁରୁବାର ପର୍ଯ୍ୟନ୍ତ ପ୍ରବଳ ଗରମ ଜାରି ରହିବ ବୋଲି ଅନୁମାନ କରାଯାଉଛି। ତେବେ ଜୁନ୍ ୧୩ ତାରିଖ ରାତିରୁ ଲ୍ଲୀରେ ହାଲୁକା ବର୍ଷା ଏବଂ ଝଡ଼ବର୍ଷା ଆଣିପାରେ ବୋଲି ମଧ୍ୟ ସୂଚନା ରହିଛି। ପାଗ ପରିବର୍ତ୍ତନ ଯୋଗୁ ରାଜଧାନୀ ସହରର କିଛି ସ୍ଥାନରେ ହାଲୁକା ବର୍ଷା ହୋଇପାରେ।
ଜୁନ୍ ୧୩ ତାରିଖରୁ ଗରମ ଲହରୀ କିଛି ପରିମାଣରେ ହ୍ରାସ ପାଇପାରେ, ଯାହା ଫଳରେ ରେଡ୍ ଆଲର୍ଟ ଜାରି ହେବା ପରିବର୍ତ୍ତେ ଅରେଞ୍ଜ ଆଲର୍ଟ ହେବାର ସମ୍ଭାବନା ସୃଷ୍ଟି ହେବ।
ଜୁନ୍ ୧୪ ରୁ ୧୭ ତାରିଖ ପର୍ଯ୍ୟନ୍ତ ଦିଲ୍ଲୀର ତାପମାତ୍ରା ୩୭-୪୨ ଡିଗ୍ରୀ ସେଲସିୟସକୁ ହ୍ରାସ ପାଇପାରେ। ତା ସହିତ ହାଲୁକାରୁ ମଧ୍ୟମ ବର୍ଷା ଏବଂ ଝଡ଼ ପବନ ବହିପାରେ।
