ସଲମାନଙ୍କ ଜନ୍ମଦିନରେ ଦେଖାଗଲେ ଏହି ‘ମିଷ୍ଟ୍ରି ଗର୍ଲ’, କଣ କ୍ୟାଟରୀନାଙ୍କ ପରେ ଏହି ବିଦେଶୀ ସୁନ୍ଦରୀଙ୍କୁ କରୁଛନ୍ତି ଡେଟ?
ସଲମାନ ଖାନ ନିଜର ୫୬ତମ ଜନ୍ମଦିନ ପାଳନ କରୁଛନ୍ତି। ତାଙ୍କ ଜନ୍ମଦିନରେ ଅନେକ ତାରକା ତାଙ୍କ ପ୍ୟାନେଲ ବାଲା ଫାର୍ମ ହାଉସରେ ପହଞ୍ଚିଛନ୍ତି କିନ୍ତୁ ସମସ୍ତଙ୍କ ନଜର ଜଣେ ବିଦେଶୀ ସୁନ୍ଦରୀଙ୍କ ଉପରେ ଲାଖି ଯାଇଛି। ତାଙ୍କ ଏଣ୍ଟ୍ରିରୁ ଲାଗିଛି କି ଯେମିତି କ୍ୟାଟରୀନାଙ୍କ ବାହାଘର ପରେ ଭାଇଜାନଙ୍କ ହୃଦୟ ବର୍ତ୍ତମାନ ତାଙ୍କ ଉପରେ ହିଁ ଆସିଯାଇଛି। କିନ୍ତୁ କିଏ ଅଟନ୍ତି ଏହି ମିଷ୍ଟ୍ରି ଗର୍ଲ ଯିଏ ସଲମାନ ଖାନଙ୍କ ଜନ୍ମଦିନରେ ସାଜସଜ୍ଜା ହୋଇ ପହଞ୍ଚିଛନ୍ତି।
ବଲିଉଡର ନାମୀଦାମୀ କଳାକାର କ୍ୟାଟରୀନା କୈଫ ବର୍ତ୍ତମାନ ହିଁ ନିଜ ବୟଫ୍ରେଣ୍ଡ ବିକି କୌଶଳଙ୍କ ସହିତ ରାଜସ୍ଥାନରେ ବାହା ହୋଇଛନ୍ତି। ବିକି କୌଶଳ ଏବଂ କ୍ୟାଟରୀନା କୈଫ ନିଜ ପୂରା ପରିବାର ସହିତ ରାଜସ୍ଥାନକୁ ଯାଇଥିଲେ, ଯେଉଁମାନଙ୍କ ସାମ୍ନାରେ ଏମାନେ ସାତଫେରା ନେଇଛନ୍ତି। କ୍ୟାଟରୀନା କୈଫ ଗୋଟିଏ ସମୟରେ ସଲମାନ ଖାନଙ୍କର ବହୁତ ନିକଟତର ଥିଲେ। ସେହି ଦିନରେ ଏମିତି ଖବର ଉଡୁଥିଲା କି ସଲମାନ ଖାନ ଏବଂ କ୍ୟାଟରୀନା କୈଫ ପରସ୍ପରକୁ ଭଲ ପାଉଛନ୍ତି ଏବଂ ବହୁତ ଶୀଘ୍ର ହିଁ ବାହାଘର ପାଇଁ ନିଷ୍ପତ୍ତି ନେଇ ପାରନ୍ତି। ଏହି ଖବର କେବେବି ସତ ପ୍ରମାଣିତ ହୋଇନାହିଁ ଏବଂ ବର୍ତ୍ତମାନ କ୍ୟାଟରୀନା କୈଫ ବିକି କୌଶଳଙ୍କ କନିଆଁ ହୋଇ ସାରିଛନ୍ତି।
ସଲମାନଙ୍କ ପାର୍ଟିରେ ବିଦେଶୀ ବାଳା
କ୍ୟାଟରୀନା କୈଫ ଯେମିତି ହିଁ ବିକି କୌଶଳଙ୍କ ହାତ ଧରିଛନ୍ତି, ସେମିତି ହିଁ ସଲମାନ ଖାନଙ୍କ ଫ୍ୟାନ୍ସ ପଚାରିବାକୁ ଲାଗିଛନ୍ତି କି କଣ ଭାଇଜାନ ସବୁଦିନ ପାଇଁ ଏକୁଟିଆ ହୋଇ ଯାଇଛନ୍ତି? ସଲମାନ ଖାନଙ୍କ ଏହି ଫ୍ୟାନ୍ସଙ୍କୁ ଗତ ରାତିରେ ପ୍ରଶ୍ନର ଉତ୍ତର ମିଳିଛି। ଗତ ରାତିରେ ସଲମାନ ଖାନଙ୍କ ବାର୍ଥ ଡେ ପାର୍ଟିରେ ଜଣେ ବିଦେଶୀ ବାଳା ସମସ୍ତଙ୍କ ଧ୍ୟାନକୁ ଆକର୍ଷିତ କରିଛନ୍ତି, ଯାହାଙ୍କୁ ପୂର୍ବରୁ କେବେବି ଭାଇଜାନଙ୍କ ପାର୍ଟିରେ ଦେଖା ଯାଇନଥିଲା।
କଣ ସଲମାନଙ୍କ ଜୀବନରେ ହୋଇଛି ସୁନ୍ଦରୀଙ୍କ ଏଣ୍ଟ୍ରି?
ଗତ ରାତିରେ ସଲମାନ ଖାନଙ୍କ ବାର୍ଥ ଡେ ପାର୍ଟିରେ ସମାଂଥା ଲକବୁଡ ପହଞ୍ଚିଥିଲେ,ଯାହାଙ୍କ ଫଟୋ ଇଣ୍ଟରନେଟରେ ନିଆଁ ପରି ଭାଇରାଲ ହେଉଛି। କିଛି ସମୟ ପୂର୍ବରୁ ହିଁ ଏହି ସୁନ୍ଦରୀ ଭାରତକୁ ଆସିଛନ୍ତି ଏବଂ ତାଙ୍କୁ ସିଧା ଭାଇଜାନଙ୍କ ପାର୍ଟିରେ ଏଣ୍ଟ୍ରି ମିଳିଯାଇଛି। ଅନେକ ଲୋକ ଏହି ବନ୍ଧୁଙ୍କୁ ଅଲଗା ନଜରରେ ଦେଖୁଛନ୍ତି ଏବଂ କହୁଛନ୍ତି କି କ୍ୟାଟରୀନା କୈଫଙ୍କ ପରେ ଭାଇଜାନଙ୍କ ଜୀବନରେ ସମାଂଥା ଲକବୁଡଙ୍କ ଏଣ୍ଟ୍ରି ହୋଇ ଯାଇଛି।
