ଆମେରିକା ସାଇଣ୍ଟିଷ୍ଟଙ୍କ ଦାବି, ମିଳିଗଲା କରୋନାକୁ ୧୦୦ % ରୋକିବା ଭଳି ଆଣ୍ଟିବଡି, ଭ୍ୟାକ୍ସିନ ପୂର୍ବରୁ ପହଞ୍ଚିବ ଲୋକଙ୍କ ପାଖରେ

କାଲିଫର୍ନିଆର ଅନୁସନ୍ଧାନକାରୀମାନେ ଆଣ୍ଟିବଡି ଆବିଷ୍କାର କରିଛନ୍ତି ଯାହା କରୋନାଭାଇରସ୍ ସଂକ୍ରମଣକୁ ଶତପ୍ରତିଶତ ରୋକିପାରିବ ବୋଲି କୁହାଯାଉଛି | ବୈଜ୍ଞାନିକମାନେ ଆଣ୍ଟିବଡିର ନାମ STI-1499 ଦେଇଛନ୍ତି | କାଲିଫର୍ନିଆର କମ୍ପାନୀ ସୋରେଣ୍ଟୋ ଥେରାପ୍ୟୁଟିକ୍ସ ନ୍ୟୁୟର୍କର ମାଉଣ୍ଟ ସିନାଇ ସ୍କୁଲ ଅଫ୍ ମେଡିସିନ୍ ସହିତ ମିଳିତ ଭାବରେ ଏହା ଆବିଷ୍କାର କରିଛି |

ଯଥାଶୀଘ୍ର ଲୋକଙ୍କ ପାଖରେ ପହଞ୍ଚାଇବା ପାଇଁ ଚେଷ୍ଟା

ଏହି କମ୍ପାନୀ ଦାବି କରିଛି ଯେ ଏହା ପ୍ରତି ମାସରେ ୨ ଲକ୍ଷ ଆଣ୍ଟିବଡି ଉତ୍ପାଦନ କରିପାରିବ । ଯାହା ଟିକା ପ୍ରସ୍ତୁତ ହେବା ପୂର୍ବରୁ ଉପଲବ୍ଧ ହେବ | ଆଣ୍ଟିବଡିଗୁଡିକ ସର୍ବସାଧାରଣଙ୍କ ନିକଟରେ ପହଞ୍ଚାଇବା ପାଇଁ ସୋରେଣ୍ଟୋ ଥେରାପ୍ୟୁଟିକ୍ସ କମ୍ପାନୀ ଆମେରିକାର ଫୁଡ ଆଣ୍ଡ ଡ୍ରଗ୍ ଆଡମିନିଷ୍ଟ୍ରେସନକୁ ଜରୁରୀକାଳୀନ ଅନୁମତି ମାଗିଛି।
ସାମାଜିକ ଦୂରତାର ଆବଶ୍ୟକତା ନାହିଁ

କମ୍ପାନୀର ସିଇଓ ଡକ୍ଟର ହେନେରୀ ଜି କହିଛନ୍ତି ଯେ ଆମର ଲକ୍ଷ୍ୟ କେବଳ ରୋଗୀଙ୍କ ଚିକିତ୍ସା କରିବା । ଯଦି ଆମ ଶରୀରରେ ଏମିତି ଆଣ୍ଟିବଡି ଅଛି ଯାହା ଏହି ଭାଇରସକୁ ମାରିପାରେ, ତେବେ ସାମାଜିକ ଦୂରତାର କୌଣସି ଆବଶ୍ୟକତା ନାହିଁ | ବିନା ଭୟରେ ଆପଣ ଯେ କୌଣସି ସ୍ଥାନକୁ ଯାଇପାରିବେ |

ଭାଇରସ ସହିତ ଲଢିବା ପାଇଁ ସୁରକ୍ଷା କବଚ

ଅନୁସନ୍ଧାନକାରୀଙ୍କ ଅନୁଯାୟୀ ଏହି ଆଣ୍ଟିବଡି ମଣିଷ ଉପରେ ପରୀକ୍ଷା କରାଯାଇ ନାହିଁ, ତେଣୁ ଶରୀରରେ ଏହାର ସାଇଡ ଇଫେକ୍ଟସ କଣ ରହିବା କି ନାହିଁ ତାହା କହିବା କଷ୍ଟକର । କମ୍ପାନୀ ହାରାହାରି ୧୨ ଟି ଆଣ୍ଟିବଡି ମିଶାଇ ଏକ ଔଷଧ ପ୍ରସ୍ତୁତ କରିଛି ଯେଉଁଥିରେ STI-1499 ସାମିଲ ଅଛି । ଅନୁସନ୍ଧାନକାରୀ ଦାବି କରିଛନ୍ତି ଯେ ଯେତେବେଳେ ଅନେକ ଆଣ୍ଟିବଡି ଦ୍ଵାରା ପ୍ରସ୍ତୁତ ଏହି ଔଷଧ ଯେତେବେଳେ ମାନବ ଶରୀରରେ ପହଞ୍ଚିବା ତେବେ ଏହା ଏହା ଭାଇରସ ସହ ଲଢିବା ପାଇଁ ସୁରକ୍ଷା କବଚ ଭଳି କାମ କରିବ ।

ଅସ୍ଥାୟୀ ଭ୍ୟାକ୍ସିନ ଭାବରେ କାମ କରିବ ଆଣ୍ଟିବଡି

କେମେଷ୍ଟି ବିଜ୍ଞାନୀ ଡକ୍ଟର ଡେରେକ ଲୱେ କହିଛନ୍ତି ଯେ ଏହି ଆଣ୍ଟିବଡି ଭାଇରସ ରୋକିବା ସହିତ ଇମ୍ଯୁନ ସିଷ୍ଟମ ପାଇଁ ଏକ ଆଲାର୍ମ ଭାବରେ କାର୍ଯ୍ୟ କରିବ । କରୋନାଭାଇରସ୍ ଦୂର କରିବା ପାଇଁ ଟିକା ପ୍ରସ୍ତୁତ ନହେବା ପର୍ଯ୍ୟନ୍ତ ଏହା ଏକ ଅସ୍ଥାୟୀ ଟିକା ଭାବରେ କାମ କରିବ | ଯାହା ଦ୍ଵାରା ଏହି ସଂକ୍ରମଣ ନୂଆ ଲୋକଙ୍କ ଶରୀରରେ ବିସ୍ତାର ହେବ ନାହିଁ ।