ଆମେରିକାର ନାଗରିକତା ପାଇଁ ୧୩୪ ବର୍ଷ ପର୍ଯ୍ୟନ୍ତ ଅପେକ୍ଷା କରିବାକୁ ପଡ଼ିପାରେ ! – Utkal Mail
ୱାଶିଂଟନ: ଆମେରିକାର ନାଗରିକତା ପାଇବା ପାଇଁ ଭାରତୀୟମାନେ ସବୁଠାରୁ ଅଧିକ ଆଶାୟୀ । ନିଯୁକ୍ତି ଭିତ୍ତିକ ନାଗରିକତା ପାଇଁ ପ୍ରାୟ ୧୮ ଲକ୍ଷ ଆବେଦନ ବିଚାରାଧୀନ ଥିବା ବେଳେ ସେଥିମଧ୍ୟରୁ ୧୧ ଲକ୍ଷ ଭାରତରୁ ଆସିଛନ୍ତି। ଆମେରିକାରେ ପ୍ରବାସୀମାନଙ୍କୁ ସ୍ଥାୟୀ ବାସସ୍ଥାନ ପାଇଁ ଗ୍ରୀନ୍ କାର୍ଡ କିମ୍ବା ସ୍ଥାୟୀ ବାସିନ୍ଦା କାର୍ଡ ଦିଆଯାଏ; ଏହାକୁ ପାଇବା ପାଇଁ ଲକ୍ଷ ଲକ୍ଷ ଲୋକ ଆବେଦନ କରିଛନ୍ତି।
ଆମେରିକୀୟ ଥିଙ୍କଟ୍ୟାଙ୍କ କାଟୋ ଇନଷ୍ଟିଚ୍ୟୁଟ୍ ଏ ନେଇ ଏକ ରିପୋର୍ଟ ପ୍ରକାଶ କରିଛି। ରିପୋର୍ଟରେ କୁହାଯାଇଛି ଯେ ଯେତିକି ଆବେଦନ ବକେୟା ଅଛି, ସେଥିପାଇଁ ଲୋକମାନଙ୍କୁ ୧୩୪ ବର୍ଷ ଅପେକ୍ଷା କରିବାକୁ ପଡ଼ିପାରେ । ୪ ଲକ୍ଷ ଭାରତୀୟ ଅପେକ୍ଷା କରି ରହିଥିବେ କିନ୍ତୁ ଗ୍ରୀନ୍ କାର୍ଡ ପାଇବା ପୂର୍ବରୁ ସେମାନଙ୍କର ମୃତ୍ୟୁ ଘଟିଥିବ ବୋଲି ଆଶଙ୍କା କରାଯାଉଛି। ଆମେରିକା ତା’ର ଭିସା ନିୟମକୁ କଡ଼ାକଡ଼ି କରିଛି; ତଥାପି ଏଠାରେ ନାଗରିକତା ଗ୍ରହଣ କରୁଥିବା ଲୋକଙ୍କ ସଂଖ୍ୟା କମିନାହିଁ।
କାଟୋ ଇନଷ୍ଟିଚ୍ୟୁଟ୍ ର ଏକ ରିପୋର୍ଟ ଅନୁଯାୟୀ, ଆମେରିକାରେ ଲକ୍ଷ ଲକ୍ଷ ଲୋକ ନିଯୁକ୍ତି ଭିତ୍ତିକ ନାଗରିକତା ପାଇଁ ଆବେଦନ କରିଛନ୍ତି। ଏମାନଙ୍କ ମଧ୍ୟରୁ ଅଧିକାଂଶ ଆବେଦନ ଭାରତୀୟରୁ ଆସିଛି। ପ୍ରାୟ ୬୩ ପ୍ରତିଶତ ଅର୍ଥାତ୍ ପ୍ରାୟ ୧୧ ଲକ୍ଷ ଭାରତୀୟ ଏଥିପାଇଁ ଆବେଦନ କରିଛନ୍ତି।
