ସମସ୍ତେ ସୁନ୍ଦର ଏବଂ ଚକଚକିଆ କେଶ ପାଇବାକୁ ଚାହାଁନ୍ତି କିନ୍ତୁ ବାରମ୍ବାର କେଶରେ ଧୂଳି ଏବଂ ହିଟ ବ୍ୟବହାର କରିବାଦ୍ୱାରା କେଶ ଧୀରେ ଧୀରେ ନଷ୍ଟ ହୋଇଯାଏ । ଯେଉଁଥିପାଇଁ ହେୟାର ସ୍ପା କରିବା ହିଁ ଗୋଟିଏ ବିକଳ୍ପ । ଆଉ ଏଥିପାଇଁ ଆପଣଙ୍କୁ ପାର୍ଲରରେ ବହୁତ ଟଙ୍କା ଖର୍ଚ୍ଚ କରିବାକୁ ପଡିଥାଏ ଏବଂ ଆପଣ ପ୍ରତ୍ୟେକ ଥର ପାର୍ଲରକୁ ଯାଇ ଏତେ ଟଙ୍କା ଖର୍ଚ୍ଚ କରିବା ସମ୍ଭବ ନୁହେଁ ।
ଏହା ବ୍ୟତୀତ ବର୍ତ୍ତମାନ ଅଧିକାଂଶ ଲୋକ କରୋନା ପାଇଁ ପାର୍ଲରଠାରୁ ଦୂରଇ ଅଛନ୍ତି । ଯଦି ଆପଣ ପାର୍ଲରକୁ ନ ଯାଇ ଘରେ ଏକ ହେୟାର ସ୍ପା କରିବା ବିଷୟରେ ଚିନ୍ତା କରୁଛନ୍ତି । ତେବେ ଏଠାରେ ଆମେ ଆପଣଙ୍କୁ ଶିଖାଇବୁ କିପରି ଘରେ ହେୟାର ସ୍ପା କ୍ରିମ୍ ତିଆରି କରିବେ ଯାହାଦ୍ୱାରା ଆପଣ ନିଜେ ଘରେ ବି ହେୟାର ସ୍ପା କରିପାରିବେ ଏବଂ ଉଭୟ ଟଙ୍କା ଓ ସମୟ ବଞ୍ଚାଇ ପାରିବେ ।
ଆବଶ୍ୟକୀୟ ସାମଗ୍ରୀ
- ୨ ଚାମଚ ଅଲିଭ୍ ତେଲ
- ୧ ଚାମଚ ନଡ଼ିଆ ତେଲ
- ୧ ଚାମଚ ଗ୍ଲିସେରିନ
- ୪ ରୁ ୫ ଚାମଚ ଆଲୋଭେରା ଜେଲ୍
- ଆପଣ ବ୍ୟବହାର କରୁଥିବା ୪ ଚାମଚ ହେୟାର ପ୍ୟାକ୍ କିମ୍ବା ହେୟାର କଣ୍ଡିସନର
କିପରି ତିଆରି କରିବେ ?
୧. ପ୍ରଥମେ ଗୋଟେ ପାତ୍ରରେ ଅଲିଭ୍ ତେଲ ନିଅନ୍ତୁ ସେଥିରେ ଆଲୋଭେରା ଜେଲ୍, ଗ୍ଲିସେରିନ, ହେୟାର ପ୍ୟାକ୍ କିମ୍ବା ହେୟାର କଣ୍ଡିସନର ମିଶାନ୍ତୁ ।
୨. ବର୍ତ୍ତମାନ ସେଗୁଡିକୁ ଏକ ମିକ୍ସର୍ ପାତ୍ରରେ ରଖନ୍ତୁ ଏବଂ ଭଲ ଭାବରେ ମିଶାନ୍ତୁ ।
୩. ଏହାପରେ ସମାନ ପରିମାଣର ନଡିଆ ଏବଂ ବାଦାମ ତେଲକୁ ମିଶାଇ ଏହାକୁ କେଶର ମୂଳରେ ଲଗାନ୍ତୁ ।
୪. ବର୍ତ୍ତମାନ ଆପଣ ପ୍ରସ୍ତୁତ କରିଥିବା ସ୍ପା କ୍ରିମ୍ କେଶରେ ପ୍ରୟୋଗ କରନ୍ତୁ ।
୫. ତାପରେ ତଉଲିଆକୁ ଉଷୁମ ପାଣିରେ ବୁଡ଼ାଇ ଏହାକୁ କେଶରେ ଗୁଡ଼ାଇ କିଛି ସମୟ ଷ୍ଟିମ ନିଅନ୍ତୁ । ଏହିପରି ୪ ରୁ ୫ ଥର କରନ୍ତୁ ।
୬. ଶେଷରେ ନିଜର ନିୟମିତ ସାମ୍ପୁ ଲଗାଇ କେଶ ଧୋଇ ଦିଅନ୍ତୁ ।
