ମାଳଦ୍ବୀପରୁ ସମୁଦ୍ରର ମଜା ନେଇକି ଆସିଲ? ଏଭଳି ପ୍ରଶ୍ନ ଶୁଣି ରାଗିଗଲେ ବିଜୟ – Utkal Mail
ମୁମ୍ବାଇ: ମାଳଦ୍ବୀପରୁ ସମୁଦ୍ରର ମଜା ନେଇକି ଆସିଲ। ଏଭଳି ପ୍ରଶ୍ନ ଶୁଣି ରାଗିଗଲେ ବଲିଉଡ ଅଭିନତା ବିଜୟ ବର୍ମା। ନିକଟରେ କିଛି ଭିଡିଓ ସାମ୍ନାକୁ ଆସିଥିଲା ଯେଉଁଥିରେ ବିଜୟ ଏବଂ ଅଭିନେତ୍ରୀ ତମନ୍ନା ଭାଟିଆ ଗୋଟିଏ ଦିନରେ କିନ୍ତୁ ଭିନ୍ନ ଭିନ୍ନ ବିମାନବନ୍ଦରରେ ନଜର ଆସିଥିଲେ। ଏହା ପରେ ଅନୁମାନ କରାଯାଉଥିଲା ଯେ ଏହି ପ୍ରେମୀଯୁଗଳ ଏକାଠି ଛୁଟି କଟାଇବାକୁ ବିଦେଶ ଯାଇଛନ୍ତି। ଏଭଳି ଚର୍ଚ୍ଚା ମଧ୍ୟରେ ତମନ୍ନା ନିଜ ଇନଷ୍ଟା ଆକାଉଣ୍ଟରେ ମାଳଦ୍ବୀପର ପଟୋ ସେୟାର କରିଥିଲେ, ଯାହା ଚର୍ଚ୍ଚାକୁ ଆହୁରି ବଢ଼ାଇ ଦେଇଥିଲା।
ଏବେ ଦୁହେଁ ପୁଣି ଥରେ ଗୋଟିଏ ଦିନରେ ଭାରତ ଫେରିଥିବା ଜଣାଯାଇଛି, ଯାହା ପରେ ତମନ୍ନାଙ୍କ ସହ ବିଜୟ ମାଳଦ୍ବୀପ ଯାଇଥିଲେ ବୋଲି କୁହାଯାଉଛି। ଏମଧ୍ୟରେ ବିଜୟଙ୍କୁ ଏହି ପ୍ରଶ୍ନ ପଚରାଯିବାରୁ ସେ ରାଗିଯାଇଥିବାର ଭିଡ଼ିଓ ଭାଇରାଲ ହୋଇଛି। ବିମାନ ବନ୍ଦରରେ ପହଞ୍ଚିବା ପରେ ଗଣମାଧ୍ୟମ ପ୍ରତିନିଧି ତାଙ୍କୁ ପ୍ରଶ୍ନ କରିଥିଲେ ଯେ, ଆପଣ ମାଳଦ୍ବୀପରୁ ସମୁଦ୍ରର ମଜା ନେଇକି ଆସିଲେ? ଗଣମାଧ୍ୟମ ପ୍ରତିନିଧିଙ୍କ ଏହି ପ୍ରଶ୍ନ ଶୁଣି ଅଭିନେତା ରାଗିଯିବା ସହ ଚେତାବନୀ ଦେଇଥିଲେ। ବିଜୟ ବର୍ମା ଗଣମାଧ୍ୟମ ପ୍ରତିନିଧିଙ୍କୁ କହିଥିଲେ ଯେ, ‘ଆପଣ ଏଭଳି ପ୍ରଶ୍ନ ପଚାରି ପାରିବେ ନାହିଁ।’ ବର୍ତ୍ତମାନ ତାଙ୍କର ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି।
