ବାପା-ମାଆ ହେବାର ସଠିକ୍ ବୟସ କେତେ? ଜାଣନ୍ତୁ କେଉଁ ବୟସରେ ଛୁଆ ଜନ୍ମ କଲେ ସମସ୍ତେ ଶୁଖି ରୁହନ୍ତି

ଭାରତରେ ପୁରୁଷଙ୍କ ପାଇଁ ସର୍ବନିମ୍ନ ବିବାହ ବୟସ ୨୧ ବର୍ଷ ହୋଇଥିବାବେଳେ ମହିଳାମାନଙ୍କ ପାଇଁ ଏହା ୧୮ ବର୍ଷ ଥିଲା। ବର୍ତ୍ତମାନ ବିବାହ ପାଇଁ ସର୍ବନିମ୍ନ ବୟସ ୨୧ ବର୍ଷ କରିବା ପାଇଁ ଏକ ବିଲ୍ ପାରିତ ହୋଇଛି। ବିବାହ ପାଇଁ ସଠିକ୍ ବୟସ କଣ ବୋଲି ପ୍ରଶ୍ନ ଉପରେ ଅନେକ ଆଲୋଚନା ହୋଇଛି, କିନ୍ତୁ ମହିଳା ଓ ପୁରୁଷ ବାପା-ମା’ ହେବା ପାଇଁ ସଠିକ୍ ବୟସ କଣ ତାହା ଉପରେ ଅପେକ୍ଷାକୃତ କମ୍ ଆଲୋଚନା ହୋଇଛି।

ସାଧାରଣତଃ ଦମ୍ପତିମାନେ ବିବାହର ଏକରୁ ଦୁଇ ବର୍ଷ ମଧ୍ୟରେ ପରିବାର ଯୋଜନା କରନ୍ତି। କିନ୍ତୁ ଏହା ଜଣେ କାର୍ଯ୍ୟରତ ମହିଳାଙ୍କ ପାଇଁ କିଛି ସମସ୍ୟା ସୃଷ୍ଟି କରେ। ଏହି ନିଷ୍ପତ୍ତିରେ ଉଭୟ ସ୍ୱାମୀ-ସ୍ତ୍ରୀଙ୍କର ଭୂମିକା ରହିଛି। ଝିଅମାନେ ମା ହେବା ପାଇଁ ଏକ ବୟସ ରହିଛି । କାରଣ ଡିମ୍ବାଣୁ ଉତ୍ପାଦନର ଏକ ନିର୍ଦ୍ଦିଷ୍ଟ ସମୟ ସୀମା ଅଛି । କିନ୍ତୁ ପୁରୁଷମାନଙ୍କଠାରେ ଶୁକ୍ରାଣୁ ଉତ୍ପାଦନ ପାଇଁ କୌଣସି ନିର୍ଦ୍ଦିଷ୍ଟ ସୀମା ନାହିଁ ।

ତଥାପି, ପୁରୁଷଙ୍କ ବୟସ ବଢି଼ବା ସହିତ ଶୁକ୍ରାଣୁ ଗଣନା ଏବଂ ଗୁଣ କମିଯାଏ । ସ୍ତ୍ରୀ ବିଶେଷଜ୍ଞଙ୍କୁ ଅଧିକ ପଚରା ଯାଏ ଏହି ପ୍ରଶ୍ନ। ଡାକ୍ତରଙ୍କ ଅନୁଯାୟୀ, ୧୮ ରୁ ୩୦ ବର୍ଷ ମଧ୍ୟରେ ମହିଳାଙ୍କ ଫର୍ଟିଲିଟି ପିଲା ଜନ୍ମ କରିବାକୁ ଉପଯୁକ୍ତ। ୩୦ ବର୍ଷ ବୟସ ପରେ ଫର୍ଟିଲିଟି ହ୍ରାସ ପାଇବା ଆରମ୍ଭ କରେ। ବିଶେଷଜ୍ଞଙ୍କ ଅନୁଯାୟୀ, ପୁରୁଷଙ୍କ ଏହି କ୍ଷମତା ୨୫ ରୁ ୩୫ ବର୍ଷ ମଧ୍ୟରେ ସର୍ବୋତ୍ତମ ୩୫ ପରେ ପିତା ହେବା କଷ୍ଟକର।

ମାନୋପାଜ୍ ହାରାହାରି ବୟସ ୫୧ ବର୍ଷ। ଏହା ମଧ୍ୟ ସତ୍ୟ ଯେ ୫୦ ବର୍ଷରୁ ଅଧିକ ବୟସ୍କ ପୁରୁଷମାନେ ମଧ୍ୟ ସନ୍ତାନ ପ୍ରସବ କରିବାରେ ସକ୍ଷମ। କାରଣ, ଶରୀରରେ ଶୁକ୍ରାଣୁ ଗଠନ ପ୍ରକ୍ରିୟା କଦାପି ବନ୍ଦ ହୁଏ ନାହିଁ। ଏଥି ସହିତ, ବିଶେଷଜ୍ଞମାନେ ଏହା ମଧ୍ୟ କହିଛନ୍ତି ଯେ ବୟସ ସହିତ ଶୁକ୍ରାଣୁରେ ଜେନେଟିକ ପରିବର୍ତ୍ତନ ମଧ୍ୟ ହୋଇପାରେ। ଫଳସ୍ୱରୂପ, ଶୁକ୍ରାଣୁ DNA ନଷ୍ଟ ହେବାର ଆଶଙ୍କା ବଢ଼ିଯାଏ।