ଘରର ସମସ୍ତ ସଦସ୍ୟଙ୍କୁ ଭୋଜନ କରିବା ପାଇଁ ଖାଦ୍ୟକୁ ରୋଷେଇ କରିବାର ଆବଶ୍ୟକତା ରହିଥାଏ । ଠିକ ସେହିପରି ଖାଦ୍ୟକୁ ରୋଷେଇ କରିବା ପାଇଁ ସ୍ଵତନ୍ତ୍ର ରୋଷେଇ ଘର ଘରେ ରହିବାର ଆବଶ୍ୟକତା ରହିଥାଏ । ଯେଉଁଠାରେ ସ୍ଵୟଂ ମାତା ଅର୍ଣ୍ଣପୂର୍ଣ୍ଣାଙ୍କର ବାସ ହୋଇଥାଏ। ତେଣୁ ରୋଷେଇ ଘର କେଉଁଠି ଓ କିପରି ଭାବେ ହୋଇବ ? ଏଥିସହ ରୋଷେଇ ଘରେ କଣ କଣ ସବୁ ଜିନିଷ କେଉଁ ସ୍ଥାନରେ ସବୁ ରହିବ ? ଏ ସବୁ ସମ୍ପର୍କରେ ଭଲ ଭାବେ ଜ୍ଞାନ ଥିବା ନିହାତି ଦରକାର ହୋଇଥାଏ ।
ରୋଷେଇଘରର କବାଟ ସମ୍ନାରେ କେବେବି ଚୁଲି ରଖି ରାନ୍ଧିବା ଉଚିତ ନୁହେଁ । ରୋଷେଇଘରର ରଙ୍ଗ ହଳଦିଆ, କମଳା, ଗୋଲାପୀ, ଚକଲେଟ ରଙ୍ଗରର ହେବା ଉଚିତ । ହେଲେ କଳା କିମ୍ବା ଧଳା ରଙ୍ଗ ହେବା ଉଚିତ ନୁହେଁ । ଅଟା, ଚାଉଳ , ଗ୍ରାଇଣ୍ଡର ଜିନିଷ ଆଦି ରୋଷେଇ ଘରର ଦକ୍ଷିଣ ଦିଗରେ ଥିବା ଥାକ ବା ବେଞ୍ଚ ଉପରେ ରଖିବା ଉଚିତ । ରୋଷେଇ ଘରର ଦକ୍ଷିଣ ପୂର୍ବ ଦିଗରେ ଗ୍ୟାସ ଚୁଲା ରହିବା ଦରକାର ।
ରୋଷେଇ କରିବା ସମୟରେ ପୂର୍ବ ଦିଗକୁ ମୁହଁ କରି ରୋଷେଇ କରିବା ଉଚିତ । ରୋଷେଇ ଘରର ଟ୍ୟାପ ଆଦି ପାଣିର ଜାଗା ଉତ୍ତରପୂର୍ବ ଦିଗରେ ବା ଉତ୍ତର ଦିଗରେ ରହିବା ଉଚିତ । ରୋଷେଇଘରର ଅନ୍ୟ ଜିନିଷ ପତ୍ର ରୋଷେଇ ଘରର ପଶ୍ଚିମ ବା ଦକ୍ଷିଣ ଦିଗରେ ରହିବା ଉଚିତ ।
ରୋଷେଇଘରେ ଫ୍ରିଜ ଥିଲେ ଏହା ଦକ୍ଷିଣ ପଶ୍ଚିମ କୋଣରେ ରଖିବା ସବୁଠୁ ଭଲ ବା ଏହାକୁ ଆପଣ ଉତ୍ତର ପୂର୍ବ କୋଣରେ ରଖି ପାରିବେ । ରୋଷେଇ ଘରେ ଯଦି ଖାଇବା ଟେବୁଲ ପକାଉଛନ୍ତି । ତେବେ ଏହାକୁ ଆପଣ ଉତ୍ତର ପଶ୍ଚିମ ଦିଗରେ ବା ପଶ୍ଚିମ ଦିଗରେ ପକାଇବା ଦରକାର । ଖାଇବା ସମୟରେ ଉତ୍ତର ବା ପୂର୍ବ ଦିଗକୁ ମୁହଁ କରି ଖାଇବା ଉଚିତ ନୁହେଁ ।
