ନୂଆଦିଲ୍ଲୀ: ବିଶ୍ୱର ପ୍ରଥମ ଦେଶ ଭାବେ ଚନ୍ଦ୍ରର ଦକ୍ଷିଣ ମେରୁରେ ‘ଚନ୍ଦ୍ରାୟନ ୩’ ଅବତରଣ କରିଛି । ଏହି ଅତ୍ତୁତପୂର୍ବ ଏବଂ ଅପ୍ରତିମ ଉପଲବ୍ଧି ସହ ଭାରତ ଇତିହାସ ରଚିଛି । ଏହି ସମୟରେ ଦକ୍ଷିଣ ଆଫ୍ରିକାର ଜୋହାନ୍ସବର୍ଗରେ ହେଉଥିବା ବ୍ରିକ୍ସ ଶିଖର ସମ୍ମିଳନୀରେ ଅଂଶଗ୍ରହଣ କରିଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଭିଡିଓ କନଫେନ୍ସିଂ ଜରିଆରେ ଏହି ମୁହୂର୍ତ୍ତର ସାକ୍ଷୀ ହେବା ପାଇଁ ଦେଶବାସୀଙ୍କ ସହ ସାମିଲ ହୋଇଥିଲେ ।
ଭାରତର ଚନ୍ଦ୍ର ବିଜୟ ପରେ ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ, ଏହି ମୁହୂର୍ତ୍ତ ଅବିସ୍ମରଣୀୟ । ଆଜି ଭାରତ ନୂଆ ଇତିହାସ ରଚିଛି । ସାରା ଦେଶବାସୀଙ୍କ ସହ ମୁଁ ଆଜି ଉତ୍ସବରେ ସାମିଲ ହୋଇଛି । ଆମ ବୈଜ୍ଞାନିକଙ୍କ ଅଦମ୍ୟ ପରିଶ୍ରମ ଯୋଗୁ ଭାରତ ଦକ୍ଷିଣ ମେରୁରେ ପହଞ୍ଚି ପାରିଛି । ଯେଉଁଠି ସମଗ୍ର ବିଶ୍ୱର କେହି ପହଞ୍ଚିନଥିଲେ ଆମେ ପହଞ୍ଚିଛୁ । ଆଜି ପରେ ଚନ୍ଦ୍ରକୁ ନେଇ ଅନେକ ଭ୍ରାନ୍ତ ଧାରଣା ବଦଳିଗଲା ।
