ମୁମ୍ବାଇ: ବଲିଉଡ ଅଭିନେତା ନସିରୁଦ୍ଦିନ ଶାହା ଚାରି ଦଶନ୍ଧି ଧରି ନିଜର ଚମତ୍କାର ଅଭିନୟ ସହିତ ସମସ୍ତଙ୍କ ହୃଦୟ ଜିତିଛନ୍ତି | ନସିରୁଦ୍ଦିନ ଶାହା ତାଙ୍କ କ୍ୟାରିୟରରେ ଅନେକ ମହାନ ଚଳଚ୍ଚିତ୍ର କରିଛନ୍ତି। ଅଭିନେତା ତାଙ୍କ ଜୀବନ ସହ ଜଡିତ ଅନେକ କାହାଣୀ ତାଙ୍କ ପୁସ୍ତକରେ ଲେଖିଥିଲେ | ନସିରୁଦ୍ଦିନ ଶାହା ତାଙ୍କ ପୁସ୍ତକରେ ଲେଖିଥିଲେ ଯେ ତାଙ୍କ ବନ୍ଧୁ ଜସପାଲ ଦିନେ ତାଙ୍କୁ ଛୁରୀରେ ଆକ୍ରମଣ କରିଥିଲେ ଆଉ ଓମ୍ ପୁରୀ ହିଁ ତାଙ୍କ ଜୀବନ ବଞ୍ଚାଇଦେଇଥିଲେ | ନାସିରୁଦ୍ଦିନ ଶାହା ତାଙ୍କ ପୁସ୍ତକରେ ଲେଖିଥିଲେ ଯେ ୧୯୭୭ ମସିହାରେ ଭୁମିକା ଚଳଚ୍ଚିତ୍ରର ସୁଟିଂ ସମୟରେ ସେ ଓମ ପୁରୀଙ୍କ ସହ ରାତ୍ରୀ ଭୋଜନ କରିବାକୁ ଯାଇଥିଲେ। ଏହା ପରେ ତାଙ୍କ ସାଙ୍ଗ ଜସପାଲ ରେଷ୍ଟୁରାଣ୍ଟକୁ ଆସିଥିଲେ।
ଜସପାଲଙ୍କ ସହ ନାସିରୁଦ୍ଦିନଙ୍କ ସମ୍ପର୍କ ଭଲ ନଥିଲା। ନସିରୁଦ୍ଦିନ ଶାହା କହିଛନ୍ତି ଯେ ଆମେ ଦୁହେଁ ପରସ୍ପରକୁ ଅଣଦେଖା କରିଥିଲୁ କିନ୍ତୁ ତାଙ୍କ ଆଖି ମୋ ଉପରେ ଥିଲା। କିଛି ସମୟ ପରେ ମୁଁ ମୋ ପିଠିରେ କିଛି ଆଘାତ ହେଉଥିବାର ଅନୁଭବ କଲି | ମୁଁ ଦେଖିଲି ଯେ ଜସପାଲଙ୍କ ହାତରେ ଏକ ଛୋଟ ଛୁରୀ ଥିଲା, ଆଉ ଛୁରୀରୁ ରକ୍ତ ଝରୁଥିଲା | ପୁନର୍ବାର ଆକ୍ରମଣ କରିବା ପାଇଁ ଜଶପାଲ ଉଦ୍ୟମ କରିଥିଲେ ହେଲେ ଓମ୍ ଏବଂ ଅନ୍ୟ ଦୁଇଜଣ ତାଙ୍କୁ ନିୟନ୍ତ୍ରଣ କରିବାକୁ ଚେଷ୍ଟା କରୁଥିଲେ। ଏହା ପରେ ନସିରୁଦ୍ଦିନଙ୍କୁ ଜୁହୁରେ ଥିବା ଏକ ଡାକ୍ତରଖାନାରେ ଭର୍ତ୍ତି କରାଯାଇଥିଲା | ରକ୍ତ ବହୁତ ବୋହିଯାଇଥିବାବେଳେ ତାଙ୍କର ଚିକିତ୍ସା କରାଯାଇଥିଲା |
