ନୂଆଦିଲ୍ଲୀ ୦୪।୧୦; ରାଜସ୍ଥାନର ବୁନ୍ଦି ଜିଲ୍ଲାରେ ଅଘଟଣ ଘଟିଛି। ବର୍ତ୍ତମାନ ସେଠାରେ ନିଆଁ ଲାଗିବା ଘଟଣା ସାମ୍ନାକୁ ଆସିଛି । ଯେଉଁଥିରେ ତିନି ଜଣ ଛାତ୍ର ଆହତ ହୋଇଛନ୍ତି। ଗତକାଲି ରାତିରେ ଜିଲ୍ଲାର ଏକ ଗ୍ରାମରେ ଚାଲୁଥିବା ଗୁରୁକୂଲରେ ଅଗ୍ନିକାଣ୍ଡ ଘଟିଛି। କୁହାଯାଉଛି କି ମଶାମାନଙ୍କୁ ମାରିବା ପାଇଁ ଛାତ୍ରମାନେ ଶୁଖିଲା ନିମ୍ ପତ୍ର ପୋଡି ଥିଲେ ।
ରାତିରେ ସେମାନେ ସବୁ ହଲରେ ଶୋଇଥିଲେ । ଏହି ସମୟ ମଧ୍ୟରେ, ନିମ୍ ପତ୍ରରୁ ବାହାରୁଥିବା ନିଆଁ ଫୋମ୍ ଗଦିରେ ଲାଗିଥିଲା ।ଯେଉଁଥିପାଇଁ ତିନିଜଣ ପିଲା ଜଳି ଯାଇଥିଲେ । ଏନେଇ ଗୁରୁବାର ପୋଲିସ ଏହି ଘଟଣା ସମ୍ପର୍କରେ ସୂଚନା ଦେଇଛି।
ପୋଲିସ କହିଛି ଯେ ଏହି ଘଟଣା ବୁଧବାର ରାତିରେ ଦେଇ ଅଞ୍ଚଳରେ ଘଟିଛି। ୧୪ ଜଣ ପିଲା ହଲର ଏକ କୋଣରେ ଶୁଖିଲା ନିମ ପତ୍ର ଜାଳିଥିଲେ, ଯେଉଁଠାରେ ସେମାନେ ଫୋମ୍ ଗଦି ପକାଇ ଶୋଇଥିଲେ । ବିଳମ୍ବିତ ରାତିରେ ଫ୍ୟାନ ଏବଂ ଏୟାର କୁଲର ପବନରେ ନିଆଁ ଫୋମ୍ ଗଦା ଉପରେ ପଡ଼ିଥିଲା । ପରେ ଧୀରେ ଧୀରେ ନିଆଁ ପୂରା ଫୋମକୁ ଧରି ନେଇଥିଲା । ଏହି ଭୀଷଣ ନିଆଁରେ ୩ଜଣ ଛାତ୍ର ୬୦ପ୍ରତିଶତ ଜଳି ଯାଇଛନ୍ତି।
ଗୁରୁକୂଲ ଶିକ୍ଷକଙ୍କ କହିବା ଅନୁଯାୟୀ, ସେ ବୁଧବାର ରାତି ୧୦.୩୦ ପର୍ଯ୍ୟନ୍ତ ୧୪ ପିଲାଙ୍କୁ ପଢାଇଥିଲେ। କ୍ଲାସ୍ ସରିବା ପରେ ୧୦ଜଣ ପିଲା ବଡ଼ ହଲରେ ଫ୍ୟାନ ଏବଂ କୁଲର ଲଗାଇ ଶୋଇଥିଲେ ଏବଂ ୪ଜଣ ବାହାରେ ଶୋଇଥିଲେ । ଶିକ୍ଷକଙ୍କ କହିଛନ୍ତି, ଘଟଣା ଘଟିବା ସମୟରେ ପିଲାମାନଙ୍କ ଚିତ୍କାର ଶୁଣିବାକୁ ମିଳିଛିଲା । ତୁରନ୍ତ ସେଠାରେ ପହଞ୍ଚି ନିଆଁରୁ ପିଲାଙ୍କୁ ବଞ୍ଚାଇବାକୁ ପ୍ରୟାସ କରିଥିଲେ । ଏହି ସମୟରେ ୩ଜଣ ଛାତ୍ର ପୋଡି ହୋଇଯାଇଥିଲେ ।
