ଇରାନ ପୂର୍ବରୁ ଆମେ ତିଆରି କରିବୁ ପରମାଣୁ ବୋମା: ସାଉଦି ଆରବ ଯୁବରାଜ ମହମ୍ମଦ ବିନ୍ ସଲମାନ – Utkal Mail

ରିଆଦ୍ : ସାଉଦି ଆରବର କ୍ରାଉନ୍ ପ୍ରିନ୍ସ ମହମ୍ମଦ ବିନ୍ ସଲମାନ (ଏମବିଏସ୍) ବୁଧବାର ଆମେରିକାର ଫକ୍ସ ନ୍ୟୁଜ୍କୁ ଦେଇଥିବା ଏକ ସାକ୍ଷାତକାରରେ କହିଛନ୍ତି ଯେ ଯଦି ତାଙ୍କ ପ୍ରତିଦ୍ୱନ୍ଦ୍ୱୀ ଇରାନ୍ ପ୍ରଥମେ ପରମାଣୁ ବୋମା ତିଆରି କରେ, ତେବେ ସେ ମଧ୍ୟ ପରମାଣୁ ବୋମା ତିଆରି କରିବ। ଯଦି ଇରାନ ପାଖରେ ପରମାଣୁ ବୋମା ଅଛି, ତେବେ ଆମ ପାଖରେ ବୋମା ରହିବା ଉଚିତ। ସାକ୍ଷାତକାର ସହ ଜଡ଼ିତ ଏକ ଭିଡିଓ କ୍ଲିପରେ ମହମ୍ମଦ ବିନ୍ ସଲମାନ୍ ଏହା କହୁଥିବା ଶୁଣିବାକୁ ମିଳୁଛି।

ସାଉଦି ଆରବର କ୍ରାଉନ ପ୍ରିନ୍ସ ମହମ୍ମଦ ବିନ୍ ସଲମାନ (ଏମବିଏସ) କହିଛନ୍ତି ଯେ ଯେତେବେଳେ କୌଣସି ଦେଶ ପରମାଣୁ ଅସ୍ତ୍ର ଶସ୍ତ୍ର ହାସଲ କରେ ସେତେବେଳେ ଅନ୍ୟ ଦେଶମାନେ ଚିନ୍ତିତ ହୁଅନ୍ତି । କିନ୍ତୁ କୌଣସି ଦେଶ ପରମାଣୁ ଅସ୍ତ୍ର ବ୍ୟବହାର କରିବା ଉଚିତ ନୁହେଁ ବୋଲି ସେ କହିଛନ୍ତି। ଯଦି କୌଣସି ଦେଶ ପରମାଣୁ ଅସ୍ତ୍ର ବ୍ୟବହାର କରେ, ତେବେ ଏହା ସମଗ୍ର ବିଶ୍ୱ ବିରୋଧରେ ଯୁଦ୍ଧ କରିବା ସହ ସମାନ ବୋଲି ବିବେଚନା କରାଯାଏ । ବିଶ୍ୱ ଆଉ ହିରୋସିମା ଦେଖିପାରିବ ନାହିଁ ବୋଲି ସେ କହିଛନ୍ତି ।

ସୂଚନାଯୋଗ୍ୟ, ୨୦୧୫ରେ ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଇରାନ ସହ ହୋଇଥିବା ପରମାଣୁ ଚୁକ୍ତିରୁ ଓହରିଯାଇଥିଲେ । ୨୦୨୦ରେ ନୂଆ ରାଷ୍ଟ୍ରପତି ଭାବେ ଦାୟିତ୍ୱ ଗ୍ରହଣ କରିବା ପରେ ଜୋ ବାଇଡେନ୍ ମଧ୍ୟ ଇରାନ ପରମାଣୁ ଚୁକ୍ତି ଉପରେ ଧ୍ୟାନ ଦେଇନଥିଲେ, ଯାହା ପରେ ଇରାନ ତା’ର ପରମାଣୁ କାର୍ଯ୍ୟକ୍ରମକୁ ତ୍ୱରାନ୍ୱିତ କରିବା ଆରମ୍ଭ କରିଥିଲା।