ନୂଆ ବାଇକ୍ ର ଫାଷ୍ଟ ସର୍ଭିସ କାହିଁକି ଗୁରୁତ୍ୱପୂର୍ଣ୍ଣ? ଜାଣନ୍ତୁ କ’ଣ କହିଛନ୍ତି ଏକ୍ସପର୍ଟ

ଯଦି ଆପଣ ଏକ ନୂତନ ବାଇକ୍ କିଣିବାକୁ ଯାଉଛନ୍ତି, ତେବେ ମୋଟରସାଇକେଲର ଫାଷ୍ଟ ସର୍ଭିସ କାହିଁକି ଆବଶ୍ୟକ ତାହା ବିଷୟରେ ଆପଣଙ୍କର ସଠିକ୍ ସୂଚନା ରହିବା ଉଚିତ୍ । ଅନେକ ଲୋକ ଫାଷ୍ଟ ସର୍ଭିସକୁ ଠିକ୍ ସମୟରେ କରିବାକୁ ଭୁଲିଯାଆନ୍ତି, ଯେଉଁ କାରଣରୁ ଇଞ୍ଜିନ ଉପରେ ଖରାପ ପ୍ରଭାବ ପଡିଥାଏ । ତେବେ ଆଜି ଆମେ ଆପଣଙ୍କୁ ଜଣାଇବାକୁ ଯାଉଛି ଯଦି ସଠିକ୍ ସମୟରେ ବାଇକ୍ ସର୍ଭିସେସ୍ କରା ନଯାଏ ତେବେ ଆପଣଙ୍କର ବାଇକ୍ ଉପରେ କ’ଣ ସବୁ ପ୍ରଭାବ ପଡିପାରେ । ଆସନ୍ତୁ ଜାଣିବା ଏହା ବିଷୟରେ…

କ’ଣ କହିଛନ୍ତି ଏକ୍ସପର୍ଟ?

ଅଟୋମୋବାଇଲ୍ ଏକ୍ସପର୍ଟମାନେ କହିଛନ୍ତି ଯେ ଯେ ଏକ ନୂଆ ବାଇକ୍ କିଣିବାବେଳେ ଆପଣ ବାଇକ୍ ସହିତ ଯାଉଥିବା ବୁକଲେଟରେ ଫାଷ୍ଟ ସର୍ଭିସ କେତେ କିଲୋମିଟର ଚାଲିବା ପରେ କରିବାକୁ ପଡିବ ସେ ସମ୍ବନ୍ଧରେ ସୂଚନା ପାଇପାରିବେ । କେତେକ କମ୍ପାନୀ ଫାଷ୍ଟ ସର୍ଭିସକୁ ୭୫୦ କିଲୋମିଟରରେ କରିବା ପାଇଁ କହିଥାନ୍ତି ତ ଅନ୍ୟ କେତେକ କମ୍ପାନୀ ୧୦୦୦ କିଲୋମିଟର ପରେ ଫାଷ୍ଟ ସର୍ଭିସ କରିବା ପାଇଁ କହିଥାନ୍ତି ।

ଯଦି କୌଣସି ବ୍ୟକ୍ତି ନିର୍ଦ୍ଦିଷ୍ଟ କିଲୋମିଟରରେ ଫାଷ୍ଟ ସର୍ଭିସ କରନ୍ତି ନାହିଁ, ତେବେ ଏହି କ୍ଷେତ୍ରରେ ଯଦି ଗାଡିର କୌଣସି ପାର୍ଟ ନଷ୍ଟ ହୋଇଯାଏ ତେବେ କମ୍ପାନୀ ସେହି ପାର୍ଟର ୱାରେଣ୍ଟିକୁ ବାତିଲ କରିପାରେ । ଏଥିପାଇଁ କମ୍ପାନୀ ଗ୍ରାହକଙ୍କୁ ମନା ମଧ୍ୟ କରିପାରିବ କାରଣ ଫାଷ୍ଟ ସର୍ଭିସ ଠିକ୍ ସମୟରେ ନହେବା କାରଣରୁ ମଧ୍ୟ ପାର୍ଟ ନଷ୍ଟ ହୋଇପାରେ । ଏହାର ଅର୍ଥ ହେଉଛି ଯେ ଏହି କ୍ଷେତ୍ରରେ ଆପଣଙ୍କୁ ଗାଡିର ଖରାପ ପାର୍ଟ ଠିକ କରିବା ପାଇଁ ନିଜ ପକେଟରୁ ଟଙ୍କା ଖର୍ଚ୍ଚ କରିବାକୁ ପଡିବ ।

ଏହା ବ୍ୟତୀତ, ଯଦି କମ୍ପାନୀ ଦ୍ୱାରା ନିର୍ଦ୍ଦିଷ୍ଟ କିଲୋମିଟରରେ ଫାଷ୍ଟ ସର୍ଭିସ କରା ନଯାଏ, ତେବେ ଏହା ଇଞ୍ଜିନ ଉପରେ ନକାରାତ୍ମକ ପ୍ରଭାବ ପକାଇପାରେ ଏବଂ ଇଞ୍ଜିନ ଶୀଘ୍ର ନଷ୍ଟ ହୋଇପାରେ । ଇଞ୍ଜିନରେ ଛୋଟ ଧାତୁ କଣିକା ଥାଏ ଏବଂ ଯେତେବେଳେ ବାଇକ୍ ଚଲାଯାଏ, ସେମାନେ ଘଷିହେବା ଆରମ୍ଭ କରି ଇଞ୍ଜିନ ତେଲ ସହିତ ମିଶିବାରେ ଲାଗନ୍ତି । ଫାଷ୍ଟ ସର୍ଭିସ ସମୟରେ ଏଗୁଡିକୁ ହଟାଇବା ଅତ୍ୟନ୍ତ ଜରୁରୀ, ନଚେତ୍ ପିଷ୍ଟନ୍ ଏବଂ ଇଞ୍ଜିନର ଅନ୍ୟାନ୍ୟ ପାର୍ଟ ଉପରେ ପ୍ରତିକୂଳ ପ୍ରଭାବ ପଡିପାରେ ଯେଉଁ କାରଣରୁ ଇଞ୍ଜିନ ନଷ୍ଟ ହେବାର ଆଶଙ୍କା ଥାଏ ।