ରାମଲଲ୍ଲା ପ୍ରାଣପ୍ରତିଷ୍ଠା ଦିନ ହୋଇଥାନ୍ତା ବଡ଼ ଆତଙ୍କବାଦୀ ଆକ୍ରମଣ

କିନ୍ତୁ କୌଣସି କାରଣରୁ ସେହି ତାରିଖରେ ସେହି ଯୋଜନା ବିଫଳ ହୋଇଥିଲା। ଏହାପରେ କର୍ଣ୍ଣାଟକର ବେଙ୍ଗାଲୁରୁରେ ଥିବା ରାମେଶ୍ୱରମ୍ କାଫେରେ ବିସ୍ଫୋରଣ ପାଇଁ ଷଡ଼ଯନ୍ତ୍ର କରାଯାଇଥିଲା ଏବଂ ଏହାକୁ ଅନେକ ଆତଙ୍କବାଦୀ ମିଳିତଭାବେ ଘଟାଇଥିଲେ।

ଯେଉଁଦିନ ଅଯୋଧ୍ୟାର ରାମ ମନ୍ଦିରରେ ଭଗବାନ ରାମଙ୍କ ମୂର୍ତ୍ତି ପ୍ରାଣପ୍ରତିଷ୍ଠା ହେବାର ଥିଲା, ସେହିଦିନ ବେଙ୍ଗାଲୁରୁସ୍ଥିତ ବିଜେପି କାର୍ଯ୍ୟାଳୟରେ ଆଇଇଡି ବୋମା ବିସ୍ଫୋରଣ ପାଇଁ ଷଡ଼ଯନ୍ତ୍ର କରାଯାଇଥିଲା।

ତଦନ୍ତକାରୀ ଏଜେନ୍ସି ଅଧିକାରୀଙ୍କ କହିବାନୁସାରେ, ଏହି ସବୁ ତଥ୍ୟ ସହ ଜଡ଼ିତ ଅଭିଯୁକ୍ତଙ୍କ ବୟାନ ସମେତ ଅନ୍ୟାନ୍ୟ ପ୍ରମାଣ କୋର୍ଟରେ ଦାଖଲ କରାଯାଇଛି। ସୋମବାର ୪ ଜଣ ମୁଖ୍ୟ ଅଭିଯୁକ୍ତଙ୍କ ବିରୋଧରେ ଏନଆଇଏ ଦାଖଲ କରିଥିବା ଚାର୍ଜସିଟରେ ଏସବୁ କଥା ସ୍ପଷ୍ଟ ଭାବେ ଉଲ୍ଲେଖ କରାଯାଇଛି। ରାମେଶ୍ୱରମ୍ କାଫେ ବିସ୍ଫୋରଣ ମାମଲାରେ ଦାଖଲ ହୋଇଥିବା ଚାର୍ଜସିଟରେ ନାମ ଥିବା ମୁସାବୀର ହୁସେନ୍ ସଜିବ, ଅବଦୁଲ ମତିନ୍ ଅହମ୍ମଦ ତାହା, ମାଜ୍ ମୁନିର ଅହମ୍ମଦ ଏବଂ ମୁଜାମ୍ମିଲ ଶରିଫଙ୍କୁ ପୂର୍ବରୁ ଗିରଫ କରାଯାଇଥିଲା ଏବଂ ବର୍ତ୍ତମାନ ସେମାନେ ଏହି ମାମଲାରେ ବିଚାର ବିଭାଗୀୟ ହାଜତରେ ଅଛନ୍ତି ବୋଲି ଏନଆଇଏ ଏକ ବିବୃତିରେ କହିଛି।