ନୂଆଦିଲ୍ଲୀ: କଂଗ୍ରେସ ନେତା ଅଧୀର ରଞ୍ଜନ ଚୌଧୁରୀଙ୍କ ନିଲମ୍ବନକୁ ସଂସଦୀୟ ଅଧିକାର କମିଟି ବୁଧବାର ଲୋକସଭାରୁ ପ୍ରତ୍ୟାହାର କରିନେଇଛି। ଚୌଧୁରୀଙ୍କ ନିଲମ୍ବନ ପ୍ରତ୍ୟାହାର ପ୍ରସ୍ତାବକୁ ବୁଧବାର ସ୍ବାଧିକାର କମିଟି ଅନୁମୋଦନ କରିଥିଲା।
ସଂସଦର ମୌସୁମୀ ଅଧିବେଶନରେ କିଛି ମନ୍ତବ୍ୟ ଦେଇଥିବାରୁ କଂଗ୍ରେସ ସାଂସଦ ଅଧୀର ରଞ୍ଜନ ଚୌଧୁରୀଙ୍କୁ ନିଲମ୍ବିତ କରାଯାଇଥିଲା। ନିଲମ୍ବନ ପ୍ରତ୍ୟାହାର କରାଯିବ ବୋଲି ଚୌଧୁରୀ ଆଶା ବ୍ୟକ୍ତ କରିଥିଲେ। ବୁଧବାର ସେ କହିଥିଲେ ଯେ ଅଧ୍ୟକ୍ଷ ତାଙ୍କୁ ନିଜର ପକ୍ଷ ରଖିବାକୁ ସୁଯୋଗ ଦେଇଛନ୍ତି।
ଚୌଧୁରୀ ବିଜେପି ସାଂସଦ ସୁନୀଲ ସିଂହଙ୍କ ଅଧ୍ୟକ୍ଷତାରେ ଗଠିତ କମିଟିକୁ କହିଛନ୍ତି ଯେ ସେ କାହାର ଭାବନାକୁ ଆଘାତ ଦେବାକୁ ଚାହୁଁନାହାନ୍ତି। ଯଦି କାହାର ଭାବନାକୁ ଆଘାତ ଲାଗିଛି, ତେବେ ସେମାନେ ଦୁଃଖ ପ୍ରକାଶ କରୁଛନ୍ତି। ଚୌଧୁରୀ ତାଙ୍କ ପକ୍ଷ ରଖିବା ପରେ କମିଟି ତାଙ୍କ ନିଲମ୍ବନକୁ ଗୃହ କାର୍ଯ୍ୟରୁ ପ୍ରତ୍ୟାହାର କରିବାକୁ ସୁପାରିସ କରିଥିବା ଏକ ପ୍ରସ୍ତାବକୁ ଅନୁମୋଦନ କରିଥିଲା।
ଅଗଷ୍ଟ ୧୮ତାରିଖରେ ଅଧିକାର କମିଟି ଏହି ମାମଲାର ବିଚାର କରିଥିଲା। ଅଗଷ୍ଟ ୧୮ ତାରିଖରେ ଅନୁଷ୍ଠିତ ବୈଠକରେ ପ୍ରାକୃତିକ ନ୍ୟାୟ ନୀତି ଅନୁଯାୟୀ ତାଙ୍କୁ (ଅଧୀର ରଞ୍ଜନ ଚୌଧୁରୀ)ଙ୍କୁ ନିଜର ପକ୍ଷ ରଖିବାକୁ ସୁଯୋଗ ଦିଆଯିବା ଉଚିତ ବୋଲି ସହମତି ପ୍ରକାଶ ପାଇଥିଲା।
