ସୁନ୍ଦରଗଡ଼, ୦୨/୧୧ : ନାମ ସଂକୀର୍ତ୍ତନ ସାରି ଘରକୁ ଫେରୁଥିବା ବେଳେ ଚାଲିଗଲା ଜୀବନ। ଟ୍ରେଲରକୁ ଧକ୍କା ଦେଲା ଟାଟା ମ୍ୟାଜିକ୍ ଗାଡି। ୬ ମୃତ ୫ ଆହତ। ସୁନ୍ଦରଗଡ଼ ହେମଗିରି ଥାନା ଗଏନେ ପାଲି ନିକଟରେ ଏଭଳି ମର୍ମନ୍ତୁଦ ଦୁର୍ଘଟଣା ଘଟିଛି।
ସୂଚନାନୁଯାୟୀ, ସୁନ୍ଦରଗଡ଼ କନ୍ଧାତୁଢା ଗ୍ରାମର କିଛି ଲୋକ ନାମ ସଂକୀର୍ତ୍ତନ ସାରି ଏକ ଭ୍ୟାନ୍ ଯୋଗେ ଘରକୁ ଫେରୁଥିଲେ।
ଶନିବାର ଭୋର୍ ସମୟରେ ଟାଟା ମ୍ୟାଜିକ୍ ଏକ ଟ୍ରେଲରକୁ ଧକ୍କା ଦେଇଥିଲା। ଫଳରେ ଘଟଣାସ୍ଥଳରେ ୬ ଜଣଙ୍କର ମୃତ୍ୟୁ ଘଟିଥିବା ବେଳେ ୫ ଜଣ ଆହତ ହୋଇଛନ୍ତି। ଦୁର୍ଘଟଣାସ୍ଥଳରେ ଚାପା ଉତ୍ତେଜନା ପ୍ରକାଶ ପାଇଛି। ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ବୁଝାସୁଝା କରୁଛି। କୁହୁଡ଼ି ଯୋଗୁଁ ଡ୍ରାଇଭର ଦେଖିପାରି ନଥିବା ସୂଚନା ମିଳିଛି।
