ଜଳେଶ୍ୱର : କାଳ ହେଲା ଅନଲାଇନ୍ ଗେମ୍ । ମୋବାଇଲ ନଦେବାରୁ ଜୀବନ ହାରିଲେ ଯୁବକ । ବାଲେଶ୍ବର ଭୋଗରାଇ ବ୍ଲକ କୀର୍ତ୍ତନିଆ ଗାଁର ପୂର୍ଣ୍ଣଚନ୍ଦ୍ର ମିର୍ଧାଙ୍କ ପୁଅ ଆନନ୍ଦ ମିର୍ଧା ଜୀବନ ହାରିଥିବା ଅଭିଯୋଗ ହୋଇଛି ।
ଗତକାଲି ସନ୍ଧ୍ୟା ସମୟରେ ଆନନ୍ଦ ଦୀର୍ଘ ସମୟ ଧରି ଫ୍ରି ଫାୟାର ଗେମ ଖେଳୁଥିଲେ । ଏଥିପାଇଁ ତାଙ୍କ ମାଆ ନଖେଳିବାକୁ ତାଗିଦ କରିଥିଲେ । କିଛି ସମୟ ପରେ ଆନନ୍ଦ ଘରୁ ବାହାରି ପଳାଇ ଯାଇଥିଲେ । ପରିବାର ଲୋକେ ବହୁ ଖୋଜାଖୋଜି କରିବା ପରେ ଘର ପାଖରେ ଥିବା ଏକ ଗଛରୁ ଝୁଲନ୍ତା ଅବସ୍ଥାରେ ଉଦ୍ଧାର କରିଥିଲେ । ଏନେଇ ଥାନାରେ ପରିବାରଲୋକ ଅଭିଯୋଗ କରିବା ପରେ ଭୋଗରାଇ ପୋଲିସ ମୃତଦେହ ଜବତ କରି ତଦନ୍ତ କରୁଛି ।
