ମାତିଛି ବିଷାକ୍ତ ମଣିଷ ମରା ପୋକ, ପ୍ରଥମେ ଶୋଷୁଛି ରକ୍ତ ଆଉ ଦ୍ୱିତୀୟରେ ନେଉଛି ଜୀବନ, ଜାଣନ୍ତୁ କେମିତି ରକ୍ଷା ପାଇବେ

ସଂକ୍ରମଣର ଲକ୍ଷଣ : ଏହି କୀଟ କାମୁଡିବା ସ୍ଥାନରେ ସମୟ କ୍ରମେ ଏକ ଘା ସୃଷ୍ଟି ହୋଇ ଥାଏ। ଯାହା ପରେ ଉକ୍ତ ସ୍ଥାନକୁ କଳା ପକାଇ ଦେଇଥାଏ। ପରେ ଏହା ଶରୀରରେ ସଂକ୍ରମିତ ହୋଇ ଜ୍ଵର, ମୁଣ୍ଡବିନ୍ଧା, ତଳି ପେଟରେ ଯନ୍ତ୍ରଣା ଓ ଶ୍ଵାସ ପ୍ରଶ୍ୱାସ ରେ କଷ୍ଟ ଅନୁଭବ କରିବା ଭଳି ଯନ୍ତ୍ରଣା ସୃଷ୍ଟି କରିଥାଏ। ଯାହାର ଚିକିତ୍ସା ଅତି ସାଧାରଣ ବୋଲି ଡାକ୍ତର କହୁଥିବା ବେଳେ ଏହା ମଧ୍ୟ କହିଛନ୍ତି ଯଦି ବିଳମ୍ବ ହୁଏ ତେବେ ରୋଗୀର ଜୀବନ ମଧ୍ୟ ଯାଇପାରେ।

ଜାପାନ ଠାରେ ପ୍ରଥମେ ଦେଖିବାକୁ ମିଳିଥିଲା ଏଭଳି ସଂକ୍ରମଣ। ଯାହା ଏବେ ଓଡ଼ିଶାରେ ଆତଙ୍କ ସୃଷ୍ଟି କରିଛି। ସାଧାରଣତଃ ଜୁଲାଇ ରୁ ନଭେମ୍ବର ମାସ ଭିତରେ ଏକ ସଂକ୍ରମଣ ବ୍ୟାପିଥାଏ। କେବଳ ବରଗଡ଼ ନୁହେଁ ଏହା ସୁନ୍ଦରଗଡ଼, କେନ୍ଦୁଝର ଓ ନବରଙ୍ଗପୁର ରେ ମଧ୍ୟ ଦେଖା ଦେଇଛି।

ମାତ୍ର ଏହାର ପ୍ରଭାବ ବରଗଡ଼ ଜିଲ୍ଲାର ଅତାବିରା ,ରେଡେନ୍, ବରପାଲି ସୋହେଲା ବ୍ଲକ ରେ ଦେଖା ଦେଇଛି। ସଂକ୍ରମଣକୁ ରୋକିବା ପାଇଁ ସରକାରଙ୍କ ତରଫରୁ ଆରମ୍ଭ ହୋଇଛି ଚିହ୍ନଟ ପ୍ରକ୍ରିୟା। ବ୍ଲକ ସ୍ତର ଅନୁସାରେ ଘରେ ଘରେ ଲୋକଙ୍କ ରକ୍ତ ପରୀକ୍ଷା କରା ଯାଉଛି। ପ୍ରାୟ ୧୪୨ ପରୀକ୍ଷାରୁ ୪ଟି ସଂକ୍ରମିତ ରିପୋର୍ଟ ଆସିଛି।