ନୂଆଦିଲ୍ଲୀ: ଇ-କମର୍ସ ପ୍ଲାଟଫର୍ମ ଆମାଜନ ପକ୍ଷରୁ ଆଜି ଏକ ବଡ ଘୋଷଣା କରାଯାଇଛି | ଆମାଜନ ପକ୍ଷରୁ କୁହାଯାଇଛି ଯେ ସେପ୍ଟେମ୍ବର ୧୯ ପରଠାରୁ କ୍ୟାସ ଅନ ଡେଲିଭରିରେ ଆଉ ୨୦୦୦ ଟଙ୍କିଆ ନୋଟ ଗ୍ରହଣ କରିବ ନାହିଁ | ଆମାଜନ ବିତରଣ କମ୍ପାନୀ ଦ୍ୱାରା ଏହି ଘୋଷଣା କରାଯାଇଛି। ଆମାଜନ ଲେଖିଛି ଯେ ସେପ୍ଟେମ୍ବର ୧୯ରୁ ୨୦୦୦ ଟଙ୍କିଆ ନୋଟକୁ ସିଓଡି ବା କ୍ୟାସ ଅନ ଡେଲିଭରିରେ ଗ୍ରହଣ କରିବ ନାହିଁ | ଯଦିଓ ଆମାଜନ ବର୍ତ୍ତମାନ ସିଓଡିରେ ୨୦୦୦ ଟଙ୍କା ନୋଟ୍ ଗ୍ରହଣ କରୁଛି କିନ୍ତୁ ୧୯ ସେପ୍ଟେମ୍ବର ପରଠାରୁ ଆଉ ନୋଟ ନେବ ନାହିଁ | କମ୍ପାନୀ ଆହୁରି ମଧ୍ୟ କହିଛି ଯେ ଯଦି ଆମାଜନର ତୃତୀୟ ପକ୍ଷ କୋରିଅର୍ ପାର୍ଟନର ମାଧ୍ୟମରେ କୌଣସି ସାମଗ୍ରୀ ବିତରଣ କରାଯାଉଥିଲେ, ୨୦୦୦ ଟଙ୍କିଆ ନୋଟ୍ ଗ୍ରହଣ କରାଯିବ।
ଉଲ୍ଲେଖ ଥାଉ କି ଭାରତୀୟ ରିଜର୍ଭ ବ୍ୟାଙ୍କ ମେ ୧୯, ୨୦୨୩ରେ ୨୦୦୦ ଟଙ୍କିଆ ନୋଟ ପ୍ରତ୍ୟାହାର କରିବାକୁ ଘୋଷଣା କରିଥିଲା। ପ୍ରକାଶ ଥାଉକି, ଏହି ଘୋଷଣା ମୁତାବକ ଜଣେ ଚାହିଁଲେ ୩୦ ସେପ୍ଟେମ୍ବର ମଧ୍ୟରେ ବ୍ୟାଙ୍କରେ ୨୦୦୦ ଟଙ୍କିଆ ନୋଟ ବଦଳାଇପାରିବେ | ଆରବିଆଇ ଦ୍ୱାରା ମିଳିଥିବା ତଥ୍ୟ ଅନୁଯାୟୀ, ଅଗଷ୍ଟ ୩୧, ୨୦୨୩ ସୁଦ୍ଧା ୯୩ ପ୍ରତିଶତ ୨୦୦୦ ଟଙ୍କିଆ ନୋଟକୁ ଲୋକ ବଦଳାଇସାରିଛନ୍ତି | ବଜାରରେ କେବଳ ୭ ପ୍ରତିଶତ ୨ହଜାର ଟଙ୍କିଆ ନୋଟ ଉପଲବ୍ଧ ଅଛି | ଆରବିଆଇ କହିଛି ଯେ ଯେଉଁମାନେ ୨୦୦୦ ଟଙ୍କା ନୋଟ୍ ଜମା କରିନାହାଁନ୍ତି କିମ୍ବା ବଦଳାଇ ନାହାଁନ୍ତି ସେମାନେ ବ୍ୟାଙ୍କ ଶାଖାକୁ ଯାଇ ଏହାକୁ ବଦଳାଇ ପାରିବେ।
