୮୦ ବର୍ଷରୁ ଅଧିକ ବୟସର ବରିଷ୍ଠ ନାଗରିକ ଓ ଦିବ୍ୟାଙ୍ଗ ଘରେ ବସି ଦେଇପାରିବେ ଭୋଟ – Utkal Mail
ଜୟପୁର: ଆଗାମୀ ବିଧାନସଭା ନିର୍ବାଚନ-୨୦୨୩ ପାଇଁ ଭୋଟ ଦେବା ସମୟରେ ଯେମିତି ଭେଟରଙ୍କୁ କୌଣସି ପ୍ରକାର ଅସୁବିଧା ନହୁଏ ସେଥିପାଇଁ ଜୋରସୋର ପ୍ରସ୍ତୁତି ଆରମ୍ଭ ହୋଇଯାଇଛି।
ଏହି କ୍ରମରେ ନିର୍ବାଚନ ବିଭାଗ ଅନ୍ତର୍ଭୁକ୍ତ ଏବଂ ନିରପେକ୍ଷ ନିର୍ବାଚନ ପାଇଁ ପ୍ରତିବଦ୍ଧତା ସହିତ କାମ କରୁଛି । ନିକଟରେ ଭାରତର ନିର୍ବାଚନ ଆୟୋଗ ଏକ ପ୍ରଶଂସଯୋଗ୍ୟ ପଦକ୍ଷେପ ନେଇଛି।
ଭାରତର ନିର୍ବାଚନ ଆୟୋଗର ନିର୍ଦ୍ଦେଶ ଅନୁଯାୟୀ, ରାଜ୍ୟରେ ପ୍ରଥମ ଥର ପାଇଁ ୮୦ ବର୍ଷରୁ ଅଧିକ ବୟସର ବରିଷ୍ଠ ନାଗରିକ ଏବଂ ୪୦ ପ୍ରତିଶତରୁ ଅଧିକ ଭିନ୍ନକ୍ଷମ ବର୍ଗର ଭୋଟରଙ୍କୁ ବିଧାନସଭା ସାଧାରଣ ନିର୍ବାଚନରେ ଘରେ ବସି ଭୋଟ ଦେବାର ସୁବିଧା ଦିଆଯିବ। ଏହି ନିର୍ବାଚନରେ ୧୮.୦୫ ଲକ୍ଷ ଯୋଗ୍ୟ ଭୋଟର ଏକ ବିକଳ୍ପ ଭାବରେ ଏହି ସୁବିଧା ପାଇପାରିବେ।|
ମୁଖ୍ୟ ନିର୍ବାଚନ ଅଧିକାରୀ ପ୍ରବୀଣ ଗୁପ୍ତା କହିଛନ୍ତି ଯେ, ‘ଭାରତର ନିର୍ବାଚନ ଆୟୋଗ ଭେଟରଙ୍କ ପ୍ରତିଶତ ବୃଦ୍ଧି କରିବା ପାଇଁ ଏହି ନୂତନ ବିଚାର କରିଛନ୍ତି। ଏହା ଅଧୀନରେ ବୁଥ୍ ସ୍ତରର ଅଧିକାରୀମାନେ ଘରକୁ ଯାଇ ଯୋଗ୍ୟ ଭୋଟରଙ୍କୁ ଗୃହ ଭୋଟ୍ ସମ୍ବନ୍ଧରେ ସୂଚନା ପ୍ରଦାନ କରୁଛନ୍ତି।
ଏହି ସୁବିଧା ଏକ ବିକଳ୍ପ ଅଟେ। ଯଦି ଯୋଗ୍ୟ ଭୋଟରମାନେ ଏହି ସୁବିଧା ଚୟନ କରିବାକୁ ଚାହାଁନ୍ତି, ତେବେ ନିର୍ବାଚନ ବିଜ୍ଞପ୍ତି ପ୍ରକାଶ ହେବାର ୫ ଦିନ ମଧ୍ୟରେ ସେମାନେ ବିଏଲଓ ସହିତ ଯୋଗାଯୋଗ କରିବେ। ଏହାପରେ ସେମାନଙ୍କୁ ବିଏଲଓ ଦ୍ୱାରା ଦିଆଯାଇଥିବା ୧୨ଡି ଫର୍ମ ପୂରଣ କରିବାକୁ ହେବ। ତେବେ ଯାଇ ସେମାନେ ଏହି ସୁବିଧା ପାଇ ପାରିବେ।
