ବ୍ୟବସାୟ

ପ୍ରାଇଭେଟ୍ ଜେଟ୍ ଥାଇ ବି ଉବେର ଟ୍ୟାକ୍ସି ବ୍ୟବହାର କରନ୍ତି ୧୯,୧୧୦କୋଟିର ମାଲିକ – Utkal Mail


ନୂଆଦିଲ୍ଲୀ: ପ୍ରାଇଭେଟ୍ ଜେଟ୍ ଥାଇ ବି ଉବେର ଟ୍ୟାକ୍ସି ବ୍ୟବହାର କରନ୍ତି ୧୯,୧୧୦କୋଟିର ମାଲିକ। ଆମେ ଏଠାରେ ଅରବିନ୍ଦ ଟିକୁଙ୍କ ବିଷୟରେ କହୁଛୁ। ସେ ଜଣେ ଭାରତୀୟ ଧନୀକ ବ୍ୟବସାୟୀ ଏବଂ ନିବେଶକ। ସେ ସିଙ୍ଗାପୁରରେ ଅବସ୍ଥିତ ଏଟି କ୍ୟାପିଟାଲ ଗ୍ରୁପର ପ୍ରତିଷ୍ଠାତା ତଥା ଚେୟାରମ୍ୟାନ୍ ଅଟନ୍ତି। ୫୩ ବର୍ଷୀୟ ଅରବିନ୍ଦ ୨୦୦୭ମସିହାରୁ ସିଙ୍ଗାପୁରରେ ରହୁଥିବା ବେଳେ ଏବେ ତାଙ୍କର ମୋଟ ସମ୍ପତ୍ତି ୧୯,୧୧୦କୋଟିରେ ପହଞ୍ଚିଛି।

ଫୋର୍ବସ୍ ଅନୁଯାୟୀ, ଟିକୁ ଏବେ ପ୍ରାୟ ୧୯,୧୧୦ କୋଟି ଟଙ୍କାର ମାଲିକ ଅଟନ୍ତି। ସେ ବର୍ତ୍ତମାନ ଫୋର୍ବସ୍ ଧନୀକ ତାଲିକାରେ ୧୨୧୭ସ୍ଥାନରେ ଅଛନ୍ତି। ତାଙ୍କର  ପ୍ରାଇଭେଟ୍ ଜେଟ୍ ଥିବା ବେଳେ ସେ ବିଦେଶରେ ବ୍ୟବସାୟ ଯାତ୍ରା ସମୟରେ ଦାମୀ କାର ବଦଳରେ ଉବେର ଟ୍ୟାକ୍ସି ବ୍ୟବହାର କରିବାକୁ ପସନ୍ଦ କରୁଥିବା ଜଣାଯାଇଛି।

ମିଳିଥିବା ସୂଚନା ମୁତାବକ, ଅରବିନ୍ଦ ୧୮ବର୍ଷ ବୟସରେ ଋଷରେ ମେକାନିକାଲ୍ ଇଞ୍ଜିନିୟରିଂ ପଢ଼ିବା ପାଇଁ ଭାରତ ଛାଡିଥିଲେ। ପାଠପଢ଼ା ପରେ ଅଏଲ୍ ଓ ଗ୍ୟାସ୍ ସେକ୍ଟରକୁ ଆସିବା ପୂର୍ବରୁ ସେ କମୋଡିଟି ଟ୍ରେଡିଂରେ ଥିଲେ। ବ୍ୟବସାୟ ସହ ଅରବିନ୍ଦ ଏଟି କ୍ୟାପିଟାଲ୍ ଚାରିଟେବୁଲ୍ ଫାଉଣ୍ଡେସନ୍ ମଧ୍ୟ ପ୍ରତିଷ୍ଠା କରିଛନ୍ତି। ଏହି ଫାଉଣ୍ଡେସନ୍ ସ୍ୱାସ୍ଥ୍ୟ ଏବଂ ଶିକ୍ଷା ପାଇଁ କୋଟି କୋଟି ଟଙ୍କା ଦାନ କରୁଥିବା ଜଣାଯାଇଛି। ଏଟି ଗ୍ରୁପର କାର୍ଯ୍ୟାଳୟ ଭାରତ, ସିଙ୍ଗାପୁର, ଦୁବାଇ ଏବଂ ନେଦରଲ୍ୟାଣ୍ଡର ଥିବା ସହ ଏଥିରେ ପ୍ରାୟ ୪୦୦ରୁ ଅଧିକ କର୍ମଚାରୀ କାମ କରୁଛନ୍ତି। ତେବେ ନିଜର କମ୍ପାନି ଥିବା ସହ ଅରବିନ୍ଦ ଅନେକ ବଡ଼ ବଡ଼ କମ୍ପାନିରେ ନିବେଶ କରିିଥିବା ଜଣାଯାଇଛି।




utkalmailtv

Related Articles

Leave a Reply

Your email address will not be published. Required fields are marked *

Back to top button