ରାସ୍ତାରେ ଚପଲ ପଡ଼ିଥିବା ଦେଖି କରିନା ଦେଇଥିବା ପ୍ରତିକ୍ରିୟା ପାଇଁ ହେଲେ ଟ୍ରୋଲ – Utkal Mail
ନୂଆଦିଲ୍ଲୀ: ଅଭିନେତ୍ରୀ କରିନା କପୁର କିଛିବର୍ଷ ହେବ ସିନେମା ଦୁନିଆରୁ ଦୂରେଇ ଯାଇଛନ୍ତି। କିନ୍ତୁ ସେ ସୋସିଆଲ ମିଡିଆରେ ବେଶ ସକ୍ରିୟ ରହିଛନ୍ତି। ଏହି କ୍ରମରେ ସୋସିଆଲ ମିଡିଆରେ କରିନାଙ୍କ ଏକ ଭିଡିଓ ସାମ୍ନାକୁ ଆସିଛି। ଏହି ଭିଡିଓ ସାମ୍ନାକୁ ଆସିବା ପରେ ଲୋକେ ବିଭିନ୍ନ ପ୍ରକାର ପ୍ରତିକ୍ରିୟା ଦେଇଛନ୍ତି।
ବିରଳ ଭୟାନିଙ୍କ ଇନଷ୍ଟାପେଜରୁ ସାମ୍ନାକୁ ଆସିଥିବା ଭିଡିଓରେ ଦେଖିବାକୁ ମିଳୁଛି, କରିନା ଯେମିତି ହିଁ ବାହାରୁଛନ୍ତି ତାଙ୍କ ସାମ୍ନାରେ ଏକ ଚପଲ ପଡ଼ିଥିବା ଦେଖିବାକୁ ମିଳୁଛି। ଏହି ଚପଲ ଉପରେ ଯେମିତି ହିଁ କରିନାଙ୍କ ନଜର ପଡ଼ୁଛି ସେ କହୁଛନ୍ତି, ‘ଆପଣଙ୍କ ଫେମସ ଚପଲ ବାହାରି ଯାଇଛି।’ ଏମିତି କହି କରିନା ହସି ଦେଇ ସେଠାରୁ ଚାଲିଯାଉଛନ୍ତି।
ନିକଟରେ ଆଲିଆଭଟ୍ଟଙ୍କ ଏକ ଭିଡିଓ ଭାଇରାଲ ହୋଇଥିଲା। ଯେଉଁଥିରେ ସେ କୌଣସି ଜଣେ କ୍ୟାମେରାମ୍ୟାନଙ୍କ ଚପଲ ଉଠାଉଥିବା ଦେଖିବାକୁ ମିଳିଥିଲା।
ତେବେ କରିନାଙ୍କ ଏହି ଭିଡିଓ ଦେଖି ସୋସିଆଲ ମିଡିଆ ବ୍ୟବହାରକାରୀ ପ୍ରତିକ୍ରିୟା ଦେଇ ଲେଖିଛନ୍ତି, ‘କରିନା କ’ଣ ଆଲିଆ ଯେ ଚପଲ ଉଠାଇ ଦେବେ। ସେ ସେମିତି କରିବେ ନାହିଁ। ତାଙ୍କ ଇଗୋ ହଟ ହୋଇଯିବ।’
