ରାଜ୍ୟସଭା ଉପନିର୍ବାଚନ ଟ୍ଵିଷ୍ଟ : ସରିଲା ପ୍ରାର୍ଥୀପତ୍ର ଯାଞ୍ଚ୍, କାଏମ ରହିଲା ବିଜେପିର ୨ ପ୍ରାର୍ଥୀଙ୍କ ପ୍ରାର୍ଥିପତ୍ର

ଅଗଷ୍ଟ ୨୭ ତାରିଖ ପ୍ରାର୍ଥୀପତ୍ର ପ୍ରତ୍ୟାହାରର ଶେଷ ତାରିଖ ରହିଛି। ଆବଶ୍ୟକ ହେଲେ ୩ରେ ଭୋଟ୍ ହେବ।

ସୂଚନାନୁଯାୟୀ, ଜଗନ୍ନାଥ ପ୍ରଧାନ ଆଜି ରିଟର୍ଣ୍ଣିଂ ଅଫିସରଙ୍କ ପାଖକୁ ଯାଇଥିଲେ। ପ୍ରଶ୍ନ କରିବାରୁ ବ୍ୟକ୍ତିଗତ କାମରେ ଯାଇଥିବା କହିଥିଲେ। ସେହିପରି ବିଜେପିରେ ଫାଟ ବିଷୟରେ ପଚାରିବାରୁ ସେ ବିଷୟରେ କିଛି ଜାଣି ନଥିବା କହିଥିଲେ। ଗଣମାଧ୍ୟମ ପ୍ରତିନିଧି ବହୁଥର ପଚାରିବାରୁ ନୂଆ ସରକାର, ନୂଆ ଷ୍ଟ୍ରାଟେଜିରେ କାମ ହେବ। ଆଉ କଣ ୨୪ ବର୍ଷ ଭଳି ନା କଣ ବୋଲି କହିଥିଲେ।

ସେପଟେ ରାଜ୍ୟସଭା ପାଇଁ ବିଜେପିର ସ୍ଵାଧୀନ ପ୍ରାର୍ଥୀଙ୍କୁ ନେଇ ପ୍ରଶ୍ନ ଉଠାଇଲା ବିଜେଡି। ବିଧାୟକ ଅରୁଣ ସାହୁ ଏନେଇ କହିଛନ୍ତି ଯେ, ତାଙ୍କ ଦଳ ଭିତରେ ଭରସା ଓ ବିଶ୍ଵାସର ଅଭାବ ରହିଛି। ରାଜ୍ୟବାସୀଙ୍କ ଆଗରେ ଏହି ସ୍ଥିତି ସନ୍ଦେହ ସୃଷ୍ଟି କରିଛି। ଦ୍ୱିତୀୟ ପ୍ରାର୍ଥୀଙ୍କ ନାମାଙ୍କନ କ’ଣ ପାଇଁ ବିଜେପି ସ୍ପଷ୍ଟ କରୁ। ଦ୍ଵିତୀୟ ପ୍ରାର୍ଥୀ ପାଇଁ ପ୍ରସ୍ତାବକ ଥିବା ୧୦ ବିଧାୟକ ଦଳର ବିରୁଦ୍ଧରେ ଯାଇଛନ୍ତି। ତାଙ୍କ ବିରୁଦ୍ଧରେ ଦଳ କାର୍ଯ୍ୟାନୁଷ୍ଠାନ ନେବ କି ବୋଲି ପ୍ରଶ୍ନ କରିଛନ୍ତି ଅରୁଣ ସାହୁ।