ଅରୁଣାଚଳ ସୀମାରେ ଚୀନ-ପାକିସ୍ତାନର ଚକ୍ରାନ୍ତ ! ଏକାଠି ହେବେ ଚୀନ,ପାକ୍ ବୈଦେଶିକ ମନ୍ତ୍ରୀ – Utkal Mail
ଇସଲାମାବାଦ: ଚୀନ ଓ ପାକିସ୍ତାନ ଏବେ ଭାରତ ବିରୋଧରେ ଚକ୍ରାନ୍ତ କରିବା ଆରମ୍ଭ କରିଦେଲେଣି । ଅରୁଣାଚଳ ପ୍ରଦେଶ ସୀମା ନିକଟରେ ଥିବା ତିବ୍ବତର ଏକ ସ୍ଥାନରେ ଚୀନ ଏକ ସମ୍ମିଳନୀ ଆୟୋଜନ କରୁଛି । ତୃତୀୟ ଟ୍ରାନ୍ସ-ହିମାଳୟ ଫୋରମ ଫର ଇଣ୍ଟରନ୍ୟାସନାଲ କୋଅପରେସନ ମାଧ୍ୟମରେ ଏହି ସମ୍ମିଳନୀର ଆୟୋଜନ କରାଯାଉଛି । ସେଥିରେ ପାକିସ୍ତାନର ଅନ୍ତରୀଣ ବୈଦେଶିକ ମନ୍ତ୍ରୀ ଜଲିଲ ଅବ୍ବାସ ଜିଲାନୀ ଯୋଗ ଦେବାର କାର୍ଯ୍ୟକ୍ରମ ରହିଛି । ଏହି କାର୍ଯ୍ୟକ୍ରମ ପାଇଁ ଜିଲାନୀ ଖୁବଶୀଘ୍ର ଚୀନ ଗସ୍ତରେ ଯିବେ ।
ଅକ୍ଟୋବର ୪-୫ ରେ ତିବ୍ଦତ ସ୍ୱୟଂଶାସିତ ଅଞ୍ଚଳର ନିଙ୍ଗ୍ଚିଠାରେ ତୃତୀୟ ଟ୍ରାନ୍ସ-ହିମାଳୟ ଫୋରମ୍ ଫର୍ ଇଣ୍ଟରନ୍ୟାସନାଲ କୋଅପରେସନ୍ ଅନୁଷ୍ଠିତ ହେଉଛି। ଏହି ଅଞ୍ଚଳ ଭାରତର ଅରୁଣାଚଳ ପ୍ରଦେଶ ନିକଟରେ ଅବସ୍ଥିତ । ଏଥିରେ ଯୋଗ ଦେବାକୁ ଚୀନ୍ ବୈଦେଶିକ ମନ୍ତ୍ରୀ ୱାଙ୍ଗ୍ ୟି ପାକିସ୍ତାନ ବୈଦେଶିକ ମନ୍ତ୍ରୀ ଜିଲାନୀଙ୍କୁ ଆମନ୍ତ୍ରଣ କରିଛନ୍ତି ।
ଭୌଗୋଳିକ ଯୋଗାଯୋଗ, ପରିବେଶ ସୁରକ୍ଷା, ପରିବେଶ ସୁରକ୍ଷା ଏବଂ ସାଂସ୍କୃତିକ ସମ୍ପର୍କ ବୃଦ୍ଧି ସମେତ ବିଭିନ୍ନ ବିଷୟରେ ଆଞ୍ଚଳିକ ଦେଶମାନଙ୍କ ମଧ୍ୟରେ ବ୍ୟବହାରିକ ସହଯୋଗକୁ ଗଭୀର କରିବା ପାଇଁ ୨୦୧୮ରେ ଟ୍ରାନ୍ସ-ହିମାଳୟ ଫୋରମ ଆରମ୍ଭ କରାଯାଇଥିଲା । ୨୦୧୯ରେ ଫୋରମର ଶେଷ ବ୍ୟକ୍ତିଗତ ବୈଠକ ଅନୁଷ୍ଠିତ ହୋଇଥିଲା। ବିଗତ କିଛି ବର୍ଷ ଧରି ଏହା ଉପରେ ଚୀନ ଧ୍ୟାନ ଦେଉନଥିଲା, କିନ୍ତୁ ଏବେ ହଠାତ୍ ଏହାର ଏକ ବୈଠକ ଆୟୋଜନ କରାଯାଉଛି । ପୁଣି ଏହା ଅରୁଣାଚଳ ପ୍ରଦେଶ ସୀମାରେ ଆୟୋଜନ ହେଉଥିବାରୁ ଭାରତର ସଂଦେହ ବଢିଯାଇଛି ।
