କଂଗ୍ରେସର ଗୁରୁତ୍ବପୂର୍ଣ୍ଣ ବୈଠକ ଚାଲିଥିବା ବେଳେ କ୍ୟାଣ୍ଡିକ୍ରସ ଖେଳୁଛନ୍ତି ମୁଖ୍ୟମନ୍ତ୍ରୀ – Utkal Mail
ନୂଆଦିଲ୍ଲୀ: ଛତିଶଗଡରେ ବିଧାନସଭା ନିର୍ବାଚନ -୨୦୨୩ର ଘୋଷଣା ହୋଇଯାଇଛି। ବର୍ତ୍ତମାନ ଭୋଟଦାନ ପାଇଁ ମାତ୍ର ଅଳ୍ପ କିଛିଦିନ ବାକି ଅଛି।
ଆସନ୍ତା ମାସ ନଭେମ୍ବର ୭ ଓ ୧୭ରେ ଦୁଇଟି ପର୍ଯ୍ୟାୟରେ ମତଦାନ ହେବ। କିନ୍ତୁ ଏପର୍ଯ୍ୟନ୍ତ କଂଗ୍ରେସ ପ୍ରାର୍ଥୀଙ୍କ ପ୍ରଥମ ତାଲିକା ପ୍ରକାଶ ପାଇନାହିଁ। ନିର୍ବାଚନ ଘୋଷଣା ପରେ କଂଗ୍ରେସର ବୈଠକ ଆରମ୍ଭ ହୋଇଛି।
ମଙ୍ଗଳବାର ବିଳମ୍ବିତ ରାତି ପର୍ଯ୍ୟନ୍ତ କଂଗ୍ରେସର ସ୍କ୍ରିନିଂ କମିଟିର ବୈଠକ ଚାଲିଥିଲା। ଏହି ବୈଠକରେ ଛତିଶଗଡ଼ର ମୁଖ୍ୟମନ୍ତ୍ରୀ ଭୁପେଶ ବଘେଲ, ଥାନା ଅଧିକାରୀ କୁମାରୀ ଶୈଳଜା, ଉପମୁଖ୍ୟମନ୍ତ୍ରୀ ଟି ଏସ ସିଂହଦେବ ପ୍ରମୁଖ ଉପସ୍ଥିତ ଥିଲେ। ଯୋଗାଯୋଗ ବିଭାଗର ମୁଖ୍ୟ ସୁଶୀଲ ଆନନ୍ଦ ଶୁକ୍ଳା ବୈଠକର ଫଟୋ ଉତ୍ତୋଳନ କରୁଥିଲେ। ଏହି ସମୟରେ କେହି ଜଣେ ମୁଖ୍ୟମନ୍ତ୍ରୀ ଭୁପେଶ ବଘେଲଙ୍କ ଏକ ଫଟୋ ଉଠାଇ ଦେଇଥିଲେ। ଯେଉଁଥିରେ ମୁଖ୍ୟମନ୍ତ୍ରୀ ବୈଠକରେ କ୍ୟାଣ୍ଡି କ୍ରସ୍ ଖେଳୁଥିବା ଦେଖିବାକୁ ମିଳୁଛି। ଏହି ଘଟଣାର ଏକ ଫଟୋ ଓ ଭିଡିଓ ସାମାଜିକ ଗଣମାଧ୍ୟମରେ ଘୁରି ବୁଲୁଛି।
प्रदेश चुनाव समिति की बैठक में सीएम भूपेश बघेल की कैंडी क्रश खेलते हुए बीजेपी तस्वीर वायरल कर रही है.
लेकिन बड़ा सवाल ये है की मीडिया की एंट्री नहीं थी तो किसने ये वीडियो बनाया है?
@gyanendrat1 pic.twitter.com/0LcMPsM9F8
— Ravi Miri ABP News (@Ravimiri1) October 11, 2023
ଏହି ଘଟଣାକୁ ନେଇ ବିଜେପି ଆଇଟି ସେଲର ମୁଖ୍ୟ ଅମିତ ମାଲଭିଆ ଟ୍ୱିଟରରେ ଏହି ଫଟୋ ସେୟାର କରି ଲେଖିଛନ୍ତି,‘ ଛତିଶଗଡ ମୁଖ୍ୟମନ୍ତ୍ରୀ ଭୁପେଶ ବଘେଲ ମଧ୍ୟ ଆରାମରେ ବସିଛନ୍ତି, କାରଣ ସେ ଜାଣନ୍ତି ଯେ ଯେତେ ବି ପରିଶ୍ରମ କଲେ ମଧ୍ୟ ସରକାର ଆସିବ ନାହିଁ। ବୋଧହୁଏ ସେଥିପାଇଁ କଂଗ୍ରେସର ପ୍ରାର୍ଥୀ ଚୟନ ସହ ଜଡିତ ବୈଠକ ପ୍ରତି ସେ ଧ୍ୟାନ ଦେବା ପରିବର୍ତ୍ତେ କ୍ୟାଣ୍ଡି କ୍ରସ୍ ଖେଳିବା ଉଚିତ୍ ବୋଲି ଭାବିଥିଲେ।’
