ନୂଆଦିଲ୍ଲୀ : ବାଂଲାଦେଶରେ ହିଂସାତ୍ମକ ଛାତ୍ର ବିରୋଧ ପ୍ରଦର୍ଶନ ଦେଶବ୍ୟାପୀ ଅଶାନ୍ତି ଏବଂ ସେନା କ୍ଷମତା ନିଜ ହାତକୁ ନେବା ପରେ ପୂର୍ବତନ ପ୍ରଧାନମନ୍ତ୍ରୀ ଶେଖ ହସିନା ଭାରତ ଶରଣରେ ରହିଛନ୍ତି ।ସୂଚନାନୁସାରେ, ଶେଖ ହସିନା ଆସନ୍ତା କିଛି ଦିନ ପାଇଁ ଭାରତ ବାହାରକୁ ଯିବାର ସମ୍ଭାବନା ନାହିଁ, କାରଣ ତାଙ୍କର ଆଗାମୀ ଯାତ୍ରାକୁ ନେଇ ବାଧା ସୃଷ୍ଟି ହୋଇଛି
ପିଟିଆଇ ଅନୁଯାୟୀ ଅଧିକାରୀମାନେ କହିଛନ୍ତି ଯେ ପ୍ରଧାନମନ୍ତ୍ରୀ ପଦରୁ ଇସ୍ତଫା ଦେବାର କିଛି ଘଣ୍ଟା ପରେ ସୋମବାର ସନ୍ଧ୍ୟା ପ୍ରାୟ ୫ଟା ସମୟରେ ହିଣ୍ଡନ ଏୟାରବେସରେ ଅବତରଣ କରିଥିବା ଶେଖ ହସିନାଙ୍କୁ ଅଜ୍ଞାତ ସ୍ଥାନକୁ ନିଆଯାଇଥିଲା ଏବଂ ତାଙ୍କୁ କଡା ସୁରକ୍ଷା ଅଧୀନରେ ରଖାଯାଇଛି। ଶେଖ ହସିନା ଭାରତରୁ ଲଣ୍ଡନ ଯିବାର କାର୍ଯ୍ୟକ୍ରମ ରହିଥିଲା । କିନ୍ତୁ ବର୍ତ୍ତମାନ ସେ ଅନ୍ୟ ଏକ ବିକଳ୍ପ ଉପରେ ବିଚାର କରୁଛନ୍ତି କାରଣ ବ୍ରିଟିଶ ସରକାର ସୂଚିତ କରିଛନ୍ତି ଯେ ସେ କୌଣସି ସମ୍ଭାବ୍ୟ ତଦନ୍ତ ବିରୋଧରେ ବ୍ରିଟେନରେ ଆଇନଗତ ସୁରକ୍ଷା ଦିଆଯାଇପାରି
ସୂଚନାନୁସାରେ, ଶେଖ ହସିନା ଭାରତ ଦେଇ ଲଣ୍ଡନ ଯିବାକୁ ଯୋଜନା କରିଥିଲେ, ତାଙ୍କ ସହାୟକମାନେ ହିଣ୍ଡନରେ ପହଞ୍ଚିବା ପୂର୍ବରୁ ଭାରତୀୟ କର୍ତ୍ତୃପକ୍ଷଙ୍କୁ ଏହା ଜଣାଇଥିଲେ। ଶେଖ ହସିନା ଏକ ସି-୧୩୦ ଜେ ସାମରିକ ପରିବହନ ବିମାନରେ ହିଣ୍ଡନ ଏୟାରବେସରେ ଅବତରଣ କରିଥିଲେ। ଶେଖ ହସିନା ତାଙ୍କ ଭଉଣୀ ଶେଖ ରେହାନାଙ୍କ ସହ ଅସ୍ଥାୟୀ ଆଶ୍ରୟ ନେବାକୁ ଭାରତରୁ ଲଣ୍ଡନ ଯିବାକୁ ଯୋଜନା କରିଥିଲେ। କିନ୍ତୁ ବର୍ତ୍ତମାନ ବ୍ରିଟେନ ସରକାର ସୂଚାଇ ଦେଇଛନ୍ତି , ଯେ ବ୍ରିଟେନରେ ହୋଇଥିବା ବ୍ୟାପକ ହିଂସାତ୍ମକ ବିରୋଧର କୌଣସି ସମ୍ଭାବ୍ୟ ଅନୁସନ୍ଧାନରୁ ଶେଖ ହସିନା ଆଇନଗତ ସୁରକ୍ଷା ପାଇପାରିବେ ନାହିଁ।
