ଆଜିକାଲି ସାଇବର ଅପରାଧର ଅନେକ ମାମଲା ସାମ୍ନାକୁ ଆସୁଛି। KYC ଅପଡେଟ୍ ନାମରେ ଘଟୁଥିବା ଠକେଇରୁ ସାବଧାନ ରହିବାକୁ ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ (ଆରବିଆଇ) ଚେତାବନୀ ଦେଇଛି। ଆରବିଆଇ କହିଛି ଯେ ଯଦି କୌଣସି ବ୍ୟକ୍ତି ଏପରି ଠକାମୀର ଶିକାର ହୁଅନ୍ତି, ତେବେ ସେ ତୁରନ୍ତ ସାଇବର କ୍ରାଇମ ହେଲ୍ପଲାଇନ (୧୯୩୦) କିମ୍ବା ନ୍ୟାସନାଲ ସାଇବର କ୍ରାଇମ ରିପୋର୍ଟ ପୋର୍ଟାଲ (www.cybercrime.gov.in) ରେ ଅଭିଯୋଗ କରିବା ଉଚିତ। ଏହା ସହିତ ଆରବିଆଇ ମଧ୍ୟ କିଛି ସତର୍କତା ଜାରି କରିଛି। ଆସନ୍ତୁ ଏହା ବିଷୟରେ ଜାଣିବା…
ଆରବିଆଇ ଦ୍ୱିତୀୟ ଥର ଏଭଳି ଚେତାବନୀ ଦେଇଛି। ପୂର୍ଵରୁ ୨୦୨୧ ରେ କୋଭିଡ ଲକଡାଉନ୍ ସମୟରେ ଅନଲାଇନ୍ KYC ଠକେଇ ମାମଲା ବୃଦ୍ଧି ପରେ ଆରବିଆଇ ଏକ ସତର୍କତା ଜାରି କରିଥିଲା । ସେତେବେଳେ ଆରବିଆଇ KYC ପ୍ରକ୍ରିୟାକୁ ସରଳ କରିଥିଲା । ଆରବିଆଇ କହିଛି ଯେ KYC ଠକେଇ ମାମଲାରେ ଠକମାନେ ପ୍ରାୟତଃ ବ୍ୟକ୍ତିଗତ ସୂଚନା ପାଇଁ ଆକାଉଣ୍ଟ / ଲଗଇନ୍ , କାର୍ଡ ବିବରଣୀ, PIN କିମ୍ବା OTP ଗ୍ରାହକଙ୍କ ସହ ଅଂଶୀଦାର କରିବାକୁ କଲ, ମେସେଜ କିମ୍ବା ଇମେଲ ବ୍ୟବହାର କରନ୍ତି।
ଠକମାନେ ଗ୍ରାହକମାନଙ୍କୁ ବାର୍ତ୍ତା ମାଧ୍ୟମରେ ପଠାଯାଇଥିବା ଲିଙ୍କ ବ୍ୟବହାର କରି KYC ଅପଡେଟ କରିବାକୁ କୁହନ୍ତି। ଆଉ ଯଦି ଗ୍ରାହକମାନେ ଏହିପରି ସୂଚନା ଅଂଶୀଦାର କରନ୍ତି ତେବେ ଠକମାନେ ସେମାନଙ୍କ ଆକାଉଣ୍ଟକୁ ହ୍ୟାକ କରି ନିଅନ୍ତି ।
ଆରବିଆଇ କହିଛି,ଯେତେବେଳେ ଗ୍ରାହକମାନେ ବ୍ୟକ୍ତିଗତ କିମ୍ବା ଲଗଇନ୍ ବିବରଣୀ ଅଂଶୀଦାର କରନ୍ତି, ଠକମାନେ ସେମାନଙ୍କ ଆକାଉଣ୍ଟକୁ ପ୍ରବେଶ କରନ୍ତି । ତେଣୁ କେବେ କାହାରି ସହିତ ନିଜର ବ୍ୟକ୍ତିଗତ ସୂଚନା ନ ଦେବା ଉଚିତ ।
ଫୋନ୍, ଇମେଲ୍ କିମ୍ବା ମେସେଜ ମାଧ୍ୟମରେ KYC ଅପଡେଟ୍ ପାଇଁ କେବେ କୌଣସି ବ୍ୟାଙ୍କ ସିଧାସଳଖ ସୂଚନା ମାଗେ ନାହିଁ ।
KYC ଅପଡେଟ ପାଇଁ ପାଇଁ କୌଣସି ଲିଙ୍କରେ କ୍ଲିକ୍ କରନ୍ତୁ ନାହିଁ କିମ୍ବା କୌଣସି ଆପ୍ ଡାଉନଲୋଡ୍ କରନ୍ତୁ ନାହିଁ ।
ଆପଣଙ୍କର PIN, OTP, UPI PIN କିମ୍ବା ଅନ୍ୟାନ୍ୟ ସୂଚନା କାହା ସହିତ ସେୟାର କରନ୍ତୁ ନାହିଁ ।
କୌଣସି ସନ୍ଦେହଜନକ କାର୍ଯ୍ୟକଳାପ ଆପଣଙ୍କ ମନରେ ଉଙ୍କି ମାରିଲେ ସିଧାସଳଖ ଆପଣଙ୍କ ବ୍ୟାଙ୍କକୁ ରିପୋର୍ଟ କରନ୍ତୁ ।
ଅଭିଯୋଗ କରିବେ କିପରି:
ତେବେ ସାଇବର ଠକେଇ ରୁ ବର୍ତ୍ତିବା ପାଇଁ ଆପଣ ଜାତୀୟ ସାଇବର ଅପରାଧ ରିପୋର୍ଟ ପୋର୍ଟାଲ (www.cybercrime.gov.in) ପରିଦର୍ଶନ କରନ୍ତୁ ।
ନଚେତ ସାଇବର କ୍ରାଇମ୍ ହେଲ୍ପଲାଇନକୁ (୧୯୩୦) କଲ୍ କରନ୍ତୁ ।
