ଭଦ୍ରକ: ଚତୁର୍ଥୀ ଭୋଜି ଖାଇ ଘରକୁ ଫେରୁଥିବା ବେଳେ ରାସ୍ତାରେ ଓଲଟିଲା ବୋଲେରୋ । ୧୨ ଜଣ ଆହତ । ଭଦ୍ରକ ଜିଲ୍ଲା ବାସୁଦେବପୁର ଜାମୁଝାଡି ରାସ୍ତାର ବେତଡା ଛକ ନିକଟରେ ଦୁର୍ଘଟଣା ଘଟିଛି । ବୋଲେରୋ ଓଲଟିବାରୁ ୧୨ ଜଣ ଯାତ୍ରୀ ଆହତ ହୋଇଥିବା ବେଳେ ଚିକିତ୍ସା ପାଇଁ ମେଡିକାଲରେ ଭର୍ତ୍ତି ହୋଇଛନ୍ତି । ଚୂଡ଼ାମଣି ହାଟ ନିକଟରୁ ବୁଦ୍ଧିରାମ ବିଶ୍ୱାଳଙ୍କ ଝିଅର ଚତୁର୍ଥୀ ଭାର ନେଇ ବୋଲେରୋରେ ରାଜକନିକା ଓଳାଭର ଯାଇଥିଲେ ।
ଚତୁର୍ଥୀ ଭୋଜି ଖାଇ ଘରକୁ ଫେରୁଥିବା ସମୟରେ ବେତଡା ଛକ ନିକଟରେ ଡ୍ରାଇଭର ଭାରସାମ୍ୟ ହରାଇବାରୁ ଗାଡ଼ି ନୟନଜୋରୀକୁ ଓଲଟି ପଡ଼ିଥିଲା । ଆହତଙ୍କୁ ଉଦ୍ଧାର କରି ତୁରନ୍ତ ବାସୁଦେବପୁର ମେଡିକାଲରେ ଭର୍ତ୍ତି କରାଯାଇଥିଲା । ୩ ଜଣଙ୍କ ଅବସ୍ଥା ଗୁରୁତର ଥିବାରୁ ସେମାନଙ୍କୁ ଅଧିକ ଚିକିତ୍ସା ପାଇଁ ଭଦ୍ରକ ଓ କଟକକୁ ସ୍ଥାନାନ୍ତର କରାଯାଇଛି ।
