ୱାସିଂଟନ: ଆମେରିକା ରାଷ୍ଟ୍ରପତି ଜୋ ବାଇଡେନ ଶୁକ୍ରବାର କହିଛନ୍ତି ଯେ ଜର୍ଜିଆରେ ୨୦୨୦ ରାଷ୍ଟ୍ରପତି ନିର୍ବାଚନକୁ ବାତିଲ କରିବାକୁ ଉଦ୍ୟମ କରିଥିବା ଅଭିଯୋଗରେ ଦୋଷୀ ସାବ୍ୟସ୍ତ ହୋଇ କିଛି ସମୟ ପାଇଁ ଗିରଫ ହୋଇଥିବା ଡୋନାଲ୍ଡ ଟ୍ରମ୍ପଙ୍କ ‘ମଗ୍ ସଟ୍’ (ପୁଲିସ ରେକର୍ଡ ପାଇଁ ଉଠାଯାଇଥିବା ମୁହଁର ଫଟୋ)ରେ ସେ ଜଣେ ସୁନ୍ଦର ବ୍ୟକ୍ତି ପରି ଦେଖାଯାଉଥିଲେ।
ଟାହୋ ହ୍ରଦର ଏକ ବ୍ୟାୟାମ କ୍ଲାସରୁ ବାହାରିବା ପରେ ବାଇଡେନ ସାମ୍ବାଦିକମାନଙ୍କୁ ହସି ହସି ଟ୍ରମ୍ପଙ୍କ ଫଟୋ ଉପରେ ମନ୍ତବ୍ୟ ଦେଇ କହିଥିଲେ, ‘ସୁନ୍ଦର ଲୋକ, ଚମତ୍କାର ଲୋକ’ (ହ୍ୟାଣ୍ଡସମ୍ ଗାୟ, ଓଣ୍ଡରଫୁଲ ଗାୟ)। ତେବେ ବାଇଡେନ୍ ଟ୍ରମ୍ପଙ୍କ ଆଇନଗତ ସମସ୍ୟା ଉପରେ ମନ୍ତବ୍ୟ ଦେବାରୁ ଦୂରେଇ ରହିଥିଲେ। ହ୍ୱାଇଟ୍ ହାଉସ୍ ଅଧିକାରୀମାନେ କହିଛନ୍ତି ଯେ ସେମାନେ ନ୍ୟାୟିକ ସ୍ୱାଧୀନତା ବଜାୟ ରଖିବାକୁ ଚାହୁଛନ୍ତି। ଜର୍ଜିଆରେ ତାଙ୍କ ମାମଲା ବ୍ୟତୀତ ଟ୍ରମ୍ପ ଉଭୟ ନିର୍ବାଚନ ହସ୍ତକ୍ଷେପ ଏବଂ ଗୋପନୀୟ ଦସ୍ତାବିଜ ପରିଚାଳନା ସମ୍ବନ୍ଧୀୟ ଆପରାଧିକ ଅଭିଯୋଗର ସମ୍ମୁଖୀନ ହେଉଛନ୍ତି।
