ଏଥର ‘ବିଗ୍ବସ୍’ରେ ଅର୍ମାନ-ପାୟଲଙ୍କ ବ୍ୟତୀତ ନଜର ଆସିବେ ଆହୁରି ଅନେକ ୟୁଟ୍ୟୁବର୍ – Utkal Mail
ମୁମ୍ବାଇ: ଶୁଣଯାଉଛି ଏଥର ‘ବିଗ୍ବସ୍’ ବେଶ୍ ମଜାଦାର ହେବ। କାରଣ ସୋ’ରେ ଅନେକ ମଜାଦାର ବ୍ୟକ୍ତିତ୍ବଙ୍କୁ ଦେଖିବାକୁ ମିଳିବ। ‘ବିଗ୍ବସ୍’ରେ ଚଳିତବର୍ଷ ୟୁଟ୍ୟୁବର୍ସମାନଙ୍କୁ ବେଶି ପ୍ରାଧାନ୍ୟ ଦିଆଯାଇଛି। ଏକାସାଥୀରେ ଅନେକ ୟୁଟ୍ୟୁବର୍ସ ସୋ’ରେ ନଜର ଆସିବେ ବୋଲି ଶୁଣିବାକୁ ମିଳୁଛି।
ଏହି ତାଲିକାର ପ୍ରଥମ ନାମ ହେଉଛି ୟୁଟ୍ୟୁବର୍ ଅରମାନ୍ ମଲିକ। ରିପୋର୍ଟରେ ଦର୍ଶାଯାଇଛି ଯେ ଅରମାନ୍ ମଲିକ ତାଙ୍କର ପ୍ରଥମ ପତ୍ନୀ ପାୟଲଙ୍କ ସହ ସଲମାନ ଖାନଙ୍କ ସୋ’ରେ ପ୍ରବେଶ କରିବେ।
ଅରମାନଙ୍କ ପରି ତାଙ୍କ ପତ୍ନୀ ପାୟଲ ମଲିକ ମଧ୍ୟ ବହୁତ ପ୍ରସିଦ୍ଧ। ପାୟଲ୍ ନିଜର ଏକ ବ୍ଲଗ୍ ଚଲାନ୍ତି, ଯାହାର ଲକ୍ଷ ଲକ୍ଷ ଫଲୋୟର୍ସ ଅଛନ୍ତି। ପାୟଲ ‘‘ବିଗ୍ବସ୍’ ଘରେ ମଧ୍ୟ ତାଙ୍କ ଦେଶୀ ଶୈଳୀ ଦେଖାଇ ସଭିଙ୍କ ମନ ମୋହିବେ ବୋଲି ଅନୁମାନ କରାଯାଉଛି।
ୟୁକେ ରାଇଡର୍ ଭାବରେ ପ୍ରସିଦ୍ଧ ଅନୁରାଗ ଡୋଭାଲ୍ ମଧ୍ୟ ସଲମାନ ଖାନଙ୍କ ସୋ’ର ଏକ ଅଂଶ ହୋଇପାରନ୍ତି। ଜାଣିଥାନ୍ତୁ ଯେ ଅନୁରାଗଙ୍କୁ ପୂର୍ବରୁ ‘ବିଗ୍ ବସ୍ ଓଟିଟି ୨’ ପାଇଁ ମଧ୍ୟ ଅଫର ମଧ୍ୟ ମିଳିସାରିଛି।
ଏହି ତାଲିକାରେ ‘ବିଗ୍ ବସ୍ ଓଟିଟି ୨’ ବିଜେତା ଏଲଭିଶ ଯାଦବଙ୍କ ପୂର୍ବତନ ପ୍ରେମିକା କିର୍ତ୍ତୀ ମେହେରାଙ୍କ ନାମ ମଧ୍ୟ ଅନ୍ତର୍ଭୁକ୍ତ। କିର୍ତ୍ତୀ ନିଜେ ତାଙ୍କ ବ୍ଲଗ୍ରେ ଏ ସଂପର୍କରେ ସୂଚନା ଦେଇଛନ୍ତି।
ୟୁଟ୍ୟୁବର ସମ୍ରାଟ ଗୌର୍ ମଧ୍ୟ ‘ବିଗ୍ ବସ୍-୧୭’ ରେ ନଜର ଆସିପାରନ୍ତି। ରିପୋର୍ଟରେ ଦାବି କରାଯାଇଛି ଯେ ସମ୍ରାଟ ଗୌର୍ ତାଙ୍କ ବୁଦ୍ଧିରେ ବାଜିମାତ କରିବେ।
ୟୁଟ୍ୟୁବର୍ ହର୍ଷ ବେନିୱାଲଙ୍କ ନାମ ତ ଆପଣ ଶୁଣିଥିବେ ନିଶ୍ଚୟ। ‘ବିଗ୍ ବସ୍-୧୭’ ପାଇଁ ଦୀର୍ଘ ସମୟ ଧରି ତାଙ୍କ ନାମ ଆଲୋଚନା ହେଉଛି। ଖବର ଅନୁଯାୟୀ ହର୍ଷ ସଲମାନ ଖାନଙ୍କ ଏହି ସୋ’ର ଏକ ଅଂଶ ହୋଇପାରନ୍ତି।
‘ବିଗ୍ ବସ୍-୧୭’ ରେ ପ୍ରବେଶ ପାଇଁ ଦୀପିକା କକ୍କରଙ୍କ ନଣନ୍ଦ ସବା ଇବ୍ରାହିମଙ୍କ ନାମ ମଧ୍ୟ ଆସୁଛି। ଆସନ୍ତୁ ଆପଣଙ୍କୁ କହିବା ଯେ ସବା ଇବ୍ରାହିମ୍ ଜଣେ ପ୍ରସିଦ୍ଧ ୟୁଟ୍ୟୁବର୍, ଯିଏକି ଅନେକ ଲୋକଙ୍କ ହୃଦୟ ଜିତିଛନ୍ତି।
