ବ୍ରହ୍ମପୁର: ବଡ଼ ବଜାର ଥାନା ଅନ୍ତର୍ଗତ ବିନାୟକ ଆଚାର୍ଯ୍ୟ କଲେଜର ଏକ ଭିଡିଓ ଭାଇରଲ ହୋଇଛି । କଲେଜର କିଛି ଛାତ୍ରଛାତ୍ରୀ ଉକ୍ତ କଲେଜର ଅନ୍ୟ ଏକ ଛାତ୍ରୀଙ୍କୁ ରାଗିଂ କରିବା ସହ ଦୁର୍ବ୍ୟବହାର, ଅଶ୍ଳୀଳ ଭାଷା ପ୍ରୟୋଗ କରି ଗାଳି ଦେବା ଏବଂ ମାନସିକ ନିର୍ଯାତନା ଦେଉଥିବା ଭଳି ଏକ ଭିଡ଼ିଓ ଭାଇରାଲ ହୋଇଛି ।
ଏହି ଘଟଣାରେ ବଡ଼ ବଜାର ଥାନା ପୋଲିସ ହରଡ଼ାଖଣ୍ଡି ସ୍ଥିତ ଶାନ୍ତି ନଗର ଅଭିଷେକ ନାୟକଙ୍କୁ ଗିରଫ କରିଥିବା ଜଣାପଡିଛି । ଏଥିରେ ସମ୍ପୃକ୍ତ ଥିବା ଅନ୍ୟ ଛାତ୍ରଛାତ୍ରଙ୍କ ଉପରେ ପଦକ୍ଷେପ ନିଆଯିବ ବୋଲି ପୋଲିସ ପକ୍ଷରୁ ସୂଚନା ମିଳିଛି । ଗିରଫ ହୋଇଥିବା ଛାତ୍ରଙ୍କୁ କଲେଜରୁ ବାହାର କରିବା ପାଇଁ ପୋଲିସ କଲେଜ କର୍ତ୍ତୁପକ୍ଷଙ୍କୁ ନିବେଦନ କରିବ ବୋଲି ବ୍ରହ୍ମପୁର ଏସପି ସୂଚନା ଦେଇଛନ୍ତି ।
