ସାମ୍ନାକୁ ଆସିଲା ‘କୁବୁଲ ହେ’ ଫେମ୍ ସୁରଭି ଜ୍ୟୋତିଙ୍କ ହଳଦୀ ସେରିମନିର ଝଲକ, ଭାଇରାଲ ହେଉଛି ଫଟୋ

ଅକ୍ଟୋବର ୨୭ ରେ, ସୁରଭି ଜ୍ୟୋତି ତାଙ୍କର ମଜା ମସ୍ତି ସହ ସେଲିବ୍ରେଟ କରୁଥିବା ହଳଦୀ ସେରେମନିର ଏକ ସୁନ୍ଦର ଝଲକ ସେୟାର କରିଥିଲେ । ଏହି ଫଟୋ ଭାଇରାଲ ହେବା ପରେ ସୁରଭିଙ୍କ ଫ୍ୟାନ୍ସମାନେ ଏହି ଦମ୍ପତିଙ୍କୁ ଅଭିନନ୍ଦନ ଜଣାଇଛନ୍ତି । ସୁରଭି ଜ୍ୟୋତି ତାଙ୍କ ଇନଷ୍ଟାଗ୍ରାମ ହ୍ୟାଣ୍ଡେଲରେ ଏହି ସବୁ ସେରେମନିର ଫଟୋ ସେୟାର କରିଛନ୍ତି, ଯେଉଁଥିରେ ସୁରଭି ଏକ ହଳଦିଆ ରଙ୍ଗର ଏଥନିକ୍ ଡ୍ରେସ ପିନ୍ଧିଥିଲେ ଏବଂ ସୁମିତ ସୁରି ଏକ ହାଲକା ଗୋଲାପୀ ରଙ୍ଗର କୁର୍ତ୍ତା ପିନ୍ଧିଥିବାର ନଜର ଆସିଛନ୍ତି । କ୍ୟାପସନରେ ଲେଖା ଅଛି, ‘ୟେଲୋ ଲଭ୍ ଅଫେୟାର ।’

ଫ୍ୟାନ୍ସମାନେ ଅଭିନେତ୍ରୀଙ୍କ ଫଟୋ ଉପରେ ଅନେକ ପ୍ରତିକ୍ରିୟା ଦେଉଛନ୍ତି ଏବଂ ତାଙ୍କୁ ପ୍ରଶଂସା ମଧ୍ୟ କରୁଛନ୍ତି । ମେହେନ୍ଦି ସେରେମନି ପାଇଁ ଟିଭି ଅଭିନେତ୍ରୀ ସୁରଭି ଜ୍ୟୋତି ଏକ ଏମ୍ବ୍ରୋଡୋରେଡ୍ ସବୁଜ ରଙ୍ଗର ସାଲୱାର୍ ସୁଟ୍ ପିନ୍ଧିଥିଲେ, ଯାହା ଏକ ନେଟ୍ ଡୁପାଟ୍ଟା ସହିତ ପେୟାର ହୋଇଥିଲା । ଲୁକ୍ କମ୍ପ୍ଲିଟ କରିବା ପାଇଁ ସେ ସୁନାର ଝୁମକା ଏବଂ ମାଙ୍ଗ୍ ଟିକ୍କା ପିନ୍ଧିଥିଲେ । ଏହି ବିଶେଷ ଦିନରେ ସୁମିତ ସୁରୀ ଏକ ସବୁଜ ରଙ୍ଗର କୁର୍ତ୍ତା ପିନ୍ଧିଥିଲେ । ପ୍ରଥମ ଫଟୋରେ, ‘କୁବୁଲ୍ ହେ’ ଫେମ୍ ସୁରଭି ଜ୍ୟୋତି ସୁମିତଙ୍କ ସହ ମେହେନ୍ଦୀ ସଜାଯାଇଥିବା ହାତରେ ମଜା ମସ୍ତି କରୁଥିବାର ନଜର ଆସିଛନ୍ତି ।

‘ନାଗିନ୍-୩’ ବ୍ୟତୀତ ସୁରଭି ଅନେକ ପପ୍ୟୁଲାର୍ ଟିଭି ସୋ’ ରେ କାମ କରିଛନ୍ତି ଯେଉଁଥିପାଇଁ ସେ ବହୁତ ଲୋକପ୍ରିୟତା ମଧ୍ୟ ହାସଲ କରିଛନ୍ତି । ଏହାବ୍ୟତୀତ ସେ ପଞ୍ଜାବୀ ଫିଲ୍ମରେ ମଧ୍ୟ କାମ କରିସାରିଛନ୍ତି । ଲୋକପ୍ରିୟ ଟିଭି ଅଭିନେତ୍ରୀ ସୁରଭି ଜ୍ୟୋତି ଅକ୍ଟୋବର ୨୭ ରେ ଉତ୍ତରାଖଣ୍ଡର ଜିମ କର୍ବେଟର ହାନା ବିଳାସପୂର୍ଣ୍ଣ ରିସର୍ଟରେ ବିବାହ କରିବାକୁ ଯାଉଛନ୍ତି । ଏହାପୂର୍ବରୁ ସେମାନେ ଚଳିତ ବର୍ଷ ମାର୍ଚ୍ଚରେ ବିବାହ କରିବାକୁ ପ୍ଲାନିଂ କରିଥିଲେ, କିନ୍ତୁ ନିଜ ପସନ୍ଦର ସ୍ଥାନ ନ ପାଇବା ଯୋଗୁଁ ସେମାନଙ୍କୁ ବିବାହ ସ୍ଥଗିତ ରଖିବାକୁ ପଡିଲା ।