ବ୍ୟବସାୟ

ସହଜରେ ମିଳୁଥିବା ପ୍ୟାକେଟ୍‌ ଖାଦ୍ୟ ଖାଉଛନ୍ତି: ଗ୍ରାମୀଣ ଆହାରରେ ପୁଷ୍ଟିସାର କମ୍, ଶର୍କରା ଅଧିକ – Utkal Mail


ହାଇଦ୍ରାବାଦ: ଗ୍ରାମାଞ୍ଚଳର ଲୋକମାନେ କମ୍‌ ପ୍ରୋଟିନ (ପୁଷ୍ଟିସାର) ଥିବା ଖାଦ୍ୟ ଖାଉଛନ୍ତି। ସେମାନଙ୍କ ଆହାରରେ ଶ୍ବେତସାର ଓ ଶର୍କରା ତତ୍ତ୍ବ ଅଧିକ ରହୁଛି ବୋଲି ଏକ ସର୍ବେକ୍ଷଣରୁ ଜଣାପଡ଼ିଛି। ଇଣ୍ଟରନ୍ୟାସନାଲ୍‌ କ୍ରପ୍‌ସ ରିସର୍ଚ୍ଚ ଇନଷ୍ଟିଚ୍ୟୁଟ୍‌ ଫର୍‌ ଦି ସେମି ଆରିଡ୍‌ ଟ୍ରୋପିକ୍ସ (ଆଇସିଆର୍‌ଆଇଏସ୍‌ଏଟି)ର ସର୍ବେକ୍ଷଣରୁ ଜଣାପଡ଼ିଛି ଯେ ଶସ୍ତା ଓ ସୁବିଧାରେ ମିଳୁଥିବାରୁ ଅଧିକାଂଶ ଲୋକ ଶ୍ବେତସାର ଖାଉଛନ୍ତି। ସେହିପରି ଦୋକାନରେ ସୁବିଧାରେ ମିଳିଯାଉଥିବାରୁ ପ୍ୟାକେଟ୍‌ରେ ଆସୁଥିବା ଶର୍କରା ଖାଦ୍ୟକୁ ମଧ୍ୟ ସେମାନେ ଅଧିକ ଖାଉଛନ୍ତି।

ଏହି ସର୍ବେକ୍ଷଣ ରିପୋର୍ଟରେ ଗ୍ରାମୀଣ ସ୍ବାସ୍ଥ୍ୟ ସମସ୍ୟା ଉପରେ ଆଲୋକପାତ କରାଯାଇଥିବା ବେଳେ ମେଦବହୁଳତା ଓ ଅପପୁଷ୍ଟିର କାରଣ ବିଷୟରେ ଅବଗତ କରାଯାଇଛି। ‌ତେଲେଙ୍ଗାନାର ଗ୍ରାମାଞ୍ଚଳରେ କରାଯାଇଥିବା ଏହି ସର୍ବେକ୍ଷଣ ଅନୁଯାୟୀ ପୁଷ୍ଟିକର ଓ ପାରମ୍ପରିକ ଖାଦ୍ୟ ବ୍ୟବସ୍ଥାର ଅଭାବ ରହିଛି। ଯେଉଁମାନେ ଗାଁରୁ ସହରକୁ ଯାଉଛନ୍ତି ସେମାନେ ମଧ୍ୟ ପ୍ୟାକେଟ୍‌ରେ ମିଳୁଥିବା ଖାଦ୍ୟର ଲୋଭନୀୟ ବିଜ୍ଞାପନରେ ଆକର୍ଷିତ ହୋଇ ନିଜ ଖାଦ୍ୟାଭ୍ୟାସ ବଦଳାଉଛନ୍ତି। ଲୋକମାନଙ୍କ ପାଖରେ ଯେଭଳି ସହଜରେ ଓ ସୁବିଧାରେ ପୁଷ୍ଟିକର ଖାଦ୍ୟ ଓ ମିଲେଟ୍ ଆଦି ପହଞ୍ଚିପାରିବ ସେଥିପାଇଁ ଖାଦ୍ୟ ପ୍ରକ୍ରିୟାକରଣ ଶିଳ୍ପ ସହିତ ମିଳିମିଶି କାର୍ଯ୍ୟ କରିବାର ଆବଶ୍ୟକତା ରହିଛି। ଗ୍ରାମାଞ୍ଚଳରେ ବଢ଼ୁଥିବା ମେଦବହୁଳତା ଓ ଅପପୁଷ୍ଟି ସମସ୍ୟା ଦୂର କରିବା ଲାଗି ପୋଷଣ ଓ ପାରମ୍ପରିକ ଖାଦ୍ୟ ଭିତରେ ଏକ ସନ୍ତୁଳନ ରକ୍ଷା କରିବାର ଆବଶ୍ୟକତା ରହିଛି ବୋଲି ରିପୋର୍ଟରେ କୁହାଯାଇଛି। ସ୍ଥାନୀୟ ଅଞ୍ଚଳରେ ଚାଷ ହେଉଥିବା ପୁଷ୍ଟିକର ଖାଦ୍ୟ ଖାଇବା ଲାଗି ଲୋକମାନଙ୍କୁ ସଚେତନ କରିବା ଲାଗି ରିପୋର୍ଟରେ ପରାମର୍ଶ ଦିଆଯାଇଛି। ଅପପୁଷ୍ଟି ଓ ମେଦବହୁଳତା ସମସ୍ୟା ଦୂର କରିବାରେ ପାରମ୍ପରିକ ଚାଷ ପଦ୍ଧତି ଓ ସ୍ଥାନୀୟ ବଜାରର ଗୁରୁତ୍ବପୂର୍ଣ୍ଣ ଭୂମିକା ରହିଛି। ଏନେଇ ଗ୍ରାମାଞ୍ଚଳରେ ବସବାସ କରୁଥିବା ଲୋକମାନଙ୍କ ଭିତରେ ସଚେତନତା ବଢ଼ାଇବା ଲାଗି ଉଦ୍ୟମ ହେବା ଦରକାର ବୋଲି କୁହାଯାଇଛି।




utkalmailtv

Related Articles

Leave a Reply

Your email address will not be published. Required fields are marked *

Back to top button