ମୁମ୍ବାଇ: ମହାରାଷ୍ଟ୍ର ମନ୍ତ୍ରୀ ଗୁଲାବରାଓ ପାଟିଲ ଶନିବାର ମହିଳାମାନଙ୍କୁ ଅଜବ ଉପଦେଶ ଦେଇଛନ୍ତି। ସେ କହିଛନ୍ତି ଯେ ମହିଳାମାନେ ନିଜ ପର୍ସରେ ପାଉଡର, ଲିପଷ୍ଟିକ୍ ସହିତ ଏକ ଛୁରୀ ଏବଂ ଚିଲି ପାଉଡର(ଲଙ୍କା ଗୁଣ୍ଡ) ରଖିବା ଉଚିତ୍ | ଅନ୍ତର୍ଜାତୀୟ ମହିଳା ଦିବସ ଅବସରରେ ଏକ କାର୍ଯ୍ୟକ୍ରମକୁ ସମ୍ବୋଧିତ କରି ବରିଷ୍ଠ ଶିବସେନା ନେତା ମହିଳା ସଶକ୍ତିକରଣ ପାଇଁ ସରକାର ଗ୍ରହଣ କରିଥିବା ପଦକ୍ଷେପ ଉପରେ ଆଲୋକପାତ କରିଛନ୍ତି, ଯେଉଁଥିରେ ଏମଏସଆରଟିସି ବସ୍ ଭଡାରେ ୫୦ ପ୍ରତିଶତ ହ୍ରାସ ଏବଂ ବାଳିକାମାନଙ୍କ ପାଇଁ ମାଗଣା ଶିକ୍ଷା ସାମିଲ କରାଯାଇଛି। ସେ କହିଛନ୍ତି, “ଯଦିଓ ଆମେ ମହିଳା ସଶକ୍ତିକରଣ ବିଷୟରେ କଥା ହେଉ, ଆଜି ମଧ୍ୟ ଖରାପ ଘଟଣା ଘଟୁଛି।
ଯେତେବେଳେ ଆମେ ଶିବସେନା ମୁଖ୍ୟ (ବାଲ ଠାକରେ) ଙ୍କ ଚିନ୍ତାଧାରାରେ ଅନୁପ୍ରାଣିତ ହୋଇଥିଲୁ, ସାମ୍ବାଦିକମାନେ ଏଥିପାଇଁ ତାଙ୍କୁ (ବାଲ ଠାକରେ) କଡ଼ା ସମାଲୋଚନା କରିଥିଲେ କାରଣ ସେ କହିଥିଲେ ଯେ ମହିଳାମାନେ ସେମାନଙ୍କ ପର୍ସରେ ଲିପଷ୍ଟିକ୍ ସହିତ ଚିଲି ପାଉଡର ଏବଂ ରାମପୁରୀ ଛୁରୀ ରଖିବା ଉଚିତ୍।
ପାଟିଲ କହିଛନ୍ତି, କିଛି ପରିବର୍ତ୍ତନ ହୋଇନାହିଁ, ପରିସ୍ଥିତି ଆଜି ବି ସମାନ। ମୁଁ ଆଜିର ମହିଳାମାନଙ୍କୁ ଅନୁରୋଧ କରୁଛି ଯେ ଆତ୍ମରକ୍ଷା ପାଇଁ ଏହିପରି ସାମଗ୍ରୀ ରଖନ୍ତୁ |
