ଟୋକିଓ : ଜାପାନର ପ୍ରଧାନମନ୍ତ୍ରୀ ଭାବେ ସୋମବାର ପୁନଃ ନିର୍ବାଚିତ ହୋଇଥିବା ସିଗେରୁ ଇସିବା ସଂସଦରେ ଢୁଳଉଥିବାର ଦୃଶ୍ୟ ଜାତୀୟ ରାଜନୀତିରେ ହଟଚମଟ ସୃଷ୍ଟି କରିଛି। ଏହାକୁ ନେଇ ବିବାଦ ସୃଷ୍ଟି ହେବାରୁ ତାଙ୍କ ଠାରୁ କୈଫିୟତ ତଲବ କରାଯାଇଛି।
ସଂସଦର ହାଉସ୍ ଅଫ୍ ରିପ୍ରେଜେଣ୍ଟେଣ୍ଟିଭ୍’ର ଅଧିବେଶନ ଚାଲିଥିଲା ବେଳେ ଇସିବା ଢୁଳଉଥିବା ଦେଖାଯାଇଥିଲା।
ଏହାର ଭିଡିଓ କିଛି ସମୟ ମଧ୍ୟରେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଥିଲା। ଏହାକୁ ନେଇ ସଂସଦୀୟ କର୍ତ୍ତୃପକ୍ଷଙ୍କ ପକ୍ଷରୁ ଇସିବାଙ୍କୁ କୈଫିୟତ୍ ମଗାଯାଇଛି। ତେବେ ଇସିବା ପୂର୍ବଦିନ ବିଳମ୍ବିତ ରାତି ଯାଏ କାର୍ଯ୍ୟ କରୁଥିବାରୁ ତାଙ୍କୁ ନିଦ ଆସିଥାଏପାରେ ବୋଲି କ୍ୟାବିନେଟ୍ ସଚିବଙ୍କ ପକ୍ଷରୁ କୁହାଯାଇଛି। କିନ୍ତୁ ଜାପାନବାସୀ ଏହାକୁ ସହଜରେ ଗ୍ରହଣ କରିପାରି ନାହାନ୍ତି। ସେମାନେ ଇସିବାଙ୍କ ସ୍ବାସ୍ଥାବସ୍ଥାକୁ ନେଇ ପ୍ରଶ୍ନ ଉଠାଇଛନ୍ତି।
