ଯାଜପୁର , ତା୨୩ା୦୮ : ଯାଜପୁର ଜିଲ୍ଲା ବଡଚଣା ବ୍ଳକ ଅନ୍ତର୍ଗତ ଚଣ୍ଡିତଳ ଗ୍ରାମର ଅଜୟ ଦାସଙ୍କ ବାଡିରୁ ଗତ ୧୯ ତାରିଖ (ଶୁକ୍ରବାର) ଦିନ ବହୁ ମୂଲ୍ୟବାନ ଶାଗୁଆନୀ ଗଛ ଏବଂ ୪୦ରୁ ଉର୍ଦ୍ଧ୍ୱ ବାଁଉସ ଗଛକୁ ହାଣି ସେହି ଗ୍ରାମର ଜଣେ ଦୁର୍ବୁତ ଚୋରି କରିନେଇଛନ୍ତି । ସୂଚନାଯୋଗ୍ୟ, ସବୁଦିନ ଭଳି ଅଜୟ ନିଜ ବାଡିରେ ଲଗାଇଥିବା ବିଭିନ୍ନ ପ୍ରକାରର ବୃକ୍ଷଲତାର ଯତ୍ନ ନେବା ପାଇଁ ବାଡିକୁ ଯାଇଥାନ୍ତି । ଯେତେବେଳେ ସେ ବାଡିରେ ଦେଖନ୍ତିତ ତାଙ୍କ ବାଡିରେ ଶାଗୁଆନୀ ଓ ବାଉଁଷ ଗଛକୁ ହାଣି ଚୋରି କରି ନେଇଯାଇଛନ୍ତି, ସେ ସଂଗେ ସଂଗେ ନିକଟସ୍ଥ ଧାନମଣ୍ଡଳ ଫାଣ୍ଡିକୁ ଯାଇ ଏହି ବିଷୟରେ ଲିଖିତ ଅଭିଯୋଗ କରିଥିଲେ । ଅଭିଯୋଗ ପାଇବା ପରେ ଫାଣ୍ଡି ଅଧିକାରୀ ତଦନ୍ତ କରି ଦୋଷୀଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବେ ବୋଲି କହିଛନ୍ତି । ଅପରପକ୍ଷେ ଅଜୟଙ୍କ ଭାଇ ସମାଜସେବୀ ଅଭୟ ଦାସ ଏଭଳି ଘଟଣାକୁ ନେଇ ଦୃଢ଼ ନିନ୍ଦା କରିବା ସହିତ ଦୋଷୀ ଯେ କେହିବି ହୋଇଥାନ୍ତୁ ନା କାହିଁକି ତାକୁ ଉପଯୁକ୍ତ ଦଣ୍ଡ ପ୍ରଦାନ ନିମନ୍ତେ ପୋଲିସ ପ୍ରଶାସନ କୁ ନିବେଦନ କରିଛନ୍ତି ।
