ନୂଆଦିଲ୍ଲୀ: ପୂର୍ବତନ ଆଇପିଏଲ୍ ମୁଖ୍ୟ ଲଲିତ ମୋଦୀଙ୍କ ପାସପୋର୍ଟ ବାନୁଆତୁ ରଦ୍ଦ କରିଛି। ଲଲିତ ମୋଦୀଙ୍କୁ ଜାରି ହୋଇଥିବା ବାନୁଆତୁ ପାସପୋର୍ଟ ରଦ୍ଦ କରିବାପାଇଁ ପ୍ରଧାନମନ୍ତ୍ରୀ ଜୋଥାମ୍ ନାପତ ନାଗରିକତା କମିସନ୍ଙ୍କୁ ନିର୍ଦ୍ଦେଶ ଦେଇଛନ୍ତି। ପ୍ରଧାନମନ୍ତ୍ରୀଙ୍କ ଦ୍ବାରା ଜାରି ହୋଇଥିବା ବିବୃତିରେ ତୁରନ୍ତ ଲଳିତ ମୋଦୀଙ୍କ ପାସପୋର୍ଟ ରଦ୍ଦ କରିବାପାଇଁ ପ୍ରକ୍ରିୟା ଆରମ୍ଭ କରିବାକୁ ନିର୍ଦ୍ଦେଶ ରହିଛି। ଲଳିତ ମୋଦୀଙ୍କୁ ବାନୁଆତୁ ନାଗରିକତା ମିଳିଛି ବୋଲି ଭାରତ ସ୍ପଷ୍ଟ କରିବାର ୩ ଦିନ ପରେ ଏହି ଖବର ମିଳିଛି। ତେବେ ପ୍ରଧାନମନ୍ତ୍ରୀ ଜୋଥାମ୍ ନାପତଙ୍କ ନିର୍ଦ୍ଦେଶକ୍ରମେ ଲଳିତ ମୋଦୀଙ୍କ ବାନୁଆତୁ ପାସପୋର୍ଟ ରଦ୍ଦ ହୋଇଥିବା ଖବର ଉପରେ ପ୍ରତିକ୍ରିୟା ରଖି ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ୍)ର ପୂର୍ବତନ ପ୍ରତିଷ୍ଠାତା କହିଛନ୍ତି ଯେ ବାନୁଆତୁ ନାଗରିକତା ଆୟୋଗର ଅଧ୍ୟକ୍ଷ ଏହି ମାମଲାରେ ନିଷ୍ପତ୍ତି ନେବା ପୂର୍ବରୁ କୋର୍ଟଙ୍କ ଫଳାଫଳକୁ ଅପେକ୍ଷା କରିବେ।
ମନି ଲଣ୍ଡରିଂରେ ସମ୍ପୃକ୍ତ ଥିବା ଅଭିଯୋଗରେ ଭାରତରେ ୱାଣ୍ଟେଡ୍ ଥିବା ମୋଦୀ ବାନୁଆତୁ ନାଗରିକତା ହାସଲ କରିବା ପରେ ଲଣ୍ଡନ ହାଇକମିସନରେ ପାସପୋର୍ଟ ଦାଖଲ କରିବାକୁ ଆବେଦନ କରିଥିଲେ। ତେବେ ମୋଦୀ ପ୍ରତ୍ୟର୍ପଣରୁ ବର୍ତ୍ତିବାକୁ ଚେଷ୍ଟା କରୁଥିବା ଦର୍ଶାଇ ତାଙ୍କୁ ଦିଆଯାଇଥିବା ପାସପୋର୍ଟକୁ ରଦ୍ଦ କରିବାକୁ ନାପତ ସୋମବାର କମିସନଙ୍କୁ ନିର୍ଦ୍ଦେଶ ଦେଇଛନ୍ତି। ମୋଦୀ କହିଛନ୍ତି, ବାନୁଆତୁ ନାଗରିକତା ଆୟୋଗର ଅଧ୍ୟକ୍ଷ କହିଛନ୍ତି ଯେ ତାଙ୍କ ନାଗରିକତା ବିଷୟରେ ନିଷ୍ପତ୍ତି ନେବା ପୂର୍ବରୁ ତାଙ୍କ କାର୍ଯ୍ୟାଳୟ ଅଦାଲତର ଫଳାଫଳକୁ ଅପେକ୍ଷା କରିବ। ଯଦି ଅଦାଲତ ଜାଣିବାକୁ ପାଇବେ ଯେ ସେ ଦୋଷୀ, ତେବେ କମିସନ ତାଙ୍କ ପାସପୋର୍ଟ ଓ ନାଗରିକତ୍ବକୁ ବାତିଲ କରିବା ପ୍ରକ୍ରିୟା ଆରମ୍ଭ କରିବେ।
