ପୋଲସରା: ଗାଁରେ ଦୋଳ ଯାତ୍ରା ଚାଲିଥିବା ବେଳେ ସଂଘବଦ୍ଧ ଆକ୍ରମଣ । ଆକ୍ରମଣରେ ଜଣେ ଯୁବକ ଗୁରୁତର ଭାବେ ଆହତ ହୋଇଛନ୍ତି । ଗଞ୍ଜାମ ଜିଲ୍ଲା ପୋଲସରା ଥାନା ମଧୁପଲ୍ଲୀ ଗାଁରେ ଏଭଳି ଘଟଣା ଘଟିଛି । ଆହତ ଯୁବକ ଜଣକ ନିରାକାର କରଣଙ୍କ ପୁଅ ସୁନି କରଣ । ଗାଁରେ ଦୋଳ ଯାତ୍ରା ଚାଲିଥିବା ବେଳେ ସୁନିଙ୍କୁ ସେହି ଗାଁର କିଛି ଯୁବକ ସଂଘବଦ୍ଧ ଭାବରେ ଧାରୁଆ ଅସ୍ତ୍ରରେ ଆକ୍ରମଣ କରିଥିଲେ । ସୁନିଙ୍କ ମୁଣ୍ଡରେ ଗଭୀର ଆଘାତ ଲାଗିଛି । ଗୁରୁତର ଭାବେ ତାଙ୍କୁ ପୋଲସରା ମେଡିକାଲରେ ଭର୍ତ୍ତି କରାଯାଇଛି । ପୋଲସରା ଥାନା ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ କରୁଛି ।
