ହଜି ଯାଇଥିବା କଣ୍ଢେଇକୁ ଫେରାଇବା ପାଇଁ ୬ହଜାର ମାଇଲ ବାଟ ବିମାନ ଉଡ଼ାଇ ପହଞ୍ଚିଥିଲେ ପାଇଲଟ – Utkal Mail
ନୂଆଦିଲ୍ଲୀ: ଆମେରିକାନ ଏୟାରଲାଇନ୍ସରେ କାମ କରୁଥିବା ଜଣେ ପାଇଲଟ ଏମିତି ଏକ କାମ କରିଛନ୍ତି, ଯାହାକୁ ନେଇ ଲୋକେ ତାଙ୍କର ଭୁରିଭୁରି ପ୍ରଶଂସା କରୁଛନ୍ତି। ଏହି ପାଇଲଟଙ୍କ ନାମ ହେଉଛି ଜେମ୍ସ ଡେନେନ।
ପାଇଲଟ ଜେମ୍ସ ଡେନେନ କହିଛନ୍ତି, ‘ ମୁଁ ଫେସବୁକ ଜରିଆରେ ଜାଣିବାକୁ ପାଇଲି କି ଭେଲେଣ୍ଟିନା ନାମକ ଶିଶୁ ତାର କଣ୍ଢେଇକୁ ହଜାଇ ଦେଇଛି। ଯାହାକୁ ଶେଷଥର ପାଇଁ ଟୋକିଓର ଏକ ବିମାନରେ ଦେଖିବାକୁ ମିଳିଥିଲା। ଏହାପରେ ମୁଁ ଟର୍କିସ ଏୟାରଲାଇନ୍ସ ସହିତ ଯୋଗଯୋଗ କରିବାକୁ ଚେଷ୍ଟା କରିଥିଲି। ଏଥିରୁ ମୋତେ ଭେଲେଣ୍ଟିନାର ହଜି ଯାଇଥିବା କଣ୍ଢେଇ ସମ୍ପର୍କରେ ସୂଚନା ମିଳିଥିଲା।
ମୁଁ ସେଠାରେ ପହଞ୍ଚି ଭେଲେଣ୍ଟିନାର ହଜି ଯାଇଥିବା କଣ୍ଢେଇକୁ ପାଇ ତା’ ସହିତ ଫଟୋ ଉଠାଇ, ଉକ୍ତ କଣ୍ଢେଇକୁ ଧରି ବିମାନ ଉଡ଼ାଇ ୬ହଜାର ମାଇଲ ବାଟ ଅତିକ୍ରମ କରିଥିଲି। ଆଉ ଭେଲେଣ୍ଟିନାର ଘରେ ପହଞ୍ଚି ତାକୁ ଏହି କଣ୍ଢେଇ ଫେରାଇ ଦେଇଥିଲି। ଏହି କଣ୍ଢେଇକୁ ପାଇ ଶିଶୁ ମୁହଁରେ ଯେଉଁ ହସ ଫେରି ପାଇଥିଲି ତାହା ମୋ ପାଇଁ ଏକ ବଡ଼ ଉପହାର ଥିଲା। ମୁଁ ଭେଲେଣ୍ଟିନାକୁ କଣ୍ଢେଇ ଫେରାଇ କହିଥିଲି, ‘‘ମନ ଉଣା କରନାହିଁ, ନେ ତୋର ପ୍ରିୟ କଣ୍ଢେଇ।’’
ପାଇଲଟ ଜେମ୍ସ ଡେନେନଙ୍କ ଝିଅ ପ୍ରତି ଏଭଳି ଭଲପାଇବା ଦେଖି ଭେଲେଣ୍ଟିନାଙ୍କ ବାପା ଓ ମା’ ଖୁସି ହୋଇଯାଇଥିଲେ। ଝିଅର ଖୁସି ପାଇଁ ଜେମ୍ସ ଡେନେନ ଏତେ ବାଟ ଯାତ୍ରା କରି ପହଞ୍ଚିଥିବାରୁ ତାଙ୍କୁ ଅଶେଷ ଅଶେଷ ଧନ୍ୟବାଦ। ଆମେ ତାଙ୍କ ପାଖରେ ଋଣୀ ବୋଲି ଭେଲେଣ୍ଟିନାଙ୍କ ବାପା ଓ ମା’ କହିଥିଲେ।
