ରେଢାଖୋଲ : ଜାମୁକୋଳି ଖାଇବା ହେଲା କାଳ । ଜାମୁକୋଳି ଖାଇବା ପାଇଁ ଗଛକୁ ଚଢିଥିବା ବେଳେ ଗଛରୁ ତଳକୁ ପଡ଼ି ଜଣେ ନାବାଳକଙ୍କ ମୃତ୍ୟୁ ଘଟିଛି । ଗଛରୁ ତଳକୁ ପଡ଼ି ଯିବାରୁ ତଳେ ଥିବା ଏକ ବାଡ଼ର ବାଡ଼ି ବାଳକର ପେଟରେ ପଶି ଅପର ପାର୍ଶ୍ୱରେ ବାହାରି ଯିବାରୁ ଘଟଣା ସ୍ଥଳରେ ମୃତ୍ୟୁ ଘଟିଛି । ଏମିତି ଅଭାବନୀୟ ଘଟଣା ଘଟିଛି ରେଢାଖୋଲ ନାକଟିଦେଉଳ ଥାନା ବାଟଗାଁ ପଞ୍ଚାୟତ ଗଦାଧରପୁର ଗାଁରେ । ମୃତ ନାବାଳକ ଜଣଙ୍କ ହେଲେ ଗଦାଧରପୁର ଗ୍ରାମର ରବି କଂସାରୀଙ୍କ ପୁଅ ବାବୁସାନ କଂସାରୀ ବୋଲି ସୂଚନା ମିଳିଛି ।
