ପାରାଦୀପ : ଟ୍ରେନରେ କଟିଗଲା ବିଦ୍ୟୁତ୍ ବିଭାଗ କର୍ମଚାରୀଙ୍କ ଦୁଇଟି ଗୋଡ। ବିଳମ୍ବିତ ରାତିରେ ପାରାଦ୍ବୀପ ଭୁତୁମୁଣ୍ଡାଇ ବରେଇ ନିକଟରେ ଘଟିଛି ଏପରି ଘଟଣା । ଗୁରୁତର ଯୁବକ ହେଲେ କେନ୍ଦ୍ରାପଡା ଜିଲ୍ଲା ମାର୍ଶାଘାଇ ଥାନା ବଡପାଳ ଗ୍ରାମର ସନ୍ତୋଷ ଜେନା । ତେବେ ଟ୍ରେନରେ ଗୋଡ଼ କଟିଯିବ ପରେ ତାଙ୍କ ଚିତ୍କାର ଶୁଣି ସ୍ଥାନୀୟ ଲୋକେ ଉଦ୍ଧାର କରିବା ପରେ ତାଙ୍କୁ ପ୍ରଥମେ କୁଜଙ୍ଗ ମେଡିକାଲରେ ଭର୍ତ୍ତି କରିଥିଲେ । ପରେ ତାଙ୍କ ଅବସ୍ଥା ଗୁରୁତର ହେବାରୁ କଟକକୁ ସ୍ଥାନାନ୍ତର କରାଯାଇଛି। ତେବେ ସନ୍ତୋଷ କେଉଁ କାରଣ ପାଇଁ ଟ୍ରେନ୍ ଲାଇନ୍ କୁ ଯାଇଥିଲେ ଏବଂ ଟ୍ରେନ୍ ଆଗକୁ କିପରି ଆସିଲେ ତାହା ସ୍ପଷ୍ଟ ହୋଇନାହିଁ । ସନ୍ତୋଷ ଟାଟା ବିଦ୍ୟୁତ୍ ବିଭାଗର ଲାଇନ୍ ମ୍ୟାନ ଭାବେ କାର୍ଯ୍ୟ କରୁଥିବା ସୂଚନା ମିଳିଛି ।
