ବାଙ୍କୀ: ବାଙ୍କୀରେ ପୂର୍ବଶତ୍ରୁତାରୁ ବୋମାମାଡ଼ । ଅଳ୍ପକେ ବର୍ତ୍ତିଲେ ପରିବାର ଲୋକ । କଟକ ଜିଲ୍ଲା ବାଙ୍କୀ ଥାନାର ସହଙ୍ଗା ଗୋପାଳପୁର ଗାଁର ଗୋଲକ ଜେନାଙ୍କ ଘର ଉପରକୁ ବୋମା ମାଡ଼ ହୋଇଛି । ପରିବାରର ସମସ୍ତେ ଶୋଇଥିବା ବେଳେ ଦୁର୍ବୃତ୍ତ ଲଗାତାର ତିନିଟି ଵୋମାମାଡ଼ କରିଛି । ଏଥିରେ ଝରକା କବାଟ ଭାଙ୍ଗିରୁଜି ଯାଇଛି । ଅଳ୍ପକେ ବର୍ତ୍ତିଛନ୍ତି ପରିବାର ସଦସ୍ୟ । ଦୁର୍ବୃତ୍ତ ଜଣକ ସହଙ୍ଗା ଗୋପାଳପୁର ଗାଁର ବୋଲି ଅଭିଯୋଗ ହୋଇଛି । ଏନେଇ ଗୋଲକଙ୍କ ପରିବାର ପକ୍ଷରୁ ବାଙ୍କୀ ଥାନାକୁ ଖବର ଦିଆଯାଇଥିଲା । ଘଟଣାସ୍ଥଳରେ ବାଙ୍କୀ ଆଇଆଇସି ଓ ସୁବର୍ଣ୍ଣପୁର ଫାଣ୍ଡି ଅଧିକାରୀ ପହଞ୍ଚି ତଦନ୍ତ କରିଛନ୍ତି ।
