ବରଗଡ: ବରଗଡ଼ ଜିଲ୍ଲା ସାହୁଟିକ୍ରାରେ ଚୋରି ସନ୍ଦେହରେ ଚାରି ଜଣ ଯୁବକଙ୍କୁ ନିସ୍ତୁକ ମାଡ଼ ମାରିଛନ୍ତି ଗ୍ରାମବାସୀ। ଏହି ଆକ୍ରମଣରେ ଦୁଇ ଜଣ ଯୁବକଙ୍କ ମୃତ୍ୟୁ ଘଟିଥିବା ବେଳେ ଜଣେ ଗୁରୁତର ଆହତ ହୋଇଛନ୍ତି।
ମଙ୍ଗଳବାର ଦିନ 4 ଜଣ ଯୁବକ ସାହୁଟିକ୍ରା ଗାଁ ଦେଇ ଯାଉଥିବା ବେଳେ ଏହି ଘଟଣା ସାମ୍ନାକୁ ଆସିଥିଲା। ସେମାନଙ୍କୁ ଚୋର ଭାବି ଗ୍ରାମବାସୀ ଅଟକ ରଖିଥିଲେ। ଜଣେ ଯୁବକ ଏହି ଦୟନୀୟ ପରିସ୍ଥିତିରୁ ରକ୍ଷା ପାଇଯାଇଥିଲେ ମଧ୍ୟ ବାକି ତିନି ଜଣଙ୍କୁ ନିସ୍ତୁକ ମାଡ଼ ମାରିଥିଲେ।
ଯାହାର ପରିଣାମ ଅତ୍ୟନ୍ତ ଭୟଙ୍କର ଥିଲା। ଘଟଣାସ୍ଥଳରେ ଜଣେ ଯୁବକଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ଦୁଇ ଜଣଙ୍କୁ ଗୁରୁତର ଅବସ୍ଥାରେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି। ତେବେ ଦୁଃଖର କଥା ଯେ, ଆହତ ଯୁବକଙ୍କ ମଧ୍ୟରୁ ଜଣଙ୍କର ଚିକିତ୍ସାଧିନ ଅବସ୍ଥାରେ ମୃତ୍ୟୁ ଘଟିଛି।
ମୃତ ଯୁବକଙ୍କ ପରିଚୟ ପାଣ୍ଡିରିପଥରର ବିଜୟ ବାଗ ଓ ସମ୍ବଲପୁରର ବିକୁ ଜାଲ ବୋଲି ଜଣାପଡ଼ିଛି। ତୃତୀୟ ମୃତକଙ୍କ ପରିଚୟ ମିଳିପାରିନାହିଁ। ଅନ୍ୟ ଯୁବକଙ୍କ ମୃତ୍ୟୁ ଓ ଆହତଙ୍କ ସଂଖ୍ୟାକୁ ନେଇ ପୁଲିସ ଗଭୀର ଦୁଃଖ ପ୍ରକାଶ କରିବା ସହ ଘଟଣାର ତଦନ୍ତ ଆରମ୍ଭ କରିଛି।
